ಸ್ವರ್ಣದ ಹುಡುಗಿ ಪಿ.ವಿ.ಸಿಂಧು ಜತೆಗಿನ ಪೋಟೋ ಶೇರ್ ಮಾಡಿ ಅಭಿನಂದಿಸಿದ ಐಶ್ವರ್ಯಾ ರೈ

•   Mon, Aug 26 2019 05:36:36 PM



• ಮುಂಬೈ,ಆ 26 (Daijiworld News/RD): ಬಿ.ಡಬ್ಲು.ಎಫ್.ವರ್ಲ್ಡ್. ಚಾಂಪಿಯನ್‌ಶಿಪ್‌ನಲ್ಲಿ ಚಿನ್ನದ ಬೇಟೆಯನ್ನಾಡುವ ಮೂಲಕ  ದೇಶವೇ ಹೆಮ್ಮೆ ಪಡುವಂತಹ ಸಾಧನೆ ಮಾಡಿದ ಪಿ.ವಿ. ಸಿಂಧುಗೆ, ದೇಶದೆಲ್ಲೆಡೆ ಅಭಿನಂದನೆಯ ಮಹಾಪೂರ ಹರಿದುಬರುತ್ತಿದೆ. ಇದೀಗ ಬಾಲಿವುಡ್ ನಟಿ ಐಶ್ವರ್ಯಾ ರೈ ಬಚ್ಚನ್ ಹಾಗೂ ಮಗಳು ಆರಾಧ್ಯ ಬಚ್ಚನ್,  ಪಿ.ವಿ ಸಿಂದು ಜೊತೆಗಿನ  ಪೋಟೋ ತಮ್ಮ ಇನ್ ಸ್ಟಾಗ್ರಾಂ ಪೇಜ್ ಅಲ್ಲಿ ಶೇರ್‍ ಮಾಡುವ ಮೂಲಕ ಶುಭಾಶಯ ತಿಳಿಸಿದ್ದಾರೆ.

  

  "ವರ್ಲ್ಡ್ ಚಾಂಪಿಯನ್ ಪಿ ವಿ ಸಿಂಧುಗೆ ಅಭಿನಂದನೆಗಳು, ನಿಮ್ಮ ಬಗ್ಗೆ ತುಂಬಾ ಹೆಮ್ಮೆ ಅನ್ನಿಸುತ್ತದೆ, ದೇವರು ಒಳ್ಳೆಯದು ಮಾಡಲಿ, ಜೈ ಹಿಂದ್" ಎಂದು ಐಶ್ವರ್ಯಾ ರೈ ಬರೆದುಕೊಂಡಿದ್ದಾರೆ. ಬಾಲಿವುಡ್ ನಲ್ಲಿ ಐಶ್ವರ್ಯಾ ರೈ ಸೇರಿದಂತೆ ಶಾರುಖ್ ಖಾನ್, ಅಮಿತಾಭ್ ಬಚ್ಚನ್, ಕರಣ್ ಜೋಹರ್ ಇನ್ನೂ ಮುಂತಾದವರು ಸಿಂಧುಗೆ ಅಭಿನಂದನೆ ತಿಳಿಸಿದ್ದಾರೆ.

  42 ವರ್ಷಗಳ ಬಿಡಬ್ಲ್ಯುಎಫ್ ವಿಶ್ವ ಚಾಂಪಿಯನ್‌ಶಿಪ್‌ನಲ್ಲಿ ಚಿನ್ನ ಗೆದ್ದ ಭಾರತದ ಮೊತ್ತ ಮೊದಲ ಆಟಗಾರ್ತಿ ಎಂಬ ಹೆಗ್ಗಳಿಕೆ ಪಾತ್ರರಾದ ಪಿ.ವಿ ಸಿಂಧು. ಮಹಿಳಾ ಸಿಂಗಲ್ಸ್ ವಿಭಾಗದಲ್ಲಿ ನಡೆದ ಫೈನಲ್ ಮುಖಾಮುಖಿಯಲ್ಲಿ ತಮ್ಮ ಬದ್ದ ವೈರಿ ಜಪಾನ್‌ನ ನಜೊಮಿ ಒಕುಹರಾ ವಿರುದ್ಧ 21-7, 21-7ರ ಅಂತರದ ಗೆಲುವು ದಾಖಲಿಸಿ ಇತಿಹಾಸ ನಿರ್ಮಿಸಿದ್ದಾರೆ.