Entertainment
ನಟಿ ಊರ್ವಶಿ ಧರಿಸಿದ್ದು ಒಂದು ಗೌನ್, ಕೂರಲು ಬೇಕಾದದ್ದು ನಾಲ್ಕು ಸೀಟು - ವಿಡಿಯೋ ವೈರಲ್‌
- Tue, Feb 18 2020 04:35:42 PM
-
ಮುಂಬೈ, ಫೆ 18 (Daijiworld News/MB) : ಐರಾವತ ಬೆಡಗಿ ಊರ್ವಶಿ ರೌಟೇಲಾ ಗೌನ್ ಧರಿಸಿ ನಾಲ್ಕು ಸೀಟಿನಲ್ಲಿ ಕುಳಿತಿದ್ದು ಇದೀಗ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್‌ ಆಗಿದೆ.
ಇತ್ತೀಚೆಗೆ ನಡೆದ ಫಿಲ್ಮ್‌ಫೇರ್‌ ಕಾರ್ಯಕ್ರಮದಲ್ಲಿ ಊರ್ವಶಿ ಭಾಗವಹಿಸಿದ್ದು ಈ ಸಂದರ್ಭದಲ್ಲಿ ಕೆಂಪು ಬಣ್ಣದ ಗೌನ್ ಧರಿಸಿದ್ದರು. ಇದು ಬಹಳಷ್ಟು ಭಾರವಾಗಿತ್ತು.ಈ ಗೌನ್ ಭಾರವಾದ ಕಾರಣದಿಂದಾಗಿ ಊರ್ವಶಿಗೆ ಅದನ್ನು ನಿಭಾಯಿಸಲು ಬಹಳ ಕಷ್ಟವಾಯಿತು.
ತಾನು ನಾಲ್ಕು ಸೀಟುಗಳಲ್ಲಿ ಕುಳಿತುಕೊಂಡ ವಿಡಿಯೋವೊಂದನ್ನು ತನ್ನ ಇನ್‍ಸ್ಟಾದಲ್ಲಿ ಊರ್ವಶಿ ಹಂಚಿಕೊಂಡಿದ್ದು ಅವರ ತಂಡದ ಮೂರು- ನಾಲ್ಕು ಮಂದಿ ಗೌನ್ ಸರಿ ಮಾಡುತ್ತಿರುವುದು ವಿಡಿಯೋದಲ್ಲಿ ಕಂಡು ಬಂದಿದೆ. ಅಷ್ಟು ಮಾತ್ರವಲ್ಲದೇ ಅವರು ಕುಳಿತುಕೊಳ್ಳಲು ಸಾಧಯವಾಗದೆ ಅಲ್ಲಿ ಕುಳಿತ್ತಿದ್ದವ ಮೂರು ನಾಲ್ಕು ಸೀಟುಗಳನ್ನು ಖಾಲಿ ಮಾಡಬೇಕಾಯಿತು.
ಈ ವಿಡಿಯೋವನ್ನು ತನ್ನ ಇನ್‍ಸ್ಟಾದಲ್ಲಿ ಹಂಚಿರುವ ಊರ್ವಶಿ ತನಗೆ ಸಹಾಯ ಮಾಡಿದವರಿಗೆ ಧನ್ಯವಾದ ತಿಳಿಸಿದ್ದಾರೆ.
ಸದ್ಯ ಊರ್ವಶಿ ಪೋಸ್ಟ್ ಮಾಡಿದ ವಿಡಿಯೋ ನೋಡಿ ಕೆಲವರು, ‘ಈ ಗೌನ್ ಧರಿಸಿ ಕೂರಲು ಬೇರೆಯೇ ಸೀಟ್ ಬೇಕಾಗುತ್ತದೆ’ ಎಂದು ಕಮೆಂಟ್ ಮಾಡಿದ್ದಾರೆ. ಇನ್ನೂ ಕೆಲವರು, ‘ನೀವು ಒಂದು ಸೀಟಿನಲ್ಲಿ ಕುಳಿತಿದ್ದೀರಾ, ಆದರೆ ನಿಮ್ಮ ಗೌನ್‍ಗೆ ನಾಲ್ಕು ಸೀಟ್ ಬೇಕಾಗಿದೆ’ ಎಂದು ಕಮೆಂಟ್ ಮಾಡಿದ್ದಾರೆ.
ಚಾನಲ್ ಫಾಲೋ ಮಾಡಿ
