'ಆಟಿಡೊಂಜಿ ದಿನ' ತುಳು ಸಿನಿಮಾ ನವೆಂಬರ್ ನಲ್ಲಿ ತೆರೆಗೆ

•   Thu, Oct 17 2019 05:55:12 PM



• ಮಂಗಳೂರು, ಅ 17 (Daijiworld News/MSP): ಭವಿಷ್ ಆರ್.ಕೆ ಕ್ರಿಯೇಶನ್ಸ್ ಲಾಂಛನದಲ್ಲಿ ತಯಾರಾದ ಕೋಸ್ಟಲ್ ವುಡ್ ನ ಬಹುನಿರೀಕ್ಷಿತ ತುಳು ಚಿತ್ರ `ಆಟಿಡೊಂಜಿ ದಿನ' ನವೆಂಬರ್ ನಲ್ಲಿ ತೆರೆಗೆ ಬರುವುದು ಪಕ್ಕಾ ಆಗಿದೆ. ಶೀಘ್ರದಲ್ಲೇ ಚಿತ್ರತಂಡ ಸಿನಿಮಾದ ರಿಲೀಸ್ ಡೇಟ್ ಅನೌನ್ಸ್ ಮಾಡಲಿದೆ.

  

  ಇದೀಗ ಚಿತ್ರದ ಟೈಟಲ್ ಹಾಡಿನ ಲಿರಿಕಲ್ ವಿಡಿಯೋ ಬಿಡುಗಡೆ ಮಾಡಲು ಹೊರಟಿದೆ. ಟೈಟಲ್ ಹಾಡಿನ ಲಿರಿಕಲ್ ವಿಡಿಯೋವನ್ನು ಅ. 20 ರ ಭಾನುವಾರ ಗುರುದೇವದತ್ತ ಒಡಿಯೂರು ಸಂಸ್ಥಾನದಲ್ಲಿ ಒಡಿಯೂರು ಶ್ರೀ ಗುರುದೇವನಾಂದ ಸ್ವಾಮೀಜಿ ಬಿಡುಗಡೆ ಮಾಡಲಿದ್ದಾರೆ ಎಂದು ಚಿತ್ರತಂಡ ತಿಳಿಸಿದೆ.

  "ತೆಲಿಪರೆ ವಾ ದಿನಾಂಡ ದಾನೆ" ಎನ್ನುವ ಸಬ್ ಟೈಟಲ್ ಇರುವ ಚಿತ್ರವನ್ನು ಹ್ಯಾರಿಸ್ ಕೊಣಾಜೆಕಲ್ಲು ನಿರ್ದೇಶಿಸಿದ್ದು, ದುರಾದೃಷ್ಟವಶಾತ್ ಅವರು ಇತ್ತೀಚೆಗೆ ಅಪಘಾತದ ಸಂಭವಿಸಿ ಮೃತಪಟ್ಟಿದ್ದರು. ಇದೀಗ ಚಿತ್ರವು ದಗಲ್ ಬಾಜಿಲು ಚಿತ್ರದ ಖ್ಯಾತ ನಿರ್ದೇಶಕ ಎ. ಎಸ್ ಪ್ರಶಾಂತ್ ಅವರ ಗೌರವ ನಿರ್ದೇಶನದಲ್ಲಿ ಮೂಡಿ ಬರುತ್ತಿದೆ. ಚಿತ್ರಕ್ಕೆ ಆಕಾಶ್ ಹಾಸನ ಅವರ ಸಹ ನಿರ್ದೇಶನವಿದೆ. ರಾಧಾಕೃಷ್ಣ ನಾಗರಾಜ್ ಮತ್ತು ಚೈತ್ರ ರಾಧಾಕೃಷ್ಣ ಅವರ ನಿರ್ಮಾಣದಲ್ಲಿ ಚಿತ್ರ ಮೂಡಿಬರಲಿದೆ.

  ಪೃಥ್ವಿ ಅಂಬರ್ ನಾಯಕ ನಟನಾಗಿ, ನಿರೀಕ್ಷಾ ಶೆಟ್ಟಿ ನಾಯಕಿ ಆಗಿ ನಟಿಸಿದ್ದಾರೆ.ಅರವಿಂದ ಬೋಳಾರ್, ಭೋಜರಾಜ ವಾಮಂಜೂರು, ನವೀನ್ ಡಿ.ಪಡೀಲ್, ವಾಸು ಮಲ್ಪೆ, ಶ್ರದ್ಧಾ ಸಾಲಿಯಾನ್, ದೀಪಕ್ ರೈ ಪಾಣಾಜೆ, ಅನೀಲ್ ರಾಜ್, ವಿಶ್ವನಾಥ್ ಮೂಡಬಿದ್ರೆ, ಸೂರಜ್ ಸಾಲ್ಯಾನ್, ಸುರೇಂದ್ರ ಕುಮಾರ್ ಹೆಗ್ಡೆ, ಶೈಲಶ್ರೀ, ಅವರು ಚಿತ್ರದಲ್ಲಿ ನಟಿಸಿದ್ದಾರೆ. ಚಿತ್ರದಲ್ಲಿ ನಾಲ್ಕು ಹಾಡುಗಳಿವೆ.ಇದರಲ್ಲಿ ಟೈಟಲ್ ಸಾಂಗನ್ನು ಖ್ಯಾತ ಯಕ್ಷಗಾನ ಭಾಗವತ ಪಟ್ನ ಸತೀಶ್ ಶೆಟ್ಟಿ ಹಾಡಿದ್ದಾರೆ.