ಪುರುಷೋತ್ತಮನಾಗಿ ಸ್ಯಾಂಡಲ್‌ವುಡ್‌ಗೆ ಎಂಟ್ರಿ ಕೊಡಲಿದ್ದಾರೆ ಅರ್ಜುನ್‌ ಕಾಪಿಕಾಡ್‌

•   Sat, Dec 07 2019 01:22:50 PM



• ಮಂಗಳೂರು, ಡಿ 07 (Daijiworld News/MB) : "ಜಬರ್‌ದಸ್ತ್‌ ಶಂಕರ" ಸಿನಿಮಾ ಬಿಡುಗಡೆಯಾದ ಬೆನ್ನಲ್ಲೇ ಈಗ ಹೊಸ ಸಿನಿಮಾ ನಿರ್ದೇಶನ ಮಾಡಿದ ದೇವದಾಸ್‌ ಕಾಪಿಕಾಡ್‌ ಈಗ ಸ್ಯಾಂಡಲ್‌ವುಡ್‌ನಲ್ಲಿ ಹೊಸ ಸಿನಿಮಾದ ನಿರ್ದೇಶನ ಮಾಡಲಿದ್ದಾರೆ. ಅದೇ “ಪುರುಷೋತ್ತಮನ ಪ್ರಸಂಗ".

  

  ಪುರುಷೋತ್ತಮ ಪಾತ್ರಕ್ಕೆ ಅರ್ಜುನ್‌ ಕಾಪಿಕಾಡ್‌ ಜೀವ ತುಂಬಲಿದ್ದು ತುಳುನಾಡಿನ ಖ್ಯಾತ ಕಲಾವಿದರೂ ಕೂಡಾ ನಟಿಸಲಿದ್ದಾರೆ. ಹಾಗೆಯೇ ಕನ್ನಡದ ಹೊಸ ಕಲಾವಿದರು ಕೂಡಾ ಪಾತ್ರಕ್ಕೆ ಬಣ್ಣ ಹಚ್ಚಲಿದ್ದಾರೆ.

  ಈ ಹಿಂದೆ ಕಾಪಿಕಾಡ್‌ ಅವರು "ಜಬರ್‌ದಸ್ತ್‌ ಶಂಕರ" ಸಿನಿಮಾವನ್ನು ಕನ್ನಡದಲ್ಲಿ ಮಾಡಬೇಕೆಂದು ನಿರ್ಧಾರ ಮಾಡಿದ್ದರು. ಆದರೆ ಕೊನೆಯ ಹಂತದಲ್ಲಿ ತುಳುವಿನಲ್ಲಿ ಸಿನಿಮಾ ಮಾಡಿದ್ದರು. ಈಗ ಕನ್ನಡದಲ್ಲಿ “ಪುರುಷೋತ್ತಮನ ಪ್ರಸಂಗ" ಎಂಬ ಸಿನಿಮಾ ಮಾಡಲು ಮುಂದಾಗಿದ್ದಾರೆ.

  ಪುರುಷೋತ್ತಮ ಪ್ರಸಂಗದಲ್ಲಿ ನಡೆದ ನೈಜ್ಯ ಘಟನೆಯ ಒಂದು ಏಳೆಯನ್ನು ಹಿಡಿದುಕೊಂಡು ಕಥೆ ಹೆಣೆಯಲಾಗಿದೆ. ಈ ಸಿನಿಮಾದಲ್ಲಿ ದೇವದಾಸ್‌ ಕಾಪಿಕಾಡ್‌ ಅವರು ದುಬೈಯಿಂದ ಊರಿಗೆ ವಾಪಾಸ್‌ ಬಂದ ಒಬ್ಬ ವ್ಯಕ್ತಿಯ ಹಾಸ್ಯಾತ್ಮಕ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಈ ಸಿನಿಮಾದ ಶೂಟಿಂಗ್‌ ಜನವರಿ ಮೊದಲ ವಾರದಲ್ಲಿ ಆರಂಭವಾಗಲಿದೆ.

  ಈಗಾಗಲೇ 40ರಷ್ಟು ಕನ್ನಡ ಸಿನಿಮಾದಲ್ಲಿ ಪಾತ್ರಕ್ಕೆ ಜೀವ ತುಂಬಿದ ದೇವದಾಸ್‌ ಕಾಪಿಕಾಡ್‌ ರಮೇಶ್‌ ಅರವಿಂದ್‌ ಜತೆಗೆ ವೆಂಕಟ ಇನ್‌ ಸಂಕಟ, ಯಶ್‌ ಜತೆಗೆ ತೂಫಾನ್‌ ಹಾಗೂ ಕಾರ್ತಿಕ್‌ ಎಂಬ ಸಿನೆಮಾದಲ್ಲಿ ಜನಮನ ಗೆದಿದ್ದಾರೆ.