ಮಾಜಿ ಸಿಎಂ ಜಯಲಲಿತಾ ಬಯೋಪಿಕ್ ,'ತಲೈವಿ' ಚಿತ್ರದ ಟೀಸರ್ ರಿಲೀಸ್ - ಕಂಗನಾ ಲುಕ್ ಹೀಗಿದೆ

•   Sat, Nov 23 2019 05:44:17 PM



• ಮುಂಬೈ,ನ 23 (Daijiworld News/MSP): ತಮಿಳುನಾಡಿನ ಮಾಜಿ ಮುಖ್ಯಮಂತ್ರಿ ಜಯಲಲಿತಾ ಬಯೋಪಿಕ್ ಪಾತ್ರದಲ್ಲಿ ಕಂಗನಾ ರಣಾವತ್ ನಟಿಸುತ್ತಿರುವುದು ಈಗಾಗಲೇ ಸುದ್ದಿಯಲ್ಲಿತ್ತು. ನಿರ್ದೇಶಕ ಎ.ಎಲ್ ವಿಜಯ್ ಈ ಚಿತ್ರದ ನಿರ್ದೇಶಕರಾಗಿದ್ದಾರೆ. 

  

  
  ಇದೀಗ ಜಯಲಲಿತಾ ಬಯೋಪಿಕ್ ಸಿನಿಮಾ ತಲೈವಿ ಚಿತ್ರ ಮತ್ತೆ ಬಿಸಿಬಿಸಿ ಸುದ್ದಿಯಲ್ಲಿದೆ. ಯಾಕೆಂದರೆ ಚಿತ್ರದ ಫಸ್ಟ್ ಲುಕ್ ಬಿಡುಗಡೆಯಾಗಿದ್ದು, ಕಂಗನಾ ಅವರ ಲುಕ್ ನೋಡಿ ಸಿನಿಪ್ರಿಯರು ಶಾಕ್ ಆಗಿದ್ದಾರೆ. ಇದಕ್ಕೆ ಮಿಶ್ರ ಪ್ರತಿಕ್ರಿಯೆ ವ್ಯಕ್ತವಾಗಿದೆ.

  ಟೀಸರ್ ಪ್ರಾರಂಭವಾಗುವುದು ‘ಸೂಪರ್ ಸ್ಟಾರ್ ನಾಯಕಿ’ ಆಗಿರುವಾಗ ಜಯಲಲಿತಾ ಚಿತ್ರದಲ್ಲಿ ನಟಿಸುತ್ತಿವ ಸೆಟ್‌ಗಳ ದೃಶ್ಯದಿಂದ. ಆ ಬಳಿಕ ಇದು ರಾಜಕೀಯ ರ್ಯಾಲಿಯ ದೃಶ್ಯವಾಗಿ ರೂಪಾಂತರಗೊಳ್ಳುತ್ತದೆ, ವೇದಿಕೆ ಮುಂದಿದ್ದ ಅಗಾಧ ಜನಸಮೂಹದಲ್ಲಿ ಜಯಲಲಿತಾ ಅವರನ್ನು ಬೆಂಬಲಿಸುವ ದೃಶ್ಯವಾಗಿದೆ. .

  ತಮಿಳು ಮತ್ತು ತೆಲುಗಿನಲ್ಲಿ ಈ ಚಿತ್ರಕ್ಕೆ ‘ತಲೈವಿ’ ಎಂದು ಟೈಟಲ್‌ ಇಡಲಾಗಿದೆ. ಹಿಂದಿಯಲ್ಲಿ ‘ಜಯಾ’ ಎಂಬ ಶೀರ್ಷಿಕೆಯಲ್ಲಿ ಬಿಡುಗಡೆಯಾಗಲಿದೆ. ಚಿತ್ರದ ನಿರ್ಮಾಪಕರು ವಿಷ್ಣು ಇಂದೂರಿ ಹಾಗೂ ಶೈಲೇಶ್‌ ಸಿಂಗ್. ಈ ಚಿತ್ರ ಮೂರೂ ಭಾಷೆಯಲ್ಲಿ ಏಕಕಾಲಕ್ಕೆ 2020ರ ಜೂನ್ 26ರಂದು ಈ ಸಿನಿಮಾ ಬಿಡುಗಡೆಯಾಗಲಿದೆ. ಜಯಲಲಿತಾ ಅವರು ಕನ್ನಡ, ತೆಲುಗು, ತಮಿಳಿನ ಹಲವು ಸ್ಟಾರ್‌ನಟರ ಜೊತೆಗೆ ನಟಿಸಿದ್ದಾರೆ. ಆ ಪೈಕಿ ತೆಲುಗಿನ ಎನ್‌.ಟಿ. ರಾಮರಾವ್‌ ಜೊತೆಗೂ ತೆರೆ ಹಂಚಿಕೊಂಡಿದ್ದಾರೆ.

  First glimpse of #Jayalalitha biopic... Kangana Ranaut in #Thalaivi... Directed by Vijay... Produced by Vishnu Induri and Shaailesh R Singh... 26 June 2020 release. #ThalaiviFirstLook pic.twitter.com/idRfL6iLMW

  — taran adarsh (@taran_adarsh) November 23, 2019