ತುಳು ಸಿನಿಮಾ ಇಂಗ್ಲೀಷ್‌ಗೆ ಯು/ಎ ಸರ್ಟಿಫಿಕೇಟ್

•   Fri, Feb 28 2020 05:41:45 PM



• ಮಂಗಳೂರು, ಫೆ 28 (Daijiworld News/MB) : ಕೆ.ಸೂರಜ್ ಶೆಟ್ಟಿ ನಿರ್ದೇಶನದ ರೀಶ್ ಶೇರಿಗಾರ್, ಶರ್ಮಿಳಾ ಶೇರಿಗಾರ್ ನಿರ್ಮಾಣದ ತುಳು ಸಿನಿಮಾ ಇಂಗ್ಲೀಷ್‌ಗೆ ಸೆನ್ಸರ್‌ ಮಂಡಳಿಯು ಯು/ಎ ಸರ್ಟಿಫಿಕೇಟ್ ನೀಡಿದೆ.

  

  ಈ ಸಿನಿಮಾ ಮಾರ್ಚ್ 20 ರಂದು ತೆರೆಕಾಣಲಿದ್ದು ದಕ್ಷಿಣ ಕನ್ನಡ, ಉಡುಪಿ, ಬೆಂಗಳೂರು, ಪುಣೆ, ಮುಂಬೈ ಹಾಗೂ ಗಲ್ಫ್‌ ರಾಷ್ಟ್ರಗಳಲ್ಲೂ ಪ್ರೇಕ್ಷಕರನ್ನು ರಂಜಿಸಲಿದೆ.

  ಎಕ್ಕಸಕ, ಪಿಲಿಬೈಲ್ ಯಮುನಕ್ಕ ಮೊದಲಾದ ಹಿಟ್ ಸಿನಿಮಾ ನೀಡಿರುವ ಕೆ. ಸೂರಜ್ ಶೆಟ್ಟಿ ನಿರ್ದೇಶನ ಇಂಗ್ಲೀಷ್ ಸಹಜವಾಗಿಯೇ ನಿರೀಕ್ಷೆ ಹೆಚ್ಚಿಸಿದೆ. ಪೃಥ್ವಿ ಅಂಬರ್, ನವ್ಯಾ ಪೂಜಾರಿ, ಅರವಿಂದ ಬೋಳಾರ್, ನವೀನ್ ಡಿ ಪಡೀಲ್, ವಿಸ್ಮಯ ವಿನಾಯಕ್, ರವಿ ರಾಮಕಂಜ, ಬೋಜರಾಜ್ ವಾಮಂಜೂರು, ಪ್ರಸನ್ನ ಶೆಟ್ಟಿ ಬೈಲೂರು, ಸಂದೀಪ್ ಶೆಟ್ಟಿ ಮಾಣಿಬೆಟ್ಟು ಮೊದಲಾದವರು ಪಾತ್ರಕ್ಕೆ ಜೀವ ತುಂಬಿದ್ದಾರೆ.

  ಕನ್ನಡ ಸಿನಿಮಾದ ಖ್ಯಾತ ನಟ ಅನಂತ್‌ ನಾಗ್‌ ಕೂಡಾ ಈ ಸಿನಿಮಾದಲ್ಲಿ ಪಾತ್ರ ಮಾಡಿದ್ದಾರೆ.

  ಕದ್ರಿ ಮಣಿಕಾಂತ್‌ ಸಂಗೀತ ನಿರ್ದೇಶಿಸಿದ್ದು, ಶಶಿರಾಜ್ ಕಾವೂರು, ಅರ್ಜುನ್ ಲೂಯಿಸ್ ಸಾಹಿತ್ಯ ಬರೆದಿದ್ದಾರೆ. ಕೃಷ್ಣ ಸಾರಥಿ ಛಾಯಾಗ್ರಹಣ, ಮನು ಶೇರಿಗಾರ್ ಸಂಕಲನ ಮಾಡಿದ್ದಾರೆ.