'ಯಾರನ್ನಾದರೂ ಅನುಕರಿಸುವುದರಿಂದ ಯಶಸ್ಸು ಸಿಗುವುದಿಲ್ಲ' ಲತಾ ಹೇಳಿಕೆಗೆ ಪ್ರತಿಕ್ರಿಯೆ ನೀಡಿದ ರಾನು

•   Fri, Sep 13 2019 01:06:25 PM



• ಮುಂಬೈ, ಸೆ 13 (Daijiworld News/RD): ಗಾನ ಕೋಗಿಲೆ ಲತಾ ಮಂಗೇಶ್ಕರ್ ಅವರು ಯಾರನ್ನಾದರೂ ಅನುಕರಿಸುವುದರಿಂದ ಯಶಸ್ಸು ಸಿಗುವುದಿಲ್ಲ ಎಂದು ಈ ಹಿಂದೆ ಇಂಟರ್​ನೆಟ್​ ಸೆನ್ಸೇಷನಲ್ ​ಸ್ಟಾರ್​ ರಾನು ಮೊಂಡಲ್ ಅವರ ಬಗ್ಗೆ ಹೇಳಿದ್ದರು. ಅವರ ಈ ಹೇಳಿಕೆಗೆ ರಾನು ಮೊಂಡಲ್ ಅವರು ಮಾಧ್ಯಮವೊಂದರಲ್ಲಿ ಪ್ರತಿಕ್ರಿಯೆ ನೀಡಿದ್ದಾರೆ.

  

  ಈಗಾಗಲೇ ಕಾರ್ಯಕ್ರಮವೊಂದರಲ್ಲಿ ಹಿಮೇಶ್ ರೇಶ್ಮಿ ಅದ್ದೂರಿಯಾಗಿ ರಾನು ಮೊಂಡಲ್ ಅವರ ಹಾಡನ್ನು ಲಾಂಚ್ ಮಾಡಿದ್ದು, `ಹ್ಯಾಪಿ ಹಾರ್ಡಿ ಅಂಡ್ ಹೀರ್’ ಚಿತ್ರತಂಡ ಭಾಗವಹಿಸಿದ್ದರು. ಈ ಸಂದರ್ಭದಲ್ಲಿ ಮಾಧ್ಯಮದ ಜೊತೆ ಮಾತನಾಡಿದ ರಾನು ಅವರು, ನಾನು ಬಾಲ್ಯದಿಂದಲೂ ಲತಾ ಅವರ ಹಾಡು ಹಾಡುತ್ತಾ ಬಂದಿದ್ದೇನೆ. ಲತಾ ಅವರ ಈ ಹಾಡು ನನಗೆ ತುಂಬಾ ಇಷ್ಟ. ಅಲ್ಲದೆ ಎಲ್ಲರೂ ನನ್ನ ಧ್ವನಿ ಲತಾ ಮಂಗೇಶ್ಕರ್ ರೀತಿ ಇದೇ ಎಂದು ಹೇಳುತ್ತಾರೆ ಎಂದು ಪ್ರತಿಕ್ರಿಯಿಸಿದ್ದಾರೆ.

  ಬಳಿಕ ಈ ಬಗ್ಗೆ ಮಾತನಾಡಿದ ಹಿಮೇಶ್ ಅವರು, ಪ್ರತಿಯೊಬ್ಬರೂ ಕೂಡ ಯಾರಿಂದದಾರೂ ಸ್ಫೂರ್ತಿ ಪಡೆದು ಸಾಧನೆ ಮಾಡುತ್ತಾರೆ, ಅದು ಸಹಜ. ಹಾಗೆಯೇ ರಾನು ಮೊಂಡಲ್ ಅವರು ಲತಾ ಮಂಗೇಶ್ಕರ್ ಅವರಿಂದ ಸ್ಫೂರ್ತಿ ಪಡೆದಿದ್ದಾರೆ. ಈಗ ಹೇಗೆ ಗಾಯಕ ಕುಮಾರ್ ಸಾನು ಅವರು ಕಿಶೋರ್ ಕುಮಾರ್ ಅವರಿಂದ ಸ್ಫೂರ್ತಿ ಪಡೆದಿದ್ದೇನೆ ಎಂದು ಹೇಳುತ್ತಾರೋ ಇದು ಕೂಡ ಹಾಗೆಎಂದರು. ಲತಾ ಮಂಗೇಶ್ಕರ್‍ ಅವರಂತೆ ಹಾಡಲು ಯಾರಿಗೂ ಸಾಧ್ಯವಿಲ್ಲ. ಏಕೆಂದರೆ ಅವರು ಶ್ರೇಷ್ಠ ಗಾಯಕಿ, ಹಾಗಾಗಿ ಅವರಿಂದ ರಾನು ಅವರು ಸ್ಫೂರ್ತಿ ಪಡೆದಿದ್ದಾರೆ. ರಾನು ಅವರಲ್ಲಿ ಪ್ರತಿಭೆ ಇದೆ, ಅವರ ಪ್ರತಿಭೆಗೆ ಉತ್ತಮ ವೇದಿಕೆ ಅಗತ್ಯ. ಅವರಲ್ಲಿ ನಾನು ಕಂಡುಕೊಂಡ ಒಂದು ಸತ್ಯ ಏನೇಂದರೆ ರಾನು ಹುಟ್ಟು ಗಾಯಕಿ ಎಂದು ಹೇಳಿದ್ದಾರೆ.