ಹುಲಿ ಬಂದ್ರೆ 'ಹೆಬ್ಬುಲಿ' ಓಡಿ ಹೋಗ್ತಾರೆ - ಸುದೀಪ್ ಕಾಲೆಳೆದ ವಿನಯ್ ಗುರೂಜಿ

•   Sat, Oct 05 2019 05:14:15 PM



• ಬೆಂಗಳೂರು, ಅ 5 (Daijiworld News/RD): ವಿವಾದಾತ್ಮಕ ಹೇಳಿಕೆ ನೀಡುವ ಮೂಲಕ ಸದಾ ಸುದ್ದಿಯಲ್ಲಿರುವ ಅವಧೂತ ವಿನಯ್ ಗುರೂಜಿ, ಹುಲಿ ಬಂದ್ರೆ ‘ಹೆಬ್ಬುಲಿ’ ಓಡಿ ಹೋಗ್ತಾರೆ ಎಂದು ಹೇಳಿಕೆ ನೀಡುವ ಮೂಲಕ ಸ್ಯಾಂಡಲ್‍ವುಡ್ ನ ಸ್ಟಾರ್‍ ನಟ ಕಿಚ್ಚ ಸುದೀಪ್ ಅವರ ಕಾಲೆಳೆದಿದ್ದಾರೆ.

  

  ಸುದೀಪ್ ನ ಸಿನಿಮಾ ನೋಡಿದಾಕ್ಷಣ ಮೈ ಮೇಲಿನ ರೋಮ ಎಲ್ಲ ಎದ್ದು ನಿಲ್ಲುತ್ತೆ ಅಂತ ಕೆಲ ಅವರ ಅಭಿಮಾನಿಗಳು ಹೇಳುತ್ತಾರೆ. ಜೊತೆಗೆ ಅವನು ಮಾಣಿಕ್ಯ- ಹೆಬ್ಬುಲಿ ಅಂತೆ. ಸರಿಯಾದ ಹುಲಿ ಬಂದ್ರೆ ಸುದೀಪ್ ಓಡಿ ಹೋಗುತ್ತಾರೆ ಎಂದು ಗುರೂಜಿ ಗೇಲಿ ಮಾಡಿದ್ದಾರೆ. ಸದ್ಯ ಈ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ಸಖತ್ ವೈರಲ್ ಆಗಿದ್ದು, ಗೂರೂಜಿಯ ಈ ಮಾತಿಗೆ ಕಿಚ್ಚ ಫ್ಯಾನ್ಸ್ ಗರಂ ಆಗಿ, ಗುರೂಜಿ ವಿರುದ್ಧ ಆಕ್ರೋಶ ವ್ಯಕ್ತಪಡಿಸಿದ್ದಾರೆ.

  ಚಿಕ್ಕಮಗಳೂರು ಮೂಲದ ವಿಜಯ್ ಗುರೂಜಿ ಸ್ಯಾಂಡಲ್‍ವುಡ್‍ನ ಕಿಚ್ಚ ಸುದೀಪ್ ಅವರನ್ನು ಅಪಹಾಸ್ಯ ಮಾಡಿದ್ದಾರೆ. ಈ ಮೂಲಕ ಕಿಚ್ಚನ ಅಭಿಮಾನಿಗಳ ಕೆಂಗಣ್ಣಿಗೆ ಗುರಿಯಾಗಿದ್ದಾರೆ.