ಲುಂಗಿ ಟ್ರೈಲರ್ ಗೆ ಭರ್ಜರಿ ರೆಸ್ಪಾನ್ಸ್

•   Sat, Aug 31 2019 05:25:37 PM



• ಬೆಂಗಳೂರು,ಆ 31 (Daijiworld News/RD): ಟೈಟಲ್ ನಲ್ಲಿ ಕಿಕ್ ಕೊಡುವ ಚಿತ್ರ ಲುಂಗಿಯಾಗಿದ್ದು, ಈ ಮೂಲಕ ಸ್ಯಾಂಡವುಡ್ ನಲ್ಲಿ ಪಕ್ಕ ಕಮರ್ಶಿಯಲ್ ಸಿನಿಮಾ ತೆರೆ ಕಾಣಲು ಸಜ್ಜಾಗಿದೆ. ತನ್ನ ಪೋಸ್ಟರ್ ಹಾಗೂ ಟೀಸರ್‌ನಲ್ಲಿ ಸಂಚಲನ ಮೂಡಿಸಿದ್ದ ಲುಂಗಿ. ಶೂಟಿಂಗ್ ಮುಗಿಸಿ ಇದೀಗ ಸಿಂಪಲ್ ಸ್ಟಾರ್ ರಕ್ಷಿತ್ ಶೆಟ್ಟಿ ಟ್ರೈಲರನ್ನ ಬಿಡುಗಡೆಗೊಳಿಸಿದ್ದಾರೆ, ಇದೀಗ ಯೂಟ್ಯೂಬ್ ಈ ಟ್ರೈಲರ್ ಗೆ ಭರ್ಜರಿ ರೆಸ್ಪಾನ್ಸ್ ಸಿಕ್ಕಿದೆ.

  

  ಚಿತ್ರದ ಟ್ರೈಲರ್​ ಇದೀಗ ಬಿಡುಗಡೆಗೊಂಡಿದ್ದು, ಟ್ರೈಲರ್ ನ ಮೊದಲ ನೋಟದಲ್ಲಿ ಸಿನಿಮಾದ ಬಗ್ಗೆ ಇಂಪ್ರೆಸ್​ ಮಾಡಿಸಿದೆ. ಇನ್ನು ಸಿನಿಮಾದ ಟ್ಯಾಗ್​ಲೈನ್​ಗೆ ತಕ್ಕಂತೆ ಕರಾವಳಿಯ ಸಂಸ್ಕೃತಿ, ಸೊಬಗನ್ನ ಕಟ್ಟಿಕೊಡೋ ಪ್ರಯತ್ನ ಮಾಡಲಾಗಿದೆ. ಸಿನಿಮಾ ಕನ್ನಡವಾದರೂ ಮಂಗಳೂರು ಭಾಷೆಗೆ ಬಲುಹತ್ತಿರವಾದ ಸಂಭಾಷಣೆ ಹೊಂದಿದ್ದು, ಸಿಂಪಲ್​ ಸ್ಟಾರ್ ರಕ್ಷಿತ್ ಶೆಟ್ಟಿ ಟ್ರೈಲರ್ ಲಾಂಚ್​ ಮಾಡಿ ಶುಭ ಹಾರೈಸಿದ್ದಾರೆ.

  ಓದಿ ಡಿಗ್ರಿ ತಗೊಂಡ ಯುವಕ, ಕೆಲ್ಸ ಇಲ್ದೆ, ಊರು ಬಿಟ್ಟು, ಕೊನೆಗೆ ಲುಂಗಿ ವ್ಯಾಪಾರ ಮಾಡಿ ಸಕ್ಸಸ್ ಕಾಣೋ ಕಥೆಯನ್ನು ಚಿತ್ರ ಒಳಗೊಂಡಿದ್ದು, ರೊಮ್ಯಾಂಟಿಕ್ ಕಾಮಿಡಿ ಕನ್ನಡ ಸಿನೆಮಾ ಆಗಿದ್ದು, ಪ್ರಣವ್ ಹೆಗ್ಡೆ ಮೊದಲ ಬಾರಿಗೆ ಹೀರೋ ಆಗಿ ಬಣ್ಣ ಹಚ್ಚಿದ್ದು, ರಾಧಿಕಾ ರಾವ್, ಅಹಲ್ಯ ಸುರೇಶ್ ನಾಯಕಿಯರಾಗಿ ಅಭಿನಯಿಸಿದ್ದಾರೆ.

  ಮಂಗಳೂರು ಸೊಗಡಿನ ಲುಂಗಿ ಖಾರ ಎಂಟಟೈನ್ಮೆಂಟ್ ಬ್ಯಾನರ್ ಅಡಿಯಲ್ಲಿ, ಮುಖೇಶ್ ಹೆಗ್ಡೆ ನಿರ್ಮಾಣದಲ್ಲಿ ಮೂಡಿ ಬಂದಿದ್ದು. ಚಿತ್ರಕ್ಕೆ ಅರ್ಜುನ್ ಲೂವಿಸ್ ಮತ್ತು ಅಕ್ಷಿತ್ ಶೆಟ್ಟಿ ಅನ್ನೋ ಇಬ್ಬರು ನಿರ್ದೇಶಕರು ಆ್ಯಕ್ಷನ್​ ಕಟ್ ಹೇಳಿದ್ದಾರೆ. ಪ್ರಸಾದ್ ಕೆ ಶೆಟ್ಟಿ ಸಂಗೀತ ನೀಡಿದ್ದಾರೆ. ಸದ್ಯ ಸೋಶಿಯಲ್ ಮೀಡಿಯಾದಲ್ಲಿ ಲುಂಗಿ ಜೋರಾಗಿ ಸುದ್ದಿ ಮಾಡುತ್ತಿದ್ದು, ಸಖತ್ ವೈರಲ್ ಆಗ್ತಿದೆ. ಪೋಸ್ಟ್ ಪ್ರೊಡಕ್ಷನ್​ನಲ್ಲಿ ಬ್ಯುಸಿಯಾಗಿರೋ ಚಿತ್ರತಂಡ, ಸೆಪ್ಟೆಂಬರ್ ತಿಂಗಳಲ್ಲಿ ಲುಂಗಿ ಎತ್ತಿಕಟ್ಟಲು ರೆಡಿಯಾಗಿದೆ.
  ಇನ್ನು ಈ ಚಿತ್ರದಲ್ಲಿ ಸರಕಾರಿ ಹಿರಿಯ ಪ್ರಾಥಮಿಕ ಶಾಲೆ ಕಾಸರಗೋಡು ಚಿತ್ರದ ಹಾಸ್ಯ ಕಲಾವಿದ ಪ್ರಕಾಶ್.ಕೆ.ತೂಮಿನಾಡು ದೀಪಕ್ ರೈ ಪಾಣಾಜೆ, ವಿಜೆ ವಿನೀತ್, ರೂಪ ವರ್ಕಾಡಿ, ರಂಗಿತರಂಗ ರಫೀಕ್ ಖ್ಯಾತಿಯ ಕಾರ್ತಿಕ್ ವರದರಾಜು ಚಿತ್ರದಲ್ಲಿ ಅಭಿನಯಿಸಿದ್ದಾರೆ.