ಸೆಟ್ ನಲ್ಲೆ ಅಕ್ಷಯ್ ಮತ್ತು ರೋಹಿತ್ ಹೊಡೆದಾಟ- ಇಲ್ಲಿದೆ ವಾಸ್ತವಾಂಶ

•   Wed, Nov 13 2019 04:59:16 PM



• ಮುಂಬೈ, ನ 13 (Daijiworld News/ MB): 'ಸೂರ್ಯವಂಶಿ' ಚಿತ್ರದ ಸೆಟ್‍ನಲ್ಲಿ ಬಾಲಿವುಡ್ ನಟ ಅಕ್ಷಯ್ ಕುಮಾರ್ ಹಾಗೂ ನಿರ್ದೇಶಕ ರೋಹಿತ್ ಶೆಟ್ಟಿ ಪರಸ್ಪರ ಹೊಡೆದಾಡಿಕೊಂಡಿದ್ದಾರೆ ಎಂದು ವೆಬ್‌ಸೈಟ್‌ ವೊಂದರಲ್ಲಿ ಸುದ್ದಿ ಪ್ರಕಟವಾದ ಬೆನ್ನಲೆ ಅಕ್ಷಯ್ ಕುಮಾರ್ ಹಾಗೂ ರೋಹಿತ್ ಶೆಟ್ಟಿ ಶೂಟಿಂಗ್ ಸೆಟ್‍ನಲ್ಲಿ ಹೊಡೆದಾಡಿಕೊಂಡ ವಿಡಿಯೋ ವೈರಲ್ ಆಗುತ್ತಿದೆ.

  

  
  

  ನಟ ಅಕ್ಷಯ್ ಕುಮಾರ್ ಹಾಗೂ ನಿರ್ದೇಶಕ ರೋಹಿತ್ ಶೆಟ್ಟಿ ಜಗಳವನ್ನು ನಿಲ್ಲಿಸಲು ಪೊಲೀಸರು ಹಾಗೂ ಕರಣ್ ಜೋಹರ್ ಮುಂದಾಗಿರುವುದು ಈ ವಿಡಿಯೋದಲ್ಲಿ ಕಂಡು ಬರುತ್ತದೆ.

  ಆದರೆ ವಾಸ್ತವಾಂಶವವಾಗಿ ವಿಷಯವೇ ಬೇರೆ. ಈ ವಿಡಿಯೋವನ್ನು ಸ್ವತಹ ಅಕ್ಷಯ್ ಹಾಗೂ ಕರಣ್ ಜೋಹರ್ ಟ್ವೀಟರ್ ನಲ್ಲಿ ಪೋಸ್ಟ್ ಮಾಡಿದ್ದಾರೆ.

  ವೆಬ್‌ಸೈಟ್‌ ವೊಂದರಲ್ಲಿ ಸುದ್ದಿ ಪ್ರಕಟವಾದ ಹಿನ್ನಲೆಯಲ್ಲಿ ನಟ ಅಕ್ಷಯ್ ಮತ್ತು ಕರಣ್ ಸುದ್ದಿಯಲ್ಲಿ ಪ್ರಕಟವಾದಂತೆ ವಿಡಿಯೋ ಮಾಡಿ ಟ್ವೀಟ್ ಮಾಡಿದ್ದಾರೆ.

  ನಟ ಅಕ್ಷಯ್ 'ಈ ವಿಡಿಯೋ ನೋಡಿದರೆ ನಿಮ್ಮ ದಿನ ರೂಪಿಸುತ್ತೆ' ಎಂದು ಬರೆದಿದ್ದರೆ, ಕರಣ್ 'ಇದು ನಾನು ಮಧ್ಯಸ್ಥಿಕೆ ವಹಿಸಲಾಗದ್ದು' ಎಂದು ವಿಡಿಯೋ ಹಾಕಿ ಟ್ವೀಟ್ ಮಾಡಿದ್ದಾರೆ.

  ನಟಿ ಕತ್ರಿನಾ ಕೈಫ್ ಜಗಳ ಆರಂಭವಾಗುವ ಮೊದಲು ವೆಬ್‌ಸೈಟ್‌ ನಲ್ಲಿ ಪ್ರಕಟವಾದ ಸುದ್ದಿಯನ್ನು ತೋರಿಸುವುದು ಈ ವಿಡಿಯೋದಲ್ಲಿ ಕಂಡು ಬರುತ್ತದೆ.

   

  #BreakingNews - A fallout which might just make your day 🙃 pic.twitter.com/gH2jgTQqhT

  — Akshay Kumar (@akshaykumar) November 12, 2019