Entertainment
ಜಾಕಿಚಾನ್‌ಗೆ ತಗಲಿದೆಯಾ ಕೊರೋನಾ? - ಸ್ಪಷ್ಟನೆ ನೀಡಿದ ನಟ
- Sat, Feb 29 2020 04:31:16 PM
-
ಬೀಜಿಂಗ್, ಫೆ 29(Daijiworld News/MB) : ಹಾಲಿವುಡ್‌ ಆಕ್ಷನ್‌ ಕಿಂಗ್‌ ಜಾಕಿ ಚಾನ್‌ಗೆ ಕೊರೋನಾ ವೈರಸ್ ತಗಲಿದೆ ಎಂದು ಎಲ್ಲೆಡೆ ಸುದ್ದಿ ಹರಡುತ್ತಿದ್ದ ಇದೀಗ ಈ ಬಗ್ಗೆ ಜಾಕಿ ಚಾನ್ ತನ್ನ ಇನ್‍ಸ್ಟಾದಲ್ಲಿ ಸ್ಪಷ್ಟನೆ ನೀಡಿದ್ದಾರೆ.
ತನ್ನ ಇನ್ಸ್‌ಸ್ಟಾಗ್ರಾಂನಲ್ಲಿ ಈ ಬಗ್ಗೆ ಟ್ವೀಟ್‌ ಮಾಡಿರುವ ಅವರು, "ನಿಮ್ಮೆಲ್ಲರ ಕಾಳಜಿಗೆ ಧನ್ಯವಾದಗಳು. ನಾನು ಸುರಕ್ಷಿತ ಹಾಗೂ ಆರೋಗ್ಯವಾಗಿದ್ದೇನೆ. ದಯವಿಟ್ಟು ಆತಂಕ ಪಡಬೇಡಿ. ನನ್ನನ್ನು ಪ್ರತ್ಯೇಕವಾಗಿ ಇರಿಸಲಾಗಿಲ್ಲ. ಎಲ್ಲರೂ ಸುರಕ್ಷಿತವಾಗಿ ಹಾಗೂ ಆರೋಗ್ಯವಾಗಿರುತ್ತಾರೆ ಎಂದು ನಾನು ಭಾವಿಸುತ್ತೇನೆ" ಎಂದು ಹೇಳಿದ್ದಾನೆ.
ಈ ಪೋಸ್ಟ್‌ನಲ್ಲಿ ತಾನು ನಮಸ್ಕರಿಸುವ ಪೋಟೋವನ್ನು ಕೂಡಾ ಹಾಕಿದ್ದಾರೆ.
ವಿಶ್ವದಾದ್ಯಂತ ಜಾಕಿ ಚಾನ್ ಅಭಿಮಾನಿಗಳು ಅವರಿಗೆ ಮಾಸ್ಕ್‌ ಸೇರಿದಂತೆ ಹಲವು ವಿಶೇಷ ಉಡುಗೊರೆಗಳನ್ನು ನೀಡುತ್ತಿದ್ದಾರೆ. ಚಾಕಿ ಚಾನ್ ತನಗೆ ಅಭಿಮಾನಿಗಳು ನೀಡಿದ ಮಾಸ್ಕ್‌ಗಳನ್ನು ಬೇರೆ ಬೇರೆ ಸಂಸ್ಥೆಗಳಿಗೆ ದಾನ ಮಾಡಲು ತಮ್ಮ ಸಿಬ್ಬಂದಿಗಳಿಗೆ ತಿಳಿಸಿದ್ದಾರೆ.
ಜಾಕಿ ಚಾನ್ ಹಾಂಗ್‍ಕಾಂಗ್‍ನಲ್ಲಿ ಜನಿಸಿದ್ದು ಪ್ರಸ್ತುತ ಅಲ್ಲಿ 90ಕ್ಕೂ ಅಧಿಕ ಜನರು ಕೊರೋನಾ ವೈರಸ್‌ಗೆ ಬಲಿಯಾಗಿದ್ದಾರೆ. ಚೀನಾದಲ್ಲಿ ಈವರೆಗೂ 2,924 ಮಂದಿ ಕೊರೋನಾ ವೈರಸ್‌ನಿಂದಾಗಿ ಸಾವನ್ನಪ್ಪಿದ್ದು 85,469 ಮಂದಿಗೆ ಕೊರೋನಾ ವೈರಸ್ ತಗಲಿದೆ.
ಚಾನಲ್ ಫಾಲೋ ಮಾಡಿ
