ಬೆಂಗಳೂರು: ಸ್ಯಾಂಡಲ್ ವುಡ್ ನಲ್ಲಿ ಶುರುವಾಗಿದೆ ಗರುಡನ ಹಾರಾಟ

•   Mon, Sep 30 2019 10:54:55 PM



• ಬೆಂಗಳೂರು, ಸೆ 30 (DaijiworldNews/SM): ಇತ್ತೀಚಿಗಷ್ಟೇ ಬಿಡುಗಡೆಗೊಂಡಿರುವ ಸಿದ್ಧಾರ್ಥ್ ಮಹೇಶ್ ಅವರ ಗರುಡ ಚಿತ್ರದ ಟ್ರೈಲರ್ ಸಾಮಾಜಿಕ ಜಾಲ ತಾಣದಲ್ಲಿ ಸದ್ದು ಮಾಡಲಾರಂಭಿಸಿದೆ.

  

  ಈ ಸಿನಿಮಾದ ಕಥಾ ಹಂದರ ಟೆರರಿಸಂ, ಅಂಡರ್ ವರ್ಲ್ಟ್ ಸುತ್ತ ಹೆಣೆದಿದ್ದು ರೋಚಕವಾಗಿದೆ ಎಂಬುವುದು ಟ್ರೈಲರ್ ನಲ್ಲಿ ತಿಳಿಯುತ್ತದೆ. ಆದರೆ, ಚಿತ್ರ ತಂಡ ಹಾಗೂ ನಿರ್ದೇಶಕರು ಇಷ್ಟಕ್ಕೆ ಸುಮ್ಮನಾಗಿಲ್ಲ. ಅದರಾಚೆಗೆ ವಿಶೇಷತೆಯೊಂದನ್ನು ಸಿನಿಮಾದಲ್ಲಿ ಅಡಕಗೊಳಿಸಿದ್ದಾರೆ ಎಂಬಂತೆ ಟ್ರೈಲರ್ ನಲ್ಲಿ ಭಾಸವಾಗುತ್ತಿದ್ದು, ಕುತೂಹಲವನ್ನುಂಟು ಮಾಡಿದೆ. ಇನ್ನು ಸಿದ್ಧಾರ್ಥ್ ಜೊತೆಯಲ್ಲಿ ಶ್ರೀನಗರ ಕಿಟ್ಟಿ ಕೂಡ ತೆರೆಹಂಚಿಕೊಂಡಿದ್ದ, ಪೊಲೀಸ್ ಕಾಪ್ ಆಗಿ ಮಿಂಚಲಿದ್ದಾರೆ.

  ಸಿದ್ಧಾರ್ಥ್ ಗೆ ಜೊಡಿಯಾಗಿ ಇಬ್ಬರು ನಟಿಯರು ತೆರೆ ಮೇಲೆ ಮಿಂಚಲಿದ್ದಾರೆ. ಆಶಿಕಾ ರಂಗನಾಥ್ ಮತ್ತು ಐಂದ್ರಿತಾ ರೇ ಇಬ್ಬರು ತೆರೆ ಹಂಚಿಕೊಂಡಿದ್ದಾರೆ. ಇನ್ನು ಆರೇಂಜ್ ಫಿಕ್ಸಲ್ ಫಿಲಂ ಫ್ಯಾಕ್ಟರಿ ಬ್ಯಾನರ್ ನಲ್ಲಿ ರಾಜರೆಡ್ಡಿ, ಕಿಶೋರ್ ಎ, ಪ್ರಸಾದ್ ರೆಡ್ಡಿ ಸಿನಿಮಾ ನಿರ್ಮಾಣ ಮಾಡಿದ್ದು, ನೃತ್ಯ ಸಂಯೋಜಕ ಧನುಕುಮಾರ್ ಅವರ ನಿರ್ದೇಶನವಿದೆ.

  ನಾಯಕ ನಟನೇ ಚಿತ್ರಕ್ಕೆ ಕಥೆ ಚಿತ್ರಕಥೆ ಬರೆದಿರುವುದು ವಿಶೇಷವಾಗಿದೆ. ಇನ್ನು ಬಹುದೊಡ್ಡ ತಾರಾ ಗಣವೇ ಚಿತ್ರದಲ್ಲಿ ಕಾಣಿಸಿಕೊಳ್ಳಲಿದೆ. ಸದ್ಯ ಟ್ರೈಲರ್ ಮೂಲಕವೇ ಹವಾ ಕ್ರಿಯೆಟ್ ಮಾಡಿರುವ ಚಿತ್ರ ಶೀಘ್ರದಲ್ಲೇ ಚಿತ್ರ ಮಂದಿರಗಳಿಗೆ ಎಂಟ್ರಿ ಪಡೆಯಲಿದೆ.