ಮಂಗಳೂರು: ಚಾಲಿಪೋಲಿಲು ಖ್ಯಾತಿಯ ವೀರೇಂದ್ರ ಶೆಟ್ಟಿಯ ಸವರ್ಣ ದೀರ್ಘಸಂಧಿ ತೆರೆಗೆ

•   Fri, Sep 27 2019 05:41:44 PM



• ಮಂಗಳೂರು, ಸೆ 27 (Daijiworld News/RD): ಕೋಸ್ಟಲ್ ವುಡ್ ನಲ್ಲಿ ದಾಖಲೆ ನಿರ್ಮಿಸಿದ ಚಿತ್ರಗಳ ಪೈಕಿ ಒಂದಾದ ಚಾಲಿಪೋಲಿಲು, ಈ ಚಿತ್ರದ ಯಶಸ್ವಿ ನಿರ್ದೇಶಕ ವಿರೇಂದ್ರ ಶೆಟ್ಟಿ. ಇದೀಗ ಇವರ ಚೊಚ್ಚಲ ನಿರ್ದೇಶನದಲ್ಲಿ ಸವರ್ಣ ದೀರ್ಘಸಂಧಿ ಮೂಡಿ ಬರುತ್ತಿದ್ದು, ಇದೀಗ ರಿಲೀಸ್ ಡೇಟ್ ಫಿಕ್ಸ್ ಆಗಿದ್ದು, ಅಕ್ಟೋಬರ್‍ 18 ರಂದು ರಾಜ್ಯಾಂದ್ಯಂತ ತೆರೆಗಪ್ಪಳಿಸಲಿದೆ.

  

  ಕಾಮಿಡಿ ಕಥಾಹಂದರವನ್ನು ಹೊಂದಿರುವ 'ಸವರ್ಣ ದೀರ್ಘ ಸಂಧಿ', ಈಗಾಗಲೇ ಸಿನಿಮಾದ ಟ್ರೈಲರ್​​ ಬಿಡುಗಡೆಗೊಂಡಿದ್ದು, ಒಳ್ಳೆಯ ರೆಸ್ಪನ್ಸ್ ಕೂಡ ಸಿಕ್ಕಿದ್ದು, ಜನರಲ್ಲಿ ಸಾಕಷ್ಟು ನಿರೀಕ್ಷೆ ಮೂಡಿಸಿದೆ. ಇನ್ನು ಚಿತ್ರದಲ್ಲಿ ನಿರ್ದೇಶಕ ವೀರೇಂದ್ರ ಶೆಟ್ಟಿ ಹೀರೋ ಪಾತ್ರದಲ್ಲಿ ಕಾಣಿಸಿಕೊಳ್ಳುವುದರ ಜೊತೆಗೆ ಚಿತ್ರವನ್ನು ನಿರ್ದೇಶಿಸಿದ್ದಾರೆ. ಚಿತ್ರದ ನಾಯಕಿಯಾಗಿ ಉಡುಪಿಯವರಾದ ಕೃಷ್ಣಾ ಅಭಿನಯಿಸಿದ್ದು, ಈ ಮೂಲಕ ಕೋಸ್ಟಲ್ ವುಡ್ ನಿರ್ದೇಶಕರಾಗಿರುವ ವಿರೇಂದ್ರ ಶೆಟ್ಟಿ, ಸ್ಯಾಂಡಲ್​ವುಡ್​ ಅಂಗಳದಲ್ಲಿ ಹೊಸ ಪ್ರತಿಭೆಗಳನ್ನು ಪರಿಚಯಿಸಲಿದ್ದಾರೆ.

  ಕನ್ನಡ ಸಿನಿಮಾರಂಗಕ್ಕೆ ಸಾಕಷ್ಟು ಹಿಟ್ ಹಾಡುಗಳನ್ನು ನೀಡಿದ್ದ ಸಂಗೀತ ನಿರ್ದೇಶಕ ಮನೋಮೂರ್ತಿ- ಗಾಯಕಿ ಶ್ರೇಯಾ ಘೋಷಾಲ್ ಜೋಡಿ ಈ ಚಿತ್ರದ ಮೂಲಕ ಮತ್ತೆ ಒಂದಾಗಿದ್ದು, ಚಿತ್ರದ  'ಕೊಳಲಾದೆ ನಾ ಕೃಷ್ಣ ನಿನ್ನ ಕೈಯಲ್ಲಿ ಹಾಡಿಗೆ ಬಹುಭಾಷಾ ಗಾಯಕಿ ಶ್ರೇಯಾ ಘೋಷಾಲ್ ಧ್ವನಿಯಾಗಿದ್ದಾರೆ. ವೀರೇಂದ್ರ ಶೆಟ್ಟಿಯವರೇ ಈ ಹಾಡಿಗೆ ಸಾಹಿತ್ಯ ಬರೆದಿದ್ದು, ವಿ. ಮನೋಮೂರ್ತಿ ಅವರ ಸಂಗೀತ ನಿರ್ದೇಶನವಿದೆ.ಲೋಕನಾಥ್ ಶ್ರೀನಿವಾಸ್ ಅವರ ಅದ್ಭುತ ಛಾಯಾಗ್ರಹಣದಲ್ಲಿ ಮೂಡಿ ಬಂದಿದ್ದು ಚಿತ್ರದಲ್ಲಿ ಸುರೆಂದ್ರ ಬಂಟ್ವಾಳ್, ಪದ್ಮಜಾ ರಾವ್, ರವಿ ಭಟ್, ಅಜಿತ್ ಹನುಮಕ್ಕನವರ್‍, ನಿರಂಜನ್ ದೇಶಪಾಂಡೆ ಮುಂತಾದ ತಾರಬಳಗನ್ನು ಒಳಗೊಂಡಿದೆ.