'2 ಎಕ್ರೆ' ರಿಲೀಸ್‌ ಯಾವಾಗ? ವಿಶಿಷ್ಟವಾಗಿ ರಿವೀಲ್‌ ಮಾಡಿದ ಚಿತ್ರ ತಂಡ

•   Mon, Dec 09 2019 05:30:46 PM



• ಮಂಗಳೂರು, ಡಿ 09 (Daijiworld News/MB) : ವಿಸ್ಮಯ ವಿನಾಯಕ ನಿರ್ದೇಶನದ "2 ಎಕ್ರೆ" ತುಳು ಸಿನಿಮಾ ಬಿಡುಗಡೆಯಾಗಲಿರುವ ದಿನವನ್ನು ಚಿತ್ರ ತಂಡ ಬಹಳ ಹಾಸ್ಯತ್ಮಾಕವಾದ ವಿಡಿಯೋ ಮುಖಾಂತರ ರಿವೀಲ್‌ ಮಾಡಿದ್ದು ಈ ಸಿನಿಮಾ ಜನವರಿ 10 ರಂದು ತೆರೆಕಾಣಲಿದೆ.

  

  ಈ ಹಿಂದೆ ಈ ಸಿನಿಮಾವು ನವೆಂಬರ್‌ನಲ್ಲಿ ಬಿಡುಗಡೆಯಾಗುವುದೆಂದು ತಿಳಿಸಿದ್ದು ಆ ನಂತರ ಡಿಸೆಂಬರ್‌ನಲ್ಲಿ ಎಂದು ತಿಳಿಸಿದ್ದರು. ಆ ವಿಚಾರವನ್ನೇ ಮುಖ್ಯವಾಗಿರಿಸಿಕೊಂಡು ಈ ಹಾಸ್ಯಾತ್ಮಾಕ ವಿಡಿಯೋದಲ್ಲಿ ಸಿನಿಮಾ ರಿಲೀಸ್‌ ಡೇಟ್‌ ತಿಳಿಸಲಾಗಿದೆ.

  ಈ ಸಿನಿಮಾವು ದಕ್ಷಿಣ ಕನ್ನಡ ಹಾಗೂ ಉಡುಪಿ ಜಿಲ್ಲೆಯ ಎಲ್ಲಾ ಚಿತ್ರಮಂದಿರಗಳಲ್ಲಿ ತೆರೆಕಾಣಲಿದ್ದು ಸಂದೇಶ್‌ ಬಂಗೇರ ಹಾಗೂ ರೋಷನ್‌ ಕೋಡಿಕಲ್‌ ಈ ಸಿನಿಮಾದ ನಿರ್ಮಾಣ ಮಾಡಿದ್ದಾರೆ.

  ಕಿಶೋರ್‌ ಕುಮಾರ್‌ ಶೆಟ್ಟಿ ನಿರ್ದೇಶನದಲ್ಲಿ ಮೂಡಿಬಂದಿರುವ ಹಾಡಿಗೆ ಶಶಿರಾಜ್‌ ಕಾವೂರು ಹಾಗೂ ವಿಸ್ಮಯ ವಿನಾಯಕ್‌ ಸಾಹಿತ್ಯ ಬರೆದಿದ್ದು, ದೀಪಕ್‌ ಕೋಡಿಕಲ್‌, ವಿಸ್ಮಯ ವಿನಾಯಕ, ಮಂಜುಶ್ರೀ ಕಾರ್ತಿಕೇಯ ಸೇರಿದಂತೆ ಪೃಥ್ವಿ ಅಂಬರ್‌ ಕೂಡಾ ಧ್ವನಿ ನೀಡಿದ್ದಾರೆ.

  ಪೃಥ್ವಿ ಅಂಬರ್‌ ಹಾಗೂ ನಿರೀಕ್ಷಾ ಶೆಟ್ಟಿ ಮುಖ್ಯ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದು ಸೋನಾಲ್‌ ಮೊಂತೆರೋ, ಅರವಿಂದ ಬೋಳಾರ್‌, ನವೀನ್‌ ಡಿ ಪಡೀಲ್‌, ಮಂಜು ರೈ ಮುಲ್ಲೂರು ಮೊದಲಾದವರು ಪಾತ್ರಕ್ಕೆ ಜೀವ ತುಂಬಿದ್ದಾರೆ.