ಜನವರಿಯಲ್ಲಿ ತೆರೆಕಾಣಲಿದೆ 'ರಾಹುಕಾಲ ಗುಳಿಗಕಾಲ'

•   Sun, Dec 15 2019 05:59:52 PM



• ಮಂಗಳೂರು, ಡಿ 15 (Daijiworld News/MB) : ಪತ್ತೀಸ್‌ ಗ್ಯಾಂಗ್‌ ಖ್ಯಾತಿಯ ಸೂರಜ್ ಬೋಳಾರ್‌ ಹಾಗೂ ಪ್ರೀತಮ್‌ ನಿರ್ಮಿಸಿದ, ಮನೋಜ್ ಕುಮಾರ್ ಪ್ರಸ್ತುತ ಪಡಿಸುವ ತುಳು ಸಿನಿಮಾ "ರಾಹುಕಾಲ ಗುಳಿಗಕಾಲ" 2020 ರ ಜನವರಿಯಲ್ಲಿ ತೆರೆಕಾಣಲಿದೆ.

  

  ಈ ಸಿನಿಮಾವು ಸೆನ್ಸಾರ್‌ ಮಂಡಳಿಯಿಂದ ಯು/ಎ ಸರ್ಟಿಫಿಕೇಟ್‌ ಪಡೆದಿದ್ದು ತೆರೆಕಾಣಲು ಸಜ್ಜಾಗಿದೆ.

  ಅರ್ಜುನ್ ಕಾಪಿಕಾಡ್‌, ನವನಾಥ್‌ ರೈ, ಅರವಿಂದ್ ಬೋಳಾರ್‌, ವಿಸ್ಮಯ್‌ ವಿನಾಯಕ್, ಚಂದ್ರಹಾಸ್ ಉಳ್ಳಾಲ್‌ ಇತರರು ಈ ಸಿನಿಮಾದಲ್ಲಿ ಪಾತ್ರಕ್ಕೆ ಬಣ್ಣ ಹಚ್ಚಿದ್ದಾರೆ.

  ಖ್ಯಾತ ಸಂಗೀತ ನಿರ್ದೇಶಕ ಮಣಿಕಾಂತ್ ಕದ್ರಿ ಸಂಗೀತ ನೀಡಿದ್ದಾರೆ. ಸಾಹಸಗಳನ್ನು ಮಾಸ್‌ ಮಾದ ನಿರ್ವಹಿಸಿದ್ದು ಸಿದ್ದು ಜಿ ಸುರೇಶ್‌ ಛಾಯಾಗ್ರಹಣ ಮಾಡಿದ್ದಾರೆ.

  ನಿಜವಾದ ಬಂದೂಕನ್ನು ನಕಲಿ ಗುಂಡುಗಳೊಂದಿಗೆ ಬಳಸಿರುವುದೇ ಈ ಸಿನಿಮಾದ ವಿಶೇಷತೆಯಾಗಿದೆ.