ಸಾರಾ ಕೈಗೆ ಮುತ್ತಿಡಲು ಮುಂದಾದ ಅಭಿಮಾನಿ, ತಬ್ಬಿಬ್ಬುಗೊಂಡ ನಟಿ - ವೀಡಿಯೋ ವೈರಲ್‌

•   Fri, Jan 10 2020 07:24:08 PM



• ಮುಂಬೈ, ಜ.10 (Daijiworld News/PY) : ಬಾಲಿವುಡ್‌ ನಟಿ ಸಾರಾ ಅಲಿ ಖಾನ್ ಅವರಿಗೆ ದಿಢೀರನೆ ಅಭಿಮಾನಿಯೊಬ್ಬ ಬಂದು ಕೈಗೆ ಮುತ್ತು ಕೊಡಲು ಮುಂದಾದ ವೀಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗುತ್ತಿದೆ.

  

  ಪ್ರತಿದಿನ ಸಾರಾ ಅವರು ಜಿಮ್‌ಗೆ ಹೋಗುವ ವೇಳೆ ಅಭಿಮಾನಿಗಳಿಗೆ ವಿಶ್ ಮಾಡುವುದು ರೂಢಿಯಾಗಿದ್ದು. ಇದೇ ರೀತಿ ಶುಕ್ರವಾರ ಜಿಮ್‌ಗೆ ಹೋಗಿ ಹೊರಬರುವ ವೇಳೆ ಅಭಿಮಾನಿಗಳ ಜೊತೆ ಸೆಲ್ಫಿ ಕ್ಲಿಕ್ಕಿಸಿಕೊಂಡಿದ್ದಾರೆ. ಈ ಸಂದರ್ಭ ಅಭಿಮಾನಿಯೊಬ್ಬ ಸಾರಾ ಅವರ ಬಳಿ ಬಂದು ಕೈ ಕುಲುಕಿ, ಕೈಗೆ ಮುತ್ತು ಕೊಡಲು ಮುಂದಾದಾಗ ಸಾರಾ ತಬ್ಬಿಬ್ಬುಗೊಂಡಿದ್ದಾರೆ.

  ಸಾರಾ ಅವರ ಕೈಕುಲುಕಿ ಕೈಗೆ ಮುತ್ತು ನೀಡಲು ಮುಂದಾಗಿದ್ದ ತಕ್ಷಣವೇ ಸಾರಾ ಕೈಯನ್ನು ಹಿಂದಕ್ಕೆ ಎಳೆದುಕೊಂಡಿದ್ದಾರೆ. ಇದನ್ನು ಗಮನಿಸಿದ ಸಾರಾ ಅವರ ಬಾಡಿಗಾರ್ಡ್ ಆ ವ್ಯಕ್ತಿಯನ್ನು ಹಿಂದೆ ತಳ್ಳಿದ್ದಾರೆ. ಈ ವೀಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್‌ ಆಗ್ತಾ ಇದ್ದು, ನೆಟ್ಟಿಗರು ಪ್ರತಿಕ್ರಿಯೆ ವ್ಯಕ್ತಪಡಿಸಿದ್ದಾರೆ.