ಮಂಗಳೂರಿನಲ್ಲಿ ಬಾಂಬ್‌ ಇಟ್ಟ ಆದಿತ್ಯ ರಾವ್‌ ಹೆಸರಿನಲ್ಲಿ ಸಿನಿಮಾ?

•   Thu, Jan 23 2020 06:03:32 PM



• ಮಂಗಳೂರು , ಜ.23 (Daijiworld News/PY) : ಮಂಗಳೂರಿನ ವಿಮಾನ ನಿಲ್ದಾಣದಲ್ಲಿ ಬಾಂಬ್‌ ಇಟ್ಟಿದ್ದ ಪ್ರಕರಣದ ಬಗ್ಗೆ ಸುದ್ದಿಯಾಗುತ್ತಿದ್ದು, ಇದೀಗ ಬಾಂಬರ್ ಆದಿತ್ಯ ರಾವ್‌ ಹೆಸರಿನಲ್ಲಿ ಕನ್ನಡ ಸಿನಿಮಾ ಮಾಡಲು ಮುಂದಾಗಿದ್ದಾರೆ.

  

  ಬಾಂಬರ್‌ ಆದಿತ್ಯ ರಾವ್‌ ಹೆಸರಿನಲ್ಲಿ ಸಿನಿಮಾ ಮೂಡಿಬರಲಿದ್ದು, ಸಿನಿಮಾದ ಟೈಟಲ್‌ ರಿಜಿಸ್ಟರ್‌ ಆಗಿದೆ. ಸಿನಿಮಾಕ್ಕೆ '1st ರ್‍ಯಾಂಕ್‌ ಟೆರರಿಸ್ಟ್' ಎಂಬ ಟೈಟಲ್‌ ಅನ್ನು ಕರ್ನಾಟಕ ಚಲನಚಿತ್ರ ವಾಣಿಜ್ಯ ಮಂಡಳಿಯಲ್ಲಿ ನೋಂದಣಿ ಮಾಡಲಾಗಿದ್ದು, ಈ ಟೈಟಲ್ ನಿರ್ಮಾಪಕ ತುಳಸಿರಾಮ್ ಎಂಬುವವರ ಬಳಿ ಇದೆ.

  ಸಿನಿಮಾಕ್ಕೆ '1st ರ್‍ಯಾಂಕ್‌ ಟೆರರಿಸ್ಟ್' ಎಂದು ಟೈಟಲ್ ರಿಜಿಸ್ಟರ್ ಆಗಿದ್ದು, ಇದು ಮಂಗಳೂರು ಬಾಂಬ್‌ ಪ್ರಕರಣವೇ ಸ್ಟೋರಿಯಾಗಲಿದೆಯಾ ಎನ್ನುವ ವಿಚಾರವಾಗಿ ಅನುಮಾನಗಳಿದ್ದರೂ ಈ ಟೈಟಲ್ ಇಟ್ಟುಕೊಂಡು ಟೆರರಿಸ್ಟ್‌ ಬಗ್ಗೆ ಬೇರೆಯೇ ಸ್ಟೋರಿಯನ್ನೂ ಮಾಡಬಹುದಾಗಿದೆ.

  ಆದರೆ, ಈ ವಿಚಾರವಾಗಿ ನಿಜವಾಗಿಯೂ ಸಿನಿಮಾ ಮಾಡುತ್ತಾರೋ ಎನ್ನುವ ಸಂಶಯವೂ ಇದೆ. ಯಾಕೆಂದರೆ ಅನೇಕ ಸಿನಿಮಾಗಳಿಗೆ ಟೈಟಲ್‌ ರಿಜಿಸ್ಟರ್‌ ಆಗಿ ದೊಡ್ಡ ಮಟ್ಟದಲ್ಲಿ ಪ್ರಚಾರ ಆದರೂ ಸಹ ಸಿನಿಮಾ ಮಾತ್ರ ಆಗಿದಿಲ್ಲ.