ಬಿಗ್‌ ಬಾಸ್‌ ವಿನ್ನರ್‌ ಶೈನ್‌ ಶೆಟ್ಟಿಗೆ ತವರೂರಲ್ಲಿ ಅದ್ಧೂರಿ ಸ್ವಾಗತ

•   Wed, Feb 19 2020 05:09:16 PM



• ಉಡುಪಿ, ಫೆ 19 (Daijiworld News/MB) : ಬಿಗ್‌ ಬಾಸ್‌ ಸೀಸನ್ 7’ ಕನ್ನಡ ರಿಯಾಲಿಟಿ ಶೋ ನಲ್ಲಿ ಗೆದ್ದ ಶೈನ್‍ ಶೆಟ್ಟಿ ತನ್ನ ತವರು ಊರಿಗೆ ಆಗಮಿಸಿದ್ದು ಅವರಿಗೆ ಅದ್ಧೂರಿ ಸ್ವಾಗತ ದೊರೆತಿದೆ.

  

  

  

  

  

  

  

  ಶೈನ್‌ ಶೆಟ್ಟಿ ಮೂಲತಃ ಉಡುಪಿಯ ಅತ್ರಾಡಿಯವರಾಗಿದ್ದಾರೆ. ಬಿಗ್‌ ಬಾಸ್‌ನಲ್ಲಿ ಸ್ಪರ್ಧಿಸುವ ಮೊದಲು ಅವರು ಕನ್ನಡ ಸಿನಿಮಾದಲ್ಲಿ ಹಾಗೂ ದಾರಾವಾಹಿಗಳಲ್ಲಿ ನಟಿಸಿದ್ದಾರೆ.

  ಅವರ ನಟನೆಯ ತುಳು ಸಿನಿಮಾ ಕುಡ್ಲ ಕೆಫೆ 2016 ತೆರೆ ಕಂಡಿದೆ. ಹಾಗೆಯೇ ಅವರು ಹಲವು ಟಿ.ವಿ. ಕಾರ್ಯಕ್ರಮಗಳಲ್ಲಿ ಕಾರ್ಯಕ್ರಮ ನಿರ್ವಹಣೆ ಮಾಡಿದ್ದಾರೆ.

  ಶೈನ್‌ ಶೆಟ್ಟಿ ಆಗಮನಕ್ಕೆ ಅವರ ಉಡುಪಿಯ ಅಭಿಮಾನಿ ಬಳಗ ರ್‍ಯಾಲಿ ಆಯೋಜನೆ ಮಾಡಿದ್ದು ಆ ರ್‍ಯಾಲಿ ಜೋಡುಕಟ್ಟೆಯಿಂದ ಉಡುಪಿ ಸರ್ವೀಸ್‌ ಬಸ್‌ ನಿಲ್ದಾಣದಲ್ಲಿ ಕೊನೆಗೊಂಡಿದೆ.

  ಈ ಅದ್ದೂರಿ ಸ್ವಾಗತದ ಸಂದರ್ಭದಲ್ಲಿ ಶೈನ್‌ ಶೆಟ್ಟಿಯವರ ಅಭಿಮಾನಿಗಳು ಮುಗಿಬಿದ್ದು ಅವರೊಂದಿಗೆ ಸೆಲ್ಫೀ ಕ್ಲಿಕ್ಕಿಸಿಕೊಂಡಿದ್ದಾರೆ. ಈ ಸಂದರ್ಭದಲ್ಲಿ ಅವರ ಪೋಚಕರು ಕೂಡಾ ಜೊತೆಯಲ್ಲಿದ್ದರು.

  ಶೈನ್‌ ಶೆಟ್ಟಿ ಇತ್ತೀಚೆಗೆ ಬಿಗ್‌ ಬಾಸ್‌ ಸೀಸ್‌ 7 ರ ಟ್ರೋಫಿ ವಿಜೇತರಾಗಿ 60 ಲಕ್ಷ ಮೌಲ್ಯದ ಮನೆಯನ್ನು ಬಹುಮಾನವಾಗಿ ಪಡೆದಿದ್ದರು. ಹಾಗೆಯೇ ಪ್ರೇಕ್ಷಕರ ಪ್ರೀತಿ ಗಳಿಸಿದ ಅವರಿಗೆ ಹೊಸ ಕಾರು ಕೂಡಾ ನೀಡಲಾಗಿದೆ.