ಉತ್ತಮ ಹಾಸ್ಯಕಲಾವಿದ ಪ್ರಶಸ್ತಿಯನ್ನು ಮುಡಿಗೇರಿಸಿಕೊಂಡ ಪ್ರಕಾಶ್ ಕೆ ತೂಮಿನಾಡ್

•   Fri, Aug 16 2019 09:18:02 AM



• ಮಂಗಳೂರು, ಆ.16(Daijiworld News/SS): ಸೌತ್ ಇಂಡಿಯನ್ ಇಂಟರ್'ನ್ಯಾಷನಲ್ ಮೂವೀ ಅವಾರ್ಡ್ -2019ರಲ್ಲಿ ತುಳುವ ಸೌರಭ ಪ್ರಕಾಶ್ ಕೆ ತೂಮಿನಾಡ್ ಉತ್ತಮ ಹಾಸ್ಯಕಲಾವಿದನೆಂಬ ಪ್ರಶಸ್ತಿಯನ್ನು ಮುಡಿಗೇರಿಸಿಕೊಂಡಿದ್ದು ಎಲ್ಲರ ಮೆಚ್ಚುಗೆಗೆ ಪಾತ್ರವಾಗಿದ್ದಾರೆ.

  

  ದಕ್ಷಿಣ ಭಾರತದ ಸಿನಿಮಾ ರಂಗ, ಕನ್ನಡ, ತಮಿಳ್, ತೆಲುಗು, ಮಲಯಾಳಂ ಭಾಷೆಗಳ ಚಲನಚಿತ್ರ ಪ್ರಶಸ್ತಿ ಪ್ರದಾನ ಸಮಾರಂಭದಲ್ಲಿ, ತುಳುವ ಸೌರಭ ಪ್ರಕಾಶ್ ಕೆ ತೂಮಿನಾಡ್ ಇಡೀ ಕನ್ನಡ ಚಿತ್ರರಂಗದಲ್ಲೇ ಉತ್ತಮ ಹಾಸ್ಯಕಲಾವಿದನೆಂಬ ಪ್ರಶಸ್ತಿಯನ್ನ ಮುಡಿಗೇರಿಸುವುದರ ಜೊತೆಗೆ ತುಳುನಾಡಿನ ಕೀರ್ತಿ ಶಿಖರವನ್ನು ಏರಿ ಗಡಿನಾಡಿಗೆ ಹೆಮ್ಮೆಯನ್ನ ತಂದು ಕೊಟ್ಟಿದ್ದಾರೆ.

  ಕಾಸರಗೋಡು ಸರಕಾರಿ ಹಿರಿಯ ಪ್ರಾಥಮಿಕ ಶಾಲೆ ಕನ್ನಡ ಚಲನ ಚಿತ್ರದಲ್ಲಿ ಭುಜಂಗ ಪಾತ್ರದಲ್ಲಿ ಮಿಂಚಿದ್ದ ಪ್ರಕಾಶ್ ಕೆ ತೂಮಿನಾಡ್ ಅವರು ಕನ್ನಡ ಚಿತ್ರರಂಗ ಸೇರಿದಂತೆ ಕರ್ನಾಟಕದಲ್ಲಿಯೇ ಚಿರಪರಿಚಿತರಾಗಿಬಿಟ್ಟಿದ್ದರು.