ಮಾರ್ಚ್ 20 ರಂದು "ಇಂಗ್ಲೀಷ್" ತುಳು ಸಿನಿಮಾ ತೆರೆಗೆ

•   Thu, Jan 30 2020 05:00:33 PM



• ಮಂಗಳೂರು, ಜ 30 (Daijiworld News/MB) : ಫೆ. 3 ರಂದು ಬಿಡುಗಡೆಯಾಗಲಿದ್ದ ಆಕ್ಮೆ ಮೂವೀಸ್ ಇಂಟರ್‌ನ್ಯಾಷನಲ್ ಲಾಂಛನದಲ್ಲಿ ದುಬೈಯ ಖ್ಯಾತ ಉದ್ಯಮಿ ಹರೀಶ್ ಶೇರಿಗಾರ್ ಮತ್ತು ಶ್ರೀಮತಿ ಶರ್ಮಿಳಾ ಶೇರಿಗಾರ್ ನಿರ್ಮಿಸಿರುವ ಕೆ. ಸೂರಜ್ ಶೆಟ್ಟಿ ನಿರ್ದೇಶನದ "ಇಂಗ್ಲೀಷ್" ತುಳು ಸಿನಿಮಾ ಮಾರ್ಚ್ 20ರಂದು ಬಿಡುಗಡೆಯಾಗಲಿದೆ.

  

  ಈ ಮೊದಲು ಸೂರಜ್ ಬೋಳಾರ್ ನಿರ್ದೇಶನದ "ರಾಹುಕಾಲ ಗುಳಿಗಕಾಲ" ತುಳು ಸಿನಿಮಾ ಹಾಗೂ ಕೆ. ಸೂರಜ್ ಶೆಟ್ಟಿ ನಿರ್ದೇಶನದ "ಇಂಗ್ಲೀಷ್" ತುಳು ಸಿನೆಮಾ ಎಪ್ರಿಲ್ 3ರಂದು ಒಂದೇ ದಿನ ತೆರೆ ಕಾಣಲಿದ್ದ ಹಿನ್ನಲೆಯಲ್ಲಿ ಈ ಎರಡು ಚಿತ್ರ ತಂಡದವರು ಮಾತನಾಡಿ ಎಪ್ರಿಲ್‌ ಮೂರರಂದು "ಇಂಗ್ಲೀಷ್" ತೆರೆಕಾಣುವ ಬಗ್ಗೆ ನಿರ್ಧಾರ ಮಾಡಲಾಗಿತ್ತು. ಹಾಗೆಯೇ "ರಾಹುಕಾಲ ಗುಳಿಗಕಾಲ" ಸಿನಿಮಾ "ಇಂಗ್ಲೀಷ್" ಸಿನಿಮಾ ಬಿಡುಗಡೆಯಾದ ಬಳಿಕ ತೆರೆಕಾಣಲಿದೆ ಎಂದು ತಿಳಿಸಿದ್ದರು.

  ಆದರೆ ಇದಾದ ಬಳಿಕ "ಕಾರ್ನಿಕದ ಕಲ್ಲುರ್ಟಿ" ಸಿನಿಮಾವು ಎಪ್ರಿಲ್‌ 3ರಂದೇ ತೆರೆಗೆ ತರಲು ಸಿನಿಮಾ ನಿರ್ಮಾಪಕರು ಮುಂದಾಗಿದ್ದರು. ಹಾಗಾಗಿ ಮಗದೊಮ್ಮೆ ಈ ವಿವಾದ ಆರಂಭವಾಗಲಿದೆಯೇ ಎಂಬ ಆತಂಕ ಸೃಷ್ಟಿಯಾಗಿತ್ತು. ಆದರೆ "ಇಂಗ್ಲೀಷ್‌" ಸಿನಿಮಾವು ತನ್ನ ಬಿಡುಗಡೆ ದಿನಾಂಕವನ್ನು ಬದಲಾಯಿಸಿದ್ದು ನಿಗದಿತ ದಿನಾಂಕದ ಮೊದಲೇ ಬಿಡುಗಡೆಯಾಗಲಿದೆ. ಈ ಮೂಲಕ ಮತ್ತೆ ವಿವಾದ ಶುರುವಾಗಲಿದ್ದ ಆತಂಕಕ್ಕೆ ತೆರೆಬಿದ್ದಿದೆ.