'ಆನ್‌ಲೈನ್‌ನಲ್ಲೂ ಒಳ ಉಡುಪು ಖರೀದಿ ಮಾಡಲು ನನಗೆ ಮುಜುಗರ' - ಶಾರುಖ್‌ ಖಾನ್‌

•   Fri, Jan 17 2020 04:04:49 PM



• ಮುಂಬೈ, ಜ 17 (Daijiworld News/ MB) : ನನಗೆ ಒಳ ಉಡುಪುಗಳನ್ನು ಆನ್‌ಲೈನ್‌ನಲ್ಲೂ ಖರೀದಿ ಮಾಡಲು ಮುಜುಗರವಾಗುತ್ತದೆ ಎಂದು ಬಾಲಿವುಡ್‌ ಬಾದ್‌ಶಾ ಶಾರುಖ್‌ ಖಾನ್‌ ಹೇಳಿದ್ದಾರೆ.

  

  ಮುಂಬೈನಲ್ಲಿ ಅಮೆಜಾನ್ ಜಾಗತಿಕ ಸಿಇಒ ಜೆಫ್ ಬೆಜೋಸ್ ಅವರೊಂದಿಗಿನ ಸಂಭಾಷಣೆಯ ಸಂದರ್ಭದಲ್ಲಿ ಈ ವಿಷಯವನ್ನು ಬಹಿರಂಗ ಮಾಡಿದ ಅವರು "ನಾನು ನನ್ನ ಸ್ವಂತ ಬ್ರಾಂಡ್‌ಗಳನ್ನು ಅಮೆಜಾನ್‌ ಮುಖೇನ ಆನ್‌ಲೈನ್‌ ಖರೀದಿ ಮಾಡುತ್ತೇನೆ. ಮನೆಗೆ ಬೇಕಾದ ದಿನಸಿ ಸಾಮಾಗ್ರಿಗಳನ್ನು ಬಿಗ್‌ ಬಾಸ್ಕೆಟ್‌ ಮುಖೇನ ಆನ್‌ಲೈನ್‌ ಖರೀದಿ ಮಾಡುತ್ತೇನೆ. ಆದರೆ ಒಳ ಉಡುಪುಗಳನ್ನು ಆನ್‌ಲೈನ್‌ ಮುಖೇನ ಶಾಪಿಂಗ್ ಮಾಡಲು ಮುಜುಗರವಾಗುತ್ತದೆ ಅದು ಪುರುಷರ ವಸ್ತು" ಎಂದು ತಿಳಿಸಿದ್ದಾರೆ.

  ಹಾಗೆಯೇ ನಿದ್ದೆ ಮಾಡುವುದು ಸಮಯವನ್ನು ವ್ಯರ್ಥ ಮಾಡಿದಂತೆ ಎಂದು ನನ್ನ ಅನಿಸಿಕೆ. ಆ ಹಿನ್ನಲೆಯಲ್ಲಿ ನಾನು ನಿದ್ದೆ ಮಾಡಲು ಇಷ್ಟಪಡುವುದಿಲ್ಲ. ಇದು ಜೀವನವನ್ನು ವ್ಯರ್ಥಮಾಡಿದಂತೆ ಎಂದು ಪ್ರತಿಪಾದನೆ ಮಾಡಿದ್ದಾರೆ.

  ಈ ಸಂದರ್ಭದಲ್ಲಿ ತಮ್ಮ ಜೀವನದ ಪ್ರಭಾವಶಾಲಿ ವ್ಯಕ್ತಿ ಯಾರು ಎಂದು ಪ್ರಶ್ನಿಸಿದ್ದು, "ನನ್ನ ಜೀವನದಲ್ಲಿ ಪ್ರಭಾವಶಾಲಿ ಪಾತ್ರ ವಹಿಸಿದವರು ನಾಲ್ಕು ಜನರು ಇದ್ದಾರೆ. ಅವರು ನನ್ನ ತಾಯಿ, ನನ್ನ ಸಹೋದರಿ, ನನ್ನ ಪತ್ನಿ ಹಾಗೂ ನನ್ನ ಮಗಳು" ಎಂದು ಹೇಳಿದ್ದಾರೆ.