2 ಎಕ್ರೆ ತುಳು ಸಿನಿಮಾದ ಆಡಿಯೇೂ ಬಿಡುಗಡೆ

•   Tue, Aug 27 2019 04:06:44 PM



• ಮಂಗಳೂರು,ಆ 27 (Daijiworld News/RD):ಕೋಸ್ಟಲ್ ವುಡ್ ನ ಬಹುನಿರೀಕ್ಷಿತ ಚಿತ್ರ 2 ಎಕ್ರೆ ಚಿತ್ರದ ಆಡಿಯೋ ಬಿಡುಗಡೆ ಮಂಗಳೂರಿನ ಟೌನ್ ಹಾಲ್ ನಲ್ಲಿ ನಡೆಯಿತು. ಶಾಸಕ ವೇದವ್ಯಾಸ ಕಾಮತ್ ಚಿತ್ರದ ಧ್ವನಿಸುರುಳಿಯನ್ನು ಬಿಡುಗಡೆಗೊಳಿಸಿದರು. ಚಿತ್ರವನ್ನು ನಟನೆ ಮತ್ತು ನಿರ್ದೇಶನದಲ್ಲಿ ಸೈ ಎನಿಸಿಕೊಂಡಿರುವ ವಿಸ್ಮಯ ವಿನಾಯಕ ನಿರ್ದೇಶನ ಮಾಡಿದ್ದಾರೆ.

  

  ನಟ, ನಿರ್ದೇಶಕ ವಿಸ್ಮಯ ವಿನಾಯಕ ಚಿತ್ರವನ್ನು ನಿರ್ದೇಶಿಸಿದ್ದು, ಸಂದೇಶ್ ರಾಜ್ ಮತ್ತು ರೋಶನ್ ಕೊಡಿಕಲ್ ಚಿತ್ರದ ನಿರ್ಮಾಪಕರಾಗಿದ್ದಾರೆ. ಇನ್ನು ಚಿತ್ರಕ್ಕೆ ಕಿಶೋರ್ ಶೆಟ್ಟಿ ಸಂಗೀತ ನಿರ್ದೇಶಿಸಿದ್ದು, ಇವರು ಈ ಮೊದಲು ಪಿಲಿಬೈಲ್ ಯಮುನಕ್ಕ ಹಾಗೂ ಮೈ ನೇಮ್ ಈಸ್ ಅಣ್ಣಪ್ಪ ಚಿತ್ರದಲ್ಲೂ ಸಂಗೀತ ನಿರ್ದೇಶನ ಮಾಡಿದ್ದಾರೆ. ಮಂಜುಶ್ರೀ ಕಾರ್ತಿಕೇಯ ಸಂಗೀತ ನೀಡಿದರೆ. ನಿರ್ದೇಶಕ ವಿಸ್ಮಯ ವಿನಾಯಕ ಮತ್ತು ಶಶಿರಾಜ್ ಕಾವೂರು ಸಾಹಿತ್ಯ ಬರೆದಿದ್ದಾರೆ.

  ಈಗಾಗಲೇ ಚಿತ್ರವು ಶೂಟಿಂಗ್ ಹಾಗೂ ಎಡಿಟಿಂಗ್ ಪೂರ್ಣಗೊಳಿಸಿದೆ. ಚಿತ್ರದಲ್ಲಿ ಪೃಥ್ವಿ ಅಂಬರ್ ನಾಯಕನಾಗಿ ನಟಿಸಿದರೆ ಇನ್ನು ಅವರಿಗೆ ಜೋಡಿಯಾಗಿ ನಿರೀಕ್ಷಾ ಶೆಟ್ಟಿ ಮಿಂಚಿದ್ದಾರೆ. ಜೊತೆಗೆ ನವೀನ್ ಡಿ ಪಡೀಲ್, ಉಮೇಶ್ ಮಿಜಾರ್, ಮಂಜು ರೈ, ದೀಪಕ್ ರೈ, ಪ್ರಕಾಶ ತುಮಿನಾಡು, ರೂಪ ವರ್ಕಾಡಿ ಸೇರಿದಂತೆ ತಾರಾ ಬಳಗವನ್ನು ಈ ಚಿತ್ರತಂಡ ಒಳಗೊಂಡಿದೆ. ಕಾರ್ಯಕ್ರಮದಲ್ಲಿ ಪ್ರಕಾಶ ಪಾಂಡೇಶ್ವರ, ಭೋಜರಾಜ ವಾಮಂಜೂರ್, ಮಂಜು ರೈ, ಮತ್ತಿತ್ತರರು ಉಪಸ್ಥಿರಿದ್ಧರು.