ಸುನೀಲ್ ಶೆಟ್ಟಿ ಪುತ್ರಿ ಜೊತೆ ಕೆಎಲ್ ರಾಹುಲ್ ಡೇಟಿಂಗ್

•   Sun, Oct 06 2019 10:45:08 AM



• ಮುಂಬೈ, ಅ 6 (Daijiworld News/RD): ಬಾಲಿವುಡ್​ ಹಾಗೂ ಕ್ರಿಕೆಟಿಗೂ ಹೆಚ್ಚು ನಂಟಿದ್ದು, ಇದಕ್ಕೆ ತಕ್ಕಂತೆ ಮಂಗಳೂರಿನ ಬಾಲಿವುಡ್ ನಟ ಸುನೀಲ್ ಶೆಟ್ಟಿಯ ಪುತ್ರಿಯೊಂದಿಗೆ ಇಲ್ಲಿಯವರೇ ಆದ ಕೆ. ಎಲ್ ರಾಹುಲ್ ಡಿನ್ನರ್ ಮಾಡಿದ್ದು, ಇದೀಗ ಮತ್ತೊಮ್ಮೆ ಜೊತೆಯಾಗಿ ಕಾಣಿಸಿಕೊಂಡಿದ್ದಾರೆ.

  

  ಈಗಾಗಲೇ ಕೆ.ಎಲ್ ರಾಹುಲ್ ಹಾಗೂ ಸುನೀಲ್ ಶೆಟ್ಟಿ ಪುತ್ರಿ ಆತಿಯಾ ಶೆಟ್ಟಿ ಡೇಟಿಂಗ್ ಮಾಡುತ್ತಿದ್ದಾರೆ ಎಂಬ ಗಾಸಿಪ್ ಎಲ್ಲೆಡೆ ಕೇಳಿ ಬಂದಿತ್ತು. ಇದಾದ ಬಳಿಕ ಈ ಜೋಡಿ ಮತ್ತೆ ಒಟ್ಟಿಗೆ ಕಾಣಿಸಿಕೊಂಡಿದ್ದಾರೆ. ಹೌದು, ಡೇಟಿಂಗ್ ನಂತರ ಕಾಣಿಸಿಕೊಳ್ಳದ ಈ ಜೋಡಿ ಮತ್ತೆ ಒಂದಾಗಿದ್ದು ಇದೀಗ ಕಾರಿನಲ್ಲಿ ಸುತ್ತಾಡುತ್ತಿದ್ದಾರೆ. ಆತಿಯಾ ಕಪ್ಪು ಬಣ್ಣದ ಬ್ಲೇಜರ್‍ ಮತ್ತು ವೈಟ್ ಕ್ರಾಪ್ ಟಾಪ್ ಧರಿಸಿದ್ದು, ಇನ್ನು ಕೆ.ಎಲ್ ರಾಹುಲ್ ವೈಟ್ ಶರ್ಟ್ ಮತ್ತು ಜಾಕೆಟ್ ಧರಿಸಿದ್ದರು.

  ವಿಶ್ವಕಪ್​ ನಲ್ಲಿ ಭರ್ಜರಿ ಪ್ರದರ್ಶನ ನೀಡಿದ ರಾಹುಲ್ ಭಾರತ ತಂಡದ ಆರಂಭಿಕ ಬ್ಯಾಟ್ಸ್'ಮನ್ ಆಗಿ ಸತತ ಏಳು ಅರ್ಧಶತಕಗಳನ್ನು ಸಿಡಿಸುವ ಮೂಲಕ  ಸಾಧನೆ ಮಾಡಿದ್ದರು. ಇದೀಗ ಟೆಸ್ಟ್ ಮ್ಯಾಚ್ ಆಡುತ್ತಿದ್ದಾರೆ. ಇದೀಗ ಬಾಲಿವುಡ್ ನಟಿ ಆತಿಯಾ ಶೆಟ್ಟಿಯ ಜೊತೆ ಮತ್ತೆ ಕಾಣಿಸಿಕೊಂಡ ಕೆ.ಎಲ್ ರಾಹುಲ್, ಅವರಿಬ್ಬರ  ಲವ್ವಿಡವ್ವಿಗೆ ಮತ್ತಷ್ಟು ಪುಷ್ಠಿ ನೀಡಿದೆ.