ಪೃಥ್ವಿ ಅಂಬರ್‌ ನಟನೆಯ ಕನ್ನಡ ಸಿನಿಮಾ 'ದಿಯಾ' ಫೆ.7 ರಂದು ತೆರೆಗೆ

•   Sat, Feb 01 2020 05:09:01 PM



• ಮಂಗಳೂರು, ಫೆ. 01 (Daijiworld News/MB): ತುಳು ಸಿನಿಮಾ ನಟ ಪೃಥ್ವಿ ಅಂಬರ್‌ ನಟನೆಯ ಕನ್ನಡ ಸಿನಿಮಾ 'ದಿಯಾ' ಫೆ.7 ರಂದು ತೆರೆಕಾಣಲಿದೆ.

  

  

  ಈ ಸಿನೆಮಾವನ್ನು ಅಶೋಕ್‌ ಕೆ.ಎಸ್‌ ಅವರು ನಿರ್ದೇಶನ ಮಾಡಿದ್ದು ಕೃಷ್ಣ ಚೈತನ್ಯ ನಿರ್ಮಾಣ ಮಾಡಿದ್ದಾರೆ.

  ಈ ಸಿನಿಮಾದ ಕುರಿತು ಪತ್ರಿಕಾಗೋಷ್ಠಿ ನಡೆಸಿ ಮಾತನಾಡಿದ ನಟ ಪೃಥ್ವಿ ಅಂಬರ್‌,"ನಾನು ತುಳು ಚಿತ್ರರಂಗಕ್ಕೆ ಪ್ರವೇಶಿಸುವ ಮುನ್ನ ಈ ಕನ್ನಡ ಸಿನಿಮಾ ದಿಯಾ ದಲ್ಲಿ ಅವಕಾಶ ದೊರೆತಿದೆ. ಆದರೆ ಛಾಯಾಗ್ರಾಹಕರು ಅಲಭ್ಯವಾಗಿದ್ದ ಹಿನ್ನಲೆಯಲ್ಲಿ ಈ ಸಿನಿಮಾ ಪೂರ್ತಿಯಾಗಲು ಆರು ವರ್ಷಗಳು ಬೇಕಾಯಿತು. ಹಾಗೆಯೇ ರಿಹರ್ಸಲ್‌ಗಾಗಿ ನಾವು ಒಂದುವರೆ ವರ್ಷ ಕಾಲ ತೆಗೆದುಕೊಂಡಿದ್ದೇವೆ ಎಂದು ಹೇಳಿದರು.

  ಈ ಸಿನಿಮಾದ ನಿರ್ಮಾಣವು ಯುರೋಪಿಯನ್ ಶೈಲಿಯಲ್ಲಿ ಮಾಡಲಾಗಿದೆ. ಈ ಸಿನಿಮಾವು ಪ್ರೇಮ ಕಥೆಯನ್ನು ಆಧಾರಿಸಿದ್ದು ಯಾವುದೇ ಹಾಡು ಹಾಗೂ ಪೈಟಿಂಗ್‌ ಸೀನ್‌ಗಳು ಈ ಸಿನಿಮಾದಲ್ಲಿ ಇಲ್ಲ. ಸಿನಿಮಾದಲ್ಲಿರುವ ಸಂಗೀತದಿಂದ ಪ್ರೇಕ್ಷಕರನ್ನು ಭಾವನಾತ್ಮಕಗೊಳಿಸುತ್ತದೆ ಎಂದು ತಿಳಿಸಿದರು.

  ದೀಕ್ಷಿತ್ ಶೆಟ್ಟಿ, ಖುಷಿ ರವಿ ಮತ್ತು ಪವಿತ್ರ ಲೋಕೇಶ್ ಕೂಡ ಈ ಚಿತ್ರದಲ್ಲಿ ಪ್ರಮುಖ ಪಾತ್ರಗಳನ್ನು ನಿರ್ವಹಿಸುತ್ತಿದ್ದಾರೆ. ಇದು ಮನರಂಜಾತ್ಮಕ ಸಿನಿಮಾವಾಗಿದ್ದು ಮಂಗಳೂರಿನ ಎಲ್ಲಾ ಥಿಯೇಟರ್‌ಗಳಲ್ಲಿ ಬಿಡುಗಡೆಯಾಗಲಿದೆ. ಈ ಸಿನಿಮಾದ ಚಿತ್ರೀಕರಣವನ್ನು ಮುಂಬೈ, ಹಾಸನ, ಸಕಲೇಶಪುರ, ಕಾಪು, ಕಾರವಾರ, ಕುಂದಾಪುರದಲ್ಲಿ ಮಾಡಲಾಗಿದೆ ಎಂದು ಹೇಳಿದರು.