ಕಾಜಾಲ್‌ ಕುಂದರ್‌ ಅಭಿನಯದ ಕನ್ನಡ ಸಿನಿಮಾ 'ಮಾಯಾ ಕನ್ನಡಿ' ಟೀಸರ್‌ ಬಿಡುಗಡೆ

•   Thu, Feb 13 2020 06:44:09 PM



• ಮಂಗಳೂರು, ಫೆ 13 (Daijiworld News/MB) : ಕಾಂಜಾಲ್‌ ಕುಂದರ್‌ ಅಭಿನಯದ ಮಾಯಾ ಕನ್ನಡಿ ಕನ್ನಡ ಸಿನಿಮಾದ ಟೀಸರ್‌ ಫೆ.11 ರಂದು ಬಿಡುಗಡೆಯಾಗಿದೆ.

  

  

  

  

  ಈ ಸಿನಿಮಾವನ್ನು ವಿನೋದ್‌ ಪೂಜಾರಿ ನಿರ್ದೇಶಿಸಿದ್ದು ಸಪ್ನಾ ಪಾಟೀಲ್‌ ಬಂಡವಾಳ ಹೂಡಿದ್ದಾರೆ.

  ಸಿಫೋರಿಯಾ ಬ್ಯಾನರ್ ಅಡಿಯಲ್ಲಿ ನಿರ್ಮಾಣವಾಗುತ್ತಿರುವ ಈ ಸಿನಿಮಾದಲ್ಲಿ ಕಾಂಜಾಲ್‌ ಕುಂದರ್‌ ಸೇರಿದಂತೆ ಪ್ರಭು ಮುಂಡಕೂರ್, ಕೆ ಎಸ್ ಶ್ರೀಧರ್, ಕಾಜಲ್ ಕುಂದೆರ್, ಅನ್ವಿತಾ ಸಾಗರ್, ಅನೂಪ್ ಸಾಗರ್, ಕಾರ್ತಿಕ್ ರಾವ್, ಅಶ್ವಿನ್ ರಾವ್ ಪಲ್ಲಕ್ಕಿ, ರಮೇಶ್ ರೈ ಕುಕ್ಕುವಳ್ಳಿ ಮೊದಲಾದವರು ಪಾತ್ರಕ್ಕೆ ಜೀವ ತುಂಬಿದ್ದಾರೆ.

  ಈ ಸಿನಿಮಾದ ಚಿತ್ರೀಕರಣವು ಉಡುಪಿ, ಸುರತ್ಕಲ್‌ನ ಸುತ್ತಮುತ್ತ ಪ್ರದೇಶದಲ್ಲಿ ನಡೆದಿದೆ.

  ಈ ಸಿನಿಮಾದ ಕುರಿತಾಗಿ ಮಾತನಾಡಿದ ನಟಿ ಕಾಜಾಲ್‌ ಕುಂದರ್‌, "ನಾನು ಈ ಸಿನಿಮಾದಲ್ಲಿ ವಿದ್ಯಾರ್ಥಿಗಳಿಗೆ ಸಹಾಯ ಮಾಡುವ ಕಾಲೇಜ್ ಕೌನ್ಸಿಲರ್ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದು ಈ ಸಿನಿಮಾವು ಬ್ಲೂ ವೇಲ್‌ ಗೇಮ್‌ ಕುರಿತಾದ ಕಾಲೇಜು ಕ್ಯಾಂಪಸ್‌ನಲ್ಲಿ ನಡೆಯುವ ನಿಗೂಢ, ಥ್ರಿಲ್ಲರ್‌ ಕಾಲ್ಪನಿಕ ಕತೆಯಾಗಿದೆ. ಯುವಕರಿಂದ ಹಿಡಿದು ಇಳಿ ವಯಸ್ಸಿನ ಜನರೆಲ್ಲರಿಗೂ ಈ ಸಿನಿಮಾದಲ್ಲಿ ಸಂದೇಶವಿದೆ" ಎಂದು ಹೇಳಿದ್ದಾರೆ.

  ಕಾಜಾಲ್‌ ಕುಂದರ್‌ ಪ್ರಸ್ತುತ ಅರುಣ್‌ ನಿರ್ದೇಶನದ ಕನ್ನಡ ಸಿನಿಮಾ ಕೆಟಿಎಂ ಹಾಗೂ ತ್ರಿಶೂಲ್‌ ಶಟ್ಟಿ ನಿರ್ದೇಶನದ ತುಳು ಸಿನಿಮಾ ಮಾಜಿ ಮುಖ್ಯಮಂತ್ರಿಯ ಚಿತ್ರೀಕರಣದಲ್ಲಿದ್ದಾರೆ.

  ಮಾಯಾ ಕನ್ನಡಿ ಸಿನಿಮಾ ಫೆ.೨೮ ರಂದು ಬಿಡುಗಡೆಯಾಗುವ ಸಾಧ್ಯತೆಯಿದೆ.

  ಕಾಂಜಾಲ್‌ ಕುಂದರ್‌ ಅವರು ಮಂಗಳೂರಿನ ಸಸಿಹಿತ್ಲು ಮೂಲದವರಾಗಿದ್ದು ಕನ್ನಡ, ತುಳು, ಹಿಂದಿ ಹಾಗೂ ಮರಾಠಿ ಸಿನಿಮಾದಲ್ಲಿ ನಟಿಸಿದ್ದಾರೆ.

  ಪ್ರಸ್ತುತ ಮುಂಬೈನಲ್ಲಿ ನೆಲೆಸಿರುವ ಅವರು ನವಿ ಮುಂಬೈನಲ್ಲಿ ತನ್ನ ಎಂಎ ಸ್ನಾತಕೋತ್ತರ ಪದವಿಯನ್ನು ಪಡೆದಿದ್ದಾರೆ.