80ರ ದಶಕದ ಸ್ಟಾರ್ ನಟರ ಫೋಟೋದಲ್ಲಿ ರಮೇಶ್ ಹಾಗೂ ಸುಮಲತಾ

•   Mon, Nov 25 2019 05:14:34 PM



• ಬೆಂಗಳೂರು, ನ 25 (Daijiworld News/MB) : 80ರ ದಶಕದಲ್ಲಿ ಚಿತ್ರರಂಗಕ್ಕೆ ಪಾದರ್ಪಣೆ ಮಾಡಿದ ಸ್ಟಾರ್ ಗಳ ಔತಣಕೂಟದ ಫೋಟೋಗಳು ಈಗ ವೈರಲ್ ಆಗುತ್ತಿದ್ದು, ಆ ಫೋಟೋದಲ್ಲಿ ಕನ್ನಡ ಚಿತ್ರರಂಗದಿಂದ ಸುಮಲತಾ ಮತ್ತು ರಮೇಶ್ ಅರವಿಂದ್ ಕಾಣಿಸಿಕೊಂಡಿದ್ದಾರೆ.

  

  

  

  ಪ್ರತಿವರ್ಷದ ವರ್ಷಾಂತ್ಯದಲ್ಲಿ 80ರ ದಶಕದ ಸ್ಟಾರ್ ನಟ ನಟಿಯರು ಸೇರಿ ಔತಣಕೂಟ ನಡೆಸುತ್ತಾ ಬಂದಿದ್ದು ಈ ಬಾರಿಯ ಔತಣಕೂಟದಲ್ಲಿ ಸುಮಲತಾ ಮತ್ತು ರಮೇಶ್ ಅರವಿಂದ್ ಕೂಡಾ ಭಾಗವಹಿಸಿದ್ದಾರೆ.

  ಈ ಔತಣಕೂಟದ ಫೋಟೋವನ್ನು ತಮಿಳಿನ ಸಿನೆಮಾ ನಟಿ ರಾಧಿಕಾ ಶರತ್ ಕುಮಾರ್ ಅವರು ಟ್ವೀಟ್ ಮಾಡಿದ್ದು ಚಿರಂಜೀವಿಯವರಿಗೆ ಈ ಔತಣಕೂಟವನ್ನು ಆಯೋಜನೆ ಮಾಡಿ ನಮ್ಮನ್ನು ಒಟ್ಟುಗೂಡಲು ಅವಕಾಶ ಕಲ್ಪಿಸಿದಕ್ಕಾಗಿ ಧನ್ಯವಾದ ಸಲ್ಲಿಸಿದ್ದಾರೆ.

  ಹಾಗೆಯೇ ರಜನೀಕಾಂತ್ ಸೇರಿದಂತೆ ಹಲವು ನಟರ ಸಾಮಾಜಿಕ ಸಂಪರ್ಕ ಸಲಹೆಗಾರರಾಗಿರುವ ರಿಯಾಝ್ ಕೆ.ಅಹಮ್ಮದ್ ಅವರು "ಭಾರತದ 5 ಭಾಷೆಯ ಪ್ರತಿಭಾವಂತ ಸ್ಟಾರ್ ನಟರುಗಳು ಗ್ರೂಪ್ ಫೋಟೋ"ಎಂದು ಟ್ವೀಟ್ ಮಾಡಿದ್ದಾರೆ.

  ನಟ ಮೋಹನ್ ಲಾಲ್ ಚಿರಂಜೀವಿ ಅವರೊಂದಿಗೆ ಫೋಟೋ ಕ್ಲಿಕ್ಕಿಸಿಕೊಂಡಿದ್ದು "ನನ್ನ ಅದ್ಭುತ ಗೆಳೆಯನೊಂದಿಗೆ" ಎಂದು ಟ್ವೀಟ್ ಮಾಡಿದ್ದಾರೆ.

  ಹಾಗೆಯೇ ಚಿರಂಜೀವಿ, ವೆಂಕಟೇಶ್, ನಾಗಾರ್ಜುನ, ಶರತ್ ಬಾಬು, ಖುಷ್ಬೂ, ಅಂಬಿಕಾ, ಜಾಕಿಶ್ರಫ್, ರೇವತಿ, ಸರಿತಾ, ಜಯಪ್ರದಾ ಸೇರಿದಂತೆ ಹಲವು ನಟ-ನಟಿಯರು ಈ ಔತಣಕೂಟದಲ್ಲಿ ಪಾಲ್ಗೊಂಡಿದ್ದರು.

  ಈ ಔತಣಕೂಟದಲ್ಲಿ ಎಲ್ಲರೂ ಕಪ್ಪು ಹಾಗೂ ಗೋಲ್ಟನ್ ಬಣ್ಣದ ಉಡುಪುಗಳನ್ನೇ ಧರಿಸಿದ್ದು ಸಮಾರಂಭಕ್ಕೆ ಮೆರುಗು ನೀಡಿದ್ದಾರೆ.

  ಕಳೆದ ವರ್ಷ ಅಂಬರೀಶ್ ವಿಧಿವಶರಾದ ಕಾರಣ ಈ ಔತಣಕೂಟವನ್ನು ಆಯೋಜನೆ ಮಾಡಿರಲಿಲ್ಲ. ಈ ಬಾರಿ ಕಮಲ್ ಹಾಸನ್ ಆಸ್ಪತ್ರೆಯಲ್ಲಿ ಇರುವುದರಿಂದ ಕಾರ್ಯಕ್ರಮದಿಂದ ಹೊರಗುಳಿದಿದ್ದರೆ, ರಜನಿಕಾಂತ್ ಸಿನಿಮಾದ ಶೂಟಿಂಗ್‌ನಲ್ಲಿ ಬಿಝಿಯಾಗಿದ್ದಾರೆ.