ಮತ್ತೊಮ್ಮೆ ಕೋಟಿ ರೂಪಾಯಿ ಜಾಹೀರಾತಿಗೆ 'ನೋ' ಎಂದ ಸಾಯಿ ಪಲ್ಲವಿ!

•   Tue, Nov 19 2019 05:50:33 PM



• ಕೊಚ್ಚಿ, ನ 19(Daijiworld News/MB): ಸಿನೆಮಾ ನಟ ನಟಿಯರಿಗೆ ತಾವು ನಟಿಸುವ ಸಿನೆಮಾಕ್ಕಿಂತ ಅತೀ ಹೆಚ್ಚು ಸಂಭಾವನೆ ಸಿಗುವುದು ಜಾಹೀರಾತುಗಳಲ್ಲಿ. ಹಾಗಾಗಿ ಸೆಲೆಬ್ರೆಟಿಗಳು ಫೇಮಸ್ ಕಂಪೆನಿಗಳ ಜಾಹೀರಾತಿನಲ್ಲಿ ಪ್ರಚಾರಕರಾಗುವ ಆಫರ್ ಬಂದರೆ ಅದನ್ನು ತಿರಸ್ಕಾರ ಮಾಡುವುದಿಲ್ಲ. ಹೀಗಿರುವಾಗ ದಕ್ಷಿಣ ಭಾರತದ ಖ್ಯಾತ ನಟಿ ಸಾಯಿ ಪಲ್ಲವಿ ಕೋಟಿ ರೂಪಾಯಿ ಜಾಹೀರಾತಿಗೆ ನೋ ಎಂದು ಹೇಳಿದ್ದಾರೆ.

  

  ಜಾಹೀರಾತು ಎಂದರೆ ಸಾಕು ದೂರ ಓಡುವ ಸಾಯಿ ಪಲ್ಲವಿಯವರು ಈ ಹಿಂದೆಯೂ ಕೋಟಿ ಮೌಲ್ಯದ ಫೇರ್​ನೆಸ್​ ಕ್ರೀಮ್​ ಕಂಪೆನಿಯ ಜಾಹೀರಾತೊಂದರ ಆಫರ್ ನ್ನು ತಿರಸ್ಕಾರ ಮಾಡಿದ್ದು ಈಗ ಖ್ಯಾತ ಸೀರೆ ಕಂಪೆನಿಯೊಂದು ಜಾಹೀರಾತನ್ನು ತಿರಸ್ಕಾರ ಮಾಡಿದ್ದಾರೆ.

  ಮೇಕಪ್ ಇಲ್ಲದೆ ನಟಿಸುವ ಸಾಯಿ ಪಲ್ಲವಿ ಫೇರ್​ನೆಸ್​ ಕ್ರೀಮ್ ಜಾಹೀರಾತನ್ನು ತಿರಸ್ಕಾರ ಮಾಡಿದ ವಿಚಾರದಲ್ಲಿ "ಸುಂದರವಾಗಿ ಕಾಣಲು ಕ್ರೀಮ್​ಗಳು ಕಾರಣವೆಂದು ಜನರನ್ನು ಮರಳು ಮಾಡುವ ಜಾಹೀರಾತುಗಳಲ್ಲಿ ನಾನು ನಟಿಸೋದಿಲ್ಲ" ಎಂದು ಖಡಕ್ ಆಗಿ ಹೇಳಿದ್ದು ಈ ಬಾರಿ "ಇಷ್ಟವಾಗದ ಕಾರಣ ತಿರಸ್ಕರಿಸಿದೆ" ಎಂದು ಹೇಳಿ ಬೇರೆ ಯಾವುದೇ ಕಾರಣವನ್ನು ನೀಡಿಲ್ಲ.

  ಪಾತ್ರಗಳು ಇಷ್ಟವಾಗದಿದ್ದರೆ ಅದನ್ನು ಯಾವುದೇ ಕಾರಣಕ್ಕೂ ಒಪ್ಪದ ಸಾಯಿ ಪಲ್ಲವಿಯವರದ್ದು ಈ ಜಾಹೀರಾತಿನ ವಿಚಾರದಲ್ಲೂ ಅದೇ ನಿರ್ಧಾರ.