ಡಾಕ್ಟರ್‌ ಆಗಲಿದ್ದಾರೆ ಭೋಜರಾಜ್‌ ..!

•   Wed, Dec 04 2019 03:57:01 PM



• ಮಂಗಳೂರು, ಡಿ 4 (Daijiworld News/ MB) : ಕೋಸ್ಟಲ್ ವುಡ್ ನ ಖ್ಯಾತ ಹಾಸ್ಯ ರತ್ನ ಭೋಜರಾಜ್ ವಾಮಂಜೂರು ನಟಿಸುವ ಭೋಜರಾಜ್‌ ಎಂಬಿಬಿಎಸ್‌ ಸಿನಿಮಾ ಡಿಸೆಂಬರ್‌ನಲ್ಲಿ ಚಿತ್ರೀಕರಣ ಆರಂಭ ಮಾಡುವ ಇರಾದೆಯಲ್ಲಿದೆ. ಇದು ಭೋಜರಾಜ್‌ ವಾಮಂಜೂರು ಅವರು ಮುಖ್ಯ ಪಾತ್ರದಲ್ಲಿ ನಟಿಸಿರುವ ಮೊದಲ ಸಿನಿಮಾವಾಗಿದೆ.

  

  ಪಮ್ಮಣ್ಣೆ ದೀ ಗ್ರೇಟ್‌ ಸಿನಿಮಾ ಖ್ಯಾತಿಯ ಇಸ್ಮಾಯಿಲ್‌ ಮೂಡುಶೆಡ್ಡೆ ನಿರ್ದೇಶನ ಮಾಡುತ್ತಿರುವ ಈ ಸಿನಿಮಾ ಕಾರಣಾಂತರಗಳಿಂದ ಶೂಟಿಂಗ್‌ ಆರಂಭ ಮಾಡಿರಲಿಲ್ಲ. ಆದರೆ ಈಗ ಪುನಹ ಆರಂಭ ಮಾಡುವ ಇರಾದೆಯಲ್ಲಿದ್ದು ಭೋಜರಾಜ್‌ ವಾಮಂಜೂರು ಅವರನ್ನು ಡಾಕ್ಟರ್‌ ಆಗಿ ನೋಡಬಹುದಾಗಿದೆ.

  ಈ ಸಿನೆಮಾ ಕುಡ್ಲಾ ಸಿನೆಮಾಸ್‌ ಅವರ ನಿರ್ಮಾಣದಲ್ಲಿ ಮೂಡಿಬರಲಿದ್ದು ಚೆನ್ನೈನ ಉದ್ಯಮಿ ಪರ್ವೇಜ್ ಅವರು ನಿರ್ಮಾಪಕರಾಗಿದ್ದಾರೆ.

  ಅರವಿಂದ ಬೋಳಾರ್, ನಟಿಯರಾದ ಶೀತಲ್ ನಾಯಕ್, ನವ್ಯ ಪೂಜಾರಿ ಹಾಗೂ ಪ್ರಾಣ್ ಶೆಟ್ಟಿ ಮೊದಲಾದವರು ಪಾತ್ರಕ್ಕೆ ಜೀವ ತುಂಬಲಿದ್ದಾರೆ.