'ಓಂ ಸಾಯಿ ರಾಂ' ಆಲ್ಬಂ ಸಾಂಗ್ ನ ಟೀಸರ್ ಬಿಡುಗಡೆ

•   Sat, Oct 26 2019 04:41:35 PM



• ಮೂಡುಬಿದಿರೆ, ಅ 26 (Daijiworld News/MSP): ಪ್ರಜ್ವಲ್ ಕರ್ಪೆ ನಿರ್ದೇಶನದಲ್ಲಿ, ಯಶಸ್ ಕರಂ ಸ್ಟುಡಿಯೋಸ್ ಲಾಂಛನದಲ್ಲಿ ಸಿದ್ಧವಾಗಿರುವ"ಓಂ ಸಾಯಿ ರಾಂ" ಕನ್ನಡ ಆಲ್ಬಂ ಸಾಂಗ್ ನ ಟೀಸರನ್ನು, ಇತ್ತೀಚೆಗೆ ಮೂಡುಬಿದಿರೆ ಸಮಾಜ ಮಂದಿರದಲ್ಲಿ "ಆರದಿರಲಿ ಬದುಕು ಆರಾಧನಾ ಸಂಸ್ಥೆ" ಹಮ್ಮಿಕೊಂಡ ರಾಜ್ಯಮಟ್ಟದ ಕಿರು ಚಿತ್ರ ಮಹೋತ್ಸವ ಸಮಾರಂಭದಲ್ಲಿ ಮಜಾಭಾರತ ಖ್ಯಾತಿಯ ಕು.ಆರಾಧನಾ ಭಟ್ ಬಿಡುಗಡೆಗೊಳಿಸಿದರು.

  

  ಪ್ರಜ್ವಲ್ ಕರ್ಪೆ ಪರಿಕಲ್ಪನೆಯ ಈ ಆಲ್ಬಂ ಸಾಂಗ್ ಬಾಬಾರವರ ಪವಾಡಗಳನ್ನು ತೋರಿಸುವ ಇತರ ಕಥೆಗಳಿಗಿಂತ ಭಿನ್ನವಾಗಿದ್ದು ಶಿರಡಿ ಸಾಯಿಬಾಬಾರವರ ಮಹಿಮೆಯನ್ನು ಈ ಆಲ್ಬಂ ಸಾಂಗ್ ನಲ್ಲಿ ಸಮಕಾಲೀನ ಪರಿಸರಕ್ಕೆ ಅನುಗುಣವಾಗುವಂತೆ ಹೆಣೆಯಲಾಗಿದೆ. ಕರಾವಳಿಯಲ್ಲಿ ಶಿರಡಿ ಸಾಯಿಬಾಬಾ ರವರ ಬಗ್ಗೆ ಆಲ್ಬಂ ಸಾಂಗ್ ಇದೇ ಮೊದಲು.

  ಶಿರಡಿ ಸಾಯಿಬಾಬಾ ಆಗಿ ಹಿರಿಯ ನಟ ಡಾ.ಕಾಸರಗೋಡು ಅಶೋಕ್ ಕುಮಾರ್ ನಟಿಸಿದ್ದು ಇತರ ಪಾತ್ರಗಳ ಲ್ಲಿ ವಿನೋದ್ ನಿಡುವಾಜೆ, ಸುಬ್ರಹ್ಮಣ್ಯ ಪೈ,ಶುಭಂ ಕುಲಾಲ್, ಚಿರಾಗ್, ಅನ್ವಿತಾ ಅರವಿಂದ್, ಶಿರಾಲ್ ರೈ, ಪ್ರಜ್ವಲ್ ಕರ್ಪೆ ,ಮಾ.ಸಾರ್ಥಕ್ ಶೆಣೈ, ವಿ.ಜೆ.ದೀಕ್ಷಿತ್, ಸತ್ಯಪ್ರಕಾಶ್ ಶೆಟ್ಟಿ ಮೊದಲಾದವರು ನಟಿಸಿದ್ದಾರೆ. ಅತಿಥಿ ಪಾತ್ರ ಗಳಲ್ಲಿ ಪ್ರಜ್ವಲ್ ಅತ್ತಾವರ, ಧೃತಿ ಸಾಯಿ ನಟಿಸಿದ್ದಾರೆ. ಈ ಟೀಸರ್ ಬಗ್ಗೆ ಸಾಮಾಜಿಕ ಜಾಲತಾಣದಲ್ಲಿ ಮೆಚ್ಚುಗೆ ವ್ಯಕ್ತವಾಗಿದೆ.