ಖ್ಯಾತ ಹಿಂದಿ ಸಿನೆಮಾ ಹಾಗೂ ಕಿರುತೆರೆ ನಟ ಕುಶಾಲ್‌ ಪಂಜಾಬಿ ನೇಣಿಗೆ ಶರಣು

•   Fri, Dec 27 2019 03:05:20 PM



• ಮುಂಬೈ, ಡಿ 27 (Daijiworld News/MB) : ಹಲವು ಸಿನೆಮಾಗಳಲ್ಲಿ ಹಾಗೂ ಕಿರುತೆರೆಯಲ್ಲಿ ನಟಿಸಿರುವ ಹಿಂದಿ ನಟ ಕುಶಾಲ್‌ ಪಂಜಾಬಿ ಗುರುವಾರ ರಾತ್ರಿ ನೇಣು ಬಿಗಿದು ಆತ್ಮಹತ್ಯೆ ಮಾಡಿದ ಸ್ಥಿತಿಯಲ್ಲಿ ಪತ್ತೆಯಾಗಿದ್ದಾರೆ.

  

  37 ವರ್ಷ ವಯಸ್ಸಿನ ಇವರು ಬಾಂದ್ರಾ ಪಶ್ಚಿಮದಲ್ಲಿರುವ ತಮ್ಮ ಮನೆಯಲ್ಲಿಯೇ ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ. ಈ ಕುರಿತು ಪೊಲೀಸರು ಪ್ರಕರಣ ದಾಖಲಿಸಿಕೊಂಡಿದ್ದಾರೆ.

  ಇಂಗ್ಲೀಷ್‌ನಲ್ಲಿ ಬರೆದಿರುವ ಒಂದು ಸುಸೈಡ್‌ ನೋಟ್‌ ಪತ್ತೆಯಾಗಿದ್ದು, ಅದರಲ್ಲಿ ನನ್ನ ಸಾವಿಗೆ ಯಾರೂ ಕಾರಣವಲ್ಲ ಎಂದು ಬರೆಯಲಾಗಿದೆ. ಈ ಸುಸೈಡ್‌ ನೋಟ್‌ ಒಂದೂವರೆ ಪುಟದ ನೋಟ್‌ ಆಗಿದ್ದು ಅದರಲ್ಲಿ ಆಸ್ತಿಯನ್ನು ತನ್ನ ಮಗ ಹಾಗೂ ಪತ್ನಿಗೆ ನೀಡುವಂತೆ ಬರೆಯಲಾಗಿದೆ. ಪೊಲೀಸರು ಆ ಪ್ರತವನ್ನು ವಶಕ್ಕೆ ಪಡೆದಿದ್ದಾರೆ.

  ಕುಶಾಲ್‌ ಪಂಜಾಬಿ ಹೃತಿಕ್​ ರೋಷನ್​, ಜಾನ್​ ಅಬ್ರಹಾಂ, ಅಜಯ್​ ದೇವಗನ್​, ಸೇರಿದಂತೆ ಸಾಕಷ್ಟು ಸ್ಟಾರ್​ಗಳೊಂದಿಗೆ ಸಿನಿಮಾಗಳಲ್ಲಿ ತೆರೆ ಹಂಚಿಕೊಂಡಿದ್ದು ಕಾಲ್‌, ಲಕ್ಷ್ಯ, ಸಲಾಮ್‌ ಇಷ್ಕ್‌, ಬಾಂಬೆ ಬಾಯ್ಸ್‌, ಧನ ಧನ್‌ ಗೋಲ್‌ ಸಿನೆಮಾಗಳಲ್ಲಿ ನಟಿಸಿದ್ದಾರೆ. ಹಾಗೆಯೇ ಖ್ಯಾತ ಟಿವಿ ಕಾರ್ಯಕ್ರಮಗಳಾದ ಸಿಐಡಿ, ಲವ್‌ ಮ್ಯಾರೇಜ್‌, ದೇಖೊ ಮಗರ್‌ ಪ್ಯಾರ್‌ ಸೇ, ಕಭೀ ಹಾಂ ಕಭೀ ನಾ, ಶ್ಶ್‌, ಫಿಯರ್‌ ಫ್ಯಾಕ್ಟರ್‌, ಫಿರ್‌ ಕೋಯಿ ಹೈಯಲ್ಲಿ ನಟಿಸಿದ್ದಾರೆ.