ಮಂಗಳೂರು: ಇಂಗ್ಲೀಷ್ ಸಿನೆಮಾ ಶೀಘ್ರದಲ್ಲಿ ತೆರೆಗೆ

•   Fri, Nov 01 2019 01:08:30 PM



• ಮಂಗಳೂರು, ನ 01 (Daijiworld News/MB): ಕೋಸ್ಟಲ್ ವುಡ್ ನಲ್ಲಿ ಆರಂಭದಿಂದಲೇ ಜನರ ಗಮನ ಸೆಳೆದ ತುಳುವಿನ "ಇಂಗ್ಲೀಷ್" ಸಿನೆಮಾ ಸಂಪೂರ್ಣಗೊಂಡು ತೆರೆಗೆ ಬರಲು ರೆಡಿಯಾಗಿದೆ.

  

  ಕೆ.ಸೂರಜ್ ಶೆಟ್ಟಿ ನಿರ್ದೇಶನದ, ಹರೀಶ್ ಶೇರಿಗಾರ್, ಶರ್ಮಿಳಾ ಶೇರಿಗಾರ್ ನಿರ್ಮಾಣದ ಈ ಸಿನೆಮಾದಲ್ಲಿ ಸ್ಯಾಂಡಲ್‌ವುಡ್‌ನ ಹಿರಿಯ ನಟ ಅನಂತ್‌ನಾಗ್‌ ಬಣ್ಣ ಹಚ್ಚಿದ್ದಾರೆ.

  ಅನಂತ್‌ನಾಗ್‌ ಈ ಸಿನೆಮಾದಲ್ಲಿ ಇಂಗ್ಲೀಷ್ ಹೇಳಿಕೊಡಲಿದ್ದಾರೆಯೇ ? ಎನ್ನುವುದು ಕುತೂಹಲಕ್ಕೆ ಎಡೆಮಾಡಿದೆ. ಎಕ್ಕಸಕ, ಪಿಲಿಬೈಲ್ ಯಮುನಕ್ಕ ಮೊದಲಾದ ಹಿಟ್ ಸಿನಿಮಾ ನೀಡಿರುವ ಕೆ. ಸೂರಜ್ ಶೆಟ್ಟಿ ನಿರ್ದೇಶನ ಇಂಗ್ಲೀಷ್ ಸಹಜವಾಗಿಯೇ ನಿರೀಕ್ಷೆ ಹೆಚ್ಚಿಸಿದೆ. ಪೃಥ್ವಿ ಅಂಬರ್, ನವ್ಯಾ ಪೂಜಾರಿ, ಅರವಿಂದ ಬೋಳಾರ್, ನವೀನ್ ಡಿ ಪಡೀಲ್, ವಿಸ್ಮಯ ವಿನಾಯಕ್, ರವಿ ರಾಮಕಂಜ, ಬೋಜರಾಜ್ ವಾಮಂಜೂರು, ಪ್ರಸನ್ನ ಶೆಟ್ಟಿ ಬೈಲೂರು, ಸಂದೀಪ್ ಶೆಟ್ಟಿ ಮಾಣಿಬೆಟ್ಟು ಮೊದಲಾದವರು ಪಾತ್ರಕ್ಕೆ ಜೀವ ತುಂಬಿದ್ದಾರೆ. ಕದ್ರಿ ಮಣಿಕಾಂತ್‌ ಸಂಗೀತ ನಿರ್ದೇಶಿಸಿದ್ದು, ಶಶಿರಾಜ್ ಕಾವೂರು, ಅರ್ಜುನ್ ಲೂಯಿಸ್ ಸಾಹಿತ್ಯ ಬರೆದಿದ್ದಾರೆ. ಕೃಷ್ಣ ಸಾರಥಿ ಛಾಯಾಗ್ರಹಣ, ಮನು ಶೇರಿಗಾರ್ ಸಂಕಲನ ಮಾಡಿದ್ದಾರೆ.