ಎಪ್ರಿಲ್‌ 3ರಂದು ತೆರೆಕಾಣಲಿದೆ ತುಳು ಸಿನೆಮಾ 'ಇಂಗ್ಲೀಷ್'

•   Sat, Jan 11 2020 05:12:57 PM



• ಮಂಗಳೂರು, ಜ 11 (Daijiworld News/MB) : ಕೋಸ್ಟಲ್‌ವುಡ್‌ನ ಮಹತ್ವದ ಸಿನೆಮಾ "ಇಂಗ್ಲೀಷ್" ಎಪ್ರಿಲ್‌ 3ರಂದು ತೆರೆಕಾಣಲಿರುವುದು ಪಕ್ಕಾ ಆಗಿದೆ.

  

  ಈ ಸಿನೆಮಾ ದಕ್ಷಿಣ ಕನ್ನಡ, ಉಡುಪಿ, ಬೆಂಗಳೂರು, ಪುಣೆ, ಮುಂಬೈ ಹಾಗೂ ಗಲ್ಫ್‌ ರಾಷ್ಟ್ರಗಳಲ್ಲಿ ಏಕಕಾಲದಲ್ಲೇ ತೆರೆಕಾಣಲಿದೆ.

  ಕೆ.ಸೂರಜ್ ಶೆಟ್ಟಿ ನಿರ್ದೇಶನದ, ಹರೀಶ್ ಶೇರಿಗಾರ್, ಶರ್ಮಿಳಾ ಶೇರಿಗಾರ್ ನಿರ್ಮಾಣದ ಈ ಸಿನೆಮಾದಲ್ಲಿ ಸ್ಯಾಂಡಲ್‌ವುಡ್‌ನ ಹಿರಿಯ ನಟ ಅನಂತ್‌ನಾಗ್‌ ಬಣ್ಣ ಹಚ್ಚಿದ್ದಾರೆ. ಇಂಗ್ಲೀಷ್‌ ಬರದ ಯುವಕ ಪ್ರೀತಿಗಾಗಿ ಇಂಗ್ಲೀಷ್‌ ಕಲಿಯಲು ಏನೆಲ್ಲಾ ಮಾಡುತ್ತಾನೆ ಎಂಬುದರ ಹಿಂದೆ ಹೆಣೆಯಲಾದ ಕಥೆ ಇಂಗ್ಲೀಷ್‌.

  ಎಕ್ಕಸಕ, ಪಿಲಿಬೈಲ್ ಯಮುನಕ್ಕ ಮೊದಲಾದ ಹಿಟ್ ಸಿನಿಮಾ ನೀಡಿರುವ ಕೆ. ಸೂರಜ್ ಶೆಟ್ಟಿ ನಿರ್ದೇಶನದ "ಇಂಗ್ಲೀಷ್" ಸಹಜವಾಗಿಯೇ ನಿರೀಕ್ಷೆ ಹೆಚ್ಚಿಸಿದೆ. ಪೃಥ್ವಿ ಅಂಬರ್, ನವ್ಯಾ ಪೂಜಾರಿ, ಅರವಿಂದ ಬೋಳಾರ್, ನವೀನ್ ಡಿ ಪಡೀಲ್, ವಿಸ್ಮಯ ವಿನಾಯಕ್, ರವಿ ರಾಮಕಂಜ, ಬೋಜರಾಜ್ ವಾಮಂಜೂರು, ಪ್ರಸನ್ನ ಶೆಟ್ಟಿ ಬೈಲೂರು, ಸಂದೀಪ್ ಶೆಟ್ಟಿ ಮಾಣಿಬೆಟ್ಟು ಮೊದಲಾದವರು ಪಾತ್ರಕ್ಕೆ ಜೀವ ತುಂಬಿದ್ದಾರೆ.

  ಕದ್ರಿ ಮಣಿಕಾಂತ್‌ ಸಂಗೀತ ನಿರ್ದೇಶಿಸಿದ್ದು, ಶಶಿರಾಜ್ ಕಾವೂರು, ಅರ್ಜುನ್ ಲೂಯಿಸ್ ಸಾಹಿತ್ಯ ಬರೆದಿದ್ದಾರೆ. ಕೃಷ್ಣ ಸಾರಥಿ ಛಾಯಾಗ್ರಹಣ, ಮನು ಶೇರಿಗಾರ್ ಸಂಕಲನ ಮಾಡಿದ್ದಾರೆ.