ಮಾಲ್ಗುಡಿ ಡೇಸ್ ನಲ್ಲಿ ಮುದುಕನಾಗಿ ಕಾಣಿಸಿಕೊಂಡ ವಿಜಯ್ ರಾಘವೇಂದ್ರ

•   Tue, Oct 22 2019 04:11:59 PM



• ಮಂಗಳೂರು, ಅ 22 (Daijiworld News/MSP): ನಟ ವಿಜಯ ರಾಘವೇಂದ್ರ ಅಭಿನಯದ ಮಾಲ್ಗುಡಿ ಡೇಸ್ ಚಿತ್ರದ ಪೋಸ್ಟರ್ ಸದ್ದು ಮಾಡುತ್ತಿದೆ. ಇದರಲ್ಲಿ ವಿಜಯ್ ರಾಘವೇಂದ್ರ ಇದರಲ್ಲಿ 65ರಿಂದ 70 ವರ್ಷದ ವೃದ್ಧನ ಪಾತ್ರ ನಿರ್ವಹಿಸುತ್ತಿದ್ದಾರೆ.

  

  ಸ್ವಯಂಪ್ರಭಾ ಎಂಟಟ್ರೈನ್ಮೆಂಟ್ ಮತ್ತು ಪ್ರೊಡಕ್ಷನ್ ಸಂಸ್ಥೆ ನಿರ್ಮಾಣದಲ್ಲಿ ಮೂಡಿಬರುತ್ತಿರುವ ಚಿತ್ರ ಮಾಲ್ಗುಡಿ ಡೇಸ್ ನ್ನು ಕಿಶೋರ್ ಮೂಡಬಿದ್ರೆ ನಿರ್ದೇಶಿಸಿದ್ದಾರೆ.

  ವಿಜಯ್ ರಾಘವೇಂದ್ರ ಅವರಿಗೆ ವಯೋವೃದ್ಧನ ಮೇಕಪ್ ಮಾಡಿದವರು ರೋಶನ್ ಜಿ, ಇವರು ಕೇರಳದವರು. ವಿಜಯ್ ರಾಘವೇಂದ್ರ ಅವರನ್ನು ವಯೋವೃದ್ದನಂತೆ ತೋರಿಸಲು ಪ್ರತಿ ದಿನ 4ರಿಂದ 5 ಗಂಟೆಗಳ ಕಾಲ ಮೇಕಪ್ ಮಾಡಬೇಕಿತ್ತಂತೆ. ಬರಹಗಾರ ಲಕ್ಷ್ಮಿ ನಾರಾಯಣ ಮಾಲ್ಗುಡಿ ಎಂಬ ಹಿರಿಯ ವ್ಯಕ್ತಿಯ ಸುತ್ತ ನಡೆಯುವ ಘಟನೆಯ ಕಥೆ ಇದಾಗಿದೆ. ೬೦ ದಿನಗಳ ಚಿತ್ರೀಕರಣವನ್ನು ಮುಗಿಸಿರುವ ಚಿತ್ರತಂಡ ಇದೀಗ ಚಿತ್ರದ ಪೋಸ್ಟರ್ ನು ಬಿಡುಗಡೆಗೊಳಿಸಿದೆ.

  ರತ್ನಾಕರ್ ಕಾಮತ್ ನಿರ್ಮಾಣದ ಚಿತ್ರದಲ್ಲಿ ಗ್ರೀಷ್ಮ ಶ್ರೀಧರ್ ನಾಯಕಿ ಪಾತ್ರ ಮಾಡಿದ್ದಾರೆ. ಬಿಗ್ ಬಾಸ್ ಸ್ಪರ್ಧಿ ಧನ್ ರಾಜ್, ತುಳು ನಟ ಅರ್ಜುನ್ ಕಾಪಿಕಾಡ್ ನಟಿಸುತ್ತಿದ್ದಾರೆ. ಗಗನ್ ಬಡೆರಿಯಾ ಸಂಗೀತ, ಉದಯ್ ಲೀಲಾ ಕ್ಯಾಮರಾ ಕೈಚಳಕ ಚಿತ್ರಕ್ಕಿದೆ.