ಮನೆಯವರು ನೋಡಿದ ಹುಡುಗನನ್ನೇ ವಿವಾಹವಾಗುವೆ - ಗಾಳಿ ಸುದ್ದಿಗೆ ತೆರೆ ಎಳೆದ ಅನುಷ್ಕಾ ಶೆಟ್ಟಿ

•   Mon, Feb 24 2020 04:28:32 PM



• ಹೈದರಾಬಾದ್‌, ಫೆ 24 (Daijiworld News/MB) : ಮನೆಯವರು ನೋಡಿದ ಹುಡುಗನನ್ನೇ ವಿವಾಹವಾಗುವೆ ಎಂದು ಹೇಳುವ ಮೂಲಕ ದಕ್ಷಿಣ ಭಾರತದ ಖ್ಯಾತ ನಟಿ ಹಾಗೂ ಕರಾವಳಿಯ ಅನುಷ್ಕಾ ಶೆಟ್ಟಿ ಗಾಳಿ ಸುದ್ದಿಗಳಿಗೆ ತೆರೆ ಎಳೆದಿದ್ದಾರೆ.

  

  ಹೈದರಾಬಾದ್‌ನಲ್ಲಿ ನಟ ನಾನಿ ಸಿನಿಮಾದ ಕಾರ್ಯಕ್ರಮದಲ್ಲಿ ಭಾಗವಹಿಸಿದ್ದ ಅನುಷ್ಕಾ ಮಾಧ್ಯಮ ಪ್ರತಿನಿಧಿಗಳ ಜೊತೆ ಮಾತನಾಡಿ, "ಇದುವರೆಗೆ ಹರಡುತ್ತಿರುವ ಎಲ್ಲಾ ಸುದ್ದಿಗಳು ಗಾಳಿ ಸುದ್ದಿಗಳು ಮತ್ತು ರಬ್ಬಿಶ್‌, ನಾನು ಮನೆಯವರು ನೋಡಿದ ಹುಡುಗನನ್ನೇ ವಿವಾಹವಾಗುವೆ" ಎಂದು ಹೇಳುವ ಮೂಲಕ ಗಾಸಿಪ್‌ಗಳಿಗೆ ಅಂತ್ಯ ಹಾಡಿದ್ದಾರೆ.

  ಇತ್ತೀಚೆಗೆ ಅನುಷ್ಕಾ ಶೆಟ್ಟಿ ಭಾರತ ಕ್ರಿಕೆಟ್‌ ತಂಡದ ಆಟಗಾರನ ಜೊತೆ ಡೇಟಿಂಗ್‌ ಮಾಡುತ್ತಿದ್ದಾರೆ ಎಂಬ ಗಾಳಿ ಸುದ್ದಿಗಳು ಹರಡಿದ್ದವು.

  ಅದಕ್ಕಿಂತಲೂ ಮೊದಲು ತೆಲುಗಿನ ಬಾಹುಬಲಿ ಖ್ಯಾತಿಯ ಪ್ರಭಾಸ್ ಜೊತೆ ಅನುಷ್ಕಾ ಮದುವೆಯಾಗಲಿದೆ ಎಂಬ ಸುದ್ದಿಗಳು ಕೂಡಾ ಹರಿದಾಡಿದ್ದವು. ಈ ವಿಚಾರವನ್ನು ಕೂಡಾ ಅನುಷ್ಕಾ ತಳ್ಳಿಹಾಕಿದ್ದರು.