ಯೂಟ್ಯೂಬ್‌ನಲ್ಲಿ ಭಾರೀ ಸದ್ದು ಮಾಡಿದೆ 'ಕಾಲ್‌ ಮಿ' ಕಿರುಚಿತ್ರ

•   Sun, Jan 05 2020 03:48:23 PM



• ಪುತ್ತೂರು, ಜ 05 (Daijiworld News/MB) : ಇಲ್ಲಿನ ಯುವಕರ ತಂಡ ತಯಾರಿ ಮಾಡಿದ ಕಿರುಚಿತ್ರ "ಕಾಲ್‌ ಮಿ" ಹೊಸ ವರ್ಷದ ಆರಂಭಕ್ಕೆ ಬಿಡುಗಡೆಯಾಗಿದ್ದು ಈಗ ಯೂಟ್ಯೂಬ್‌ನಲ್ಲಿ ಬಾರಿ ಸದ್ದು ಮಾಡುತ್ತಿದೆ.

  

   

  ಹೊಸ ಹುಡುಗರು ಹೊಸ ಪ್ರಯತ್ನ ಮಾಡಿ ಸಸ್ಪೆನ್ಸ್‌, ಥ್ರಿಲ್ಲರ್‌, ಹಾರರ್‌ ಕಿರು ಚಿತ್ರವನ್ನು ಮಾಡಿದ್ದು ಯೂಟ್ಯೂಬ್‌ನಲ್ಲಿ ಅಪ್‌ಲೋಡ್‌ ಆದ 2 ದಿನದಲ್ಲೇ 4 ಸಾವಿರ ಜನ ವೀಕ್ಷಿಸಿದ್ದಾರೆ.

  ಮದ್ಯವ್ಯಸನಿಗಳಿಂದ ಹಾಗೂ ಮಾದಕ ವಸ್ತುಗಳಿಂದ ದೂರ ಇರಬೇಕೆಂಬ ಅರ್ಥಪೂರ್ಣ ಸಂದೇಶವನ್ನು ನೀಡಿರುವ ಕಿರುಚಿತ್ರವನ್ನು ಗ್ರಾಮೀಣ ಭಾಗದ ಯುವಕರು ಮಾಡಿದ್ದು ಅವರ ಈ ಪ್ರಯತ್ನಕ್ಕೆ ನೆಟ್ಟಿಗರು ಮೆಚ್ಚುಗೆ ವ್ಯಕ್ತ ಪಡಿಸಿದ್ದು ಕಾಮೆಂಟ್‌, ಲೈಕ್‌ಗಳನ್ನು ಮಾಡಿದ್ದಾರೆ.

  ಈ ಕಿರು ಚಿತ್ರಕ್ಕೆ ಪುತ್ತೂರಿನವರೇ ಆದ ಪ್ರವೀಣ್‌ ಕುಮಾರ್‌ ಪುತ್ತೂರು ಕಥೆ ನೀಡಿದ್ದು ಅವರೇ ನಿರ್ದೇಶನವನ್ನು ಮಾಡಿ ಚಿತ್ರದಲ್ಲಿ ನಟನೆಯನ್ನು ಮಾಡಿದ್ದಾರೆ. ಪ್ರಣೀತಾ ಕಿರಣ್‌, ವಿಜೇತ್‌ ಮುಂಡಾಲ ಚಿತ್ರದ ನಿರ್ಮಾಣ ಮಾಡಿದ್ದು ಅವರು ಕೂಡಾ ನಟಿಸಿದ್ದಾರೆ.

  ಸಂತೋಷ್ ಸುವರ್ಣ ಮೇರ್ಲ, ರಾಜೇಶ್ ಪ್ರಸಾದ್ ಕೌಡಿಚ್ಚಾರ್, ನವೀನ್ ಎಕ್ಕಾರು, ದರ್ಶಿತಾ, ಶೃತಿ ದಾಸ್, ಶ್ರಾವ್ಯ ದೇಲಂಪಾಡಿ, ಮಹೇಶ್ ಓಟೆ, ಗಂಗಾಧರ ಓಟೆ ಮತ್ತು ಸ್ನೇಹಾ ಕರ್ಕೇರಾ ಪಾತ್ರಕ್ಕೆ ಜೀವ ತುಂಬಿದ್ದಾರೆ.

  ದಕ್ಷಿಣ ಕನ್ನಡ ಜಿಲ್ಲೆಯ ಪೊಲೀಸ್‌ ಇನ್‌ಸ್ಪೆಕ್ಟರ್‌ ಯೋಗೀಶ್‌, ರೈ ಎಸ್ಟೇಟ್‌ ಮಾಲಕ ಅಶೋಕ್‌ ರೈ ಕೋಡಿಂಬಾಡಿ ಸೇರಿದಂತೆ ಹಲವು ಗಣ್ಯರು ಚಿತ್ರಕ್ಕೆ ಶುಭಕೋರಿದ್ದಾರೆ.