ಕೆಲಸಕ್ಕೆ ಚಕ್ಕರ್, ಸಿನಿಮಾಕ್ಕೆ ಹಾಜರಾದ ಪೊಲೀಸರು ಸಸ್ಪೆಂಡ್

•   Thu, Oct 03 2019 05:41:09 PM



• ಹೈದರಾಬಾದ್, ಅ 3 (Daijiworld News/RD): ಮೆಗಾ ಸ್ಟಾರ್ ಚಿರಂಜೀವಿ, ಬಾಲಿವುಡ್ ಬಿಗ್ ಬಿ ಅಮಿತಾಭ್ ಬಚ್ಚನ್, ಸ್ಯಾಂಡಲ್ ವುಡ್ ಮಾಣಿಕ್ಯ ಕಿಚ್ಚ ಸುದೀಪ್, ತಮಿಳಿನ ವಿಜಯ ಸೇತುಪತಿ ಸೇರಿದಂತೆ ದೊಡ್ಡ ದೊಡ್ಡ ಕಲಾವಿದರು ಅಭಿನಯಿಸಿರುವ ಸೈರಾ ನರಸಿಂಹ ರೆಡ್ಡಿ ಚಿತ್ರವು ಐದು ಭಾಷೆಯಲ್ಲಿ ತೆರೆಗಪ್ಪಳಿಸಿದ್ದು, ಇದೀಗ ಈ ಚಿತ್ರವನ್ನು  ಕೆಲಸಕ್ಕೆ ಚಕ್ಕರ್ ಹಾಕಿ  ವೀಕ್ಷಿಸಿದ 7 ಪೊಲೀಸರನ್ನು ಸಸ್ಪೆಂಡ್  ಮಾಡಿದ್ದಾರೆ.

  

  ಕೊಯಿಲ್ಕುಂಟ್ಲಾದ ಚಿತ್ರಮಂದಿರದಲ್ಲಿ 7 ಮಂದಿ ಸಬ್ ಇನ್ಸ್‌ಪೆಕ್ಟರ್ ತಮ್ಮ ಕರ್ತವ್ಯಕ್ಕೆ ಗೈರಾಗಿ, ಸೈರಾ ಸಿನಿಮಾವನ್ನು ವೀಕ್ಷಿಸಿದ್ದು, ಅದರಲ್ಲಿ ಒಬ್ಬಾತ ಸೆಲ್ಫಿ ಕ್ಲಿಕ್ಕಿಸಿ ಸಾಮಾಜಿಕ ಜಾಲತಾಣದಲ್ಲಿ ಪೋಸ್ಟ್ ಮಾಡಿದ್ದಾರೆ. ಪೋಸ್ಟ್ ಮಾಡಿದ ಅರೆಗಳಿಗೆಯಲ್ಲಿ ಈ ಫೋಟೋ ಸಾಮಾಜಿಕ ಜಾಲಾತಾಣದಲ್ಲಿ ವೈರಲ್ ಆಗಿದೆ.

  ಇದೀಗ ಈ ವೈರಲ್ ಫೋಟೋ ಪೊಲೀಸ್ ವರಿಷ್ಠಾಧಿಕಾರಿ ಕೆ. ಫಕೀರಪ್ಪ ಅವರ ಕೆಂಗಣ್ಣಿಗೆ ಗುರಿಯಾಗಿದ್ದು, ರಜೆಗಾಗಿ ಅರ್ಜಿಯನ್ನು ಸಲ್ಲಿಸದೇ ಕೆಲಸಕ್ಕೆ ಗೈರಾಗಿ ಸಿನಿಮಾ ವೀಕ್ಷಿಸಿದ್ದು ಎಸ್‍ಐಗೆ ಕೋಪ ತರಿಸಿದ್ದು, 7 ಮಂದಿ ಪೊಲೀಸರನ್ನು ಅಮಾನತುಗೊಳಿಸಿದ್ದಾರೆ.