ಮಿಸೆಸ್ ಇಂಡಿಯಾ ಟಾಪ್ ಮಾಡೆಲ್ – 2019ರ ಕಿರೀಟವನ್ನು ಮುಡಿಗೇರಿಸಿಕೊಂಡ ಸುಧೀಕ್ಷಾ ಕಿರಣ್

•   Thu, Aug 15 2019 09:51:35 PM



• ಮಂಗಳೂರು, ಆ.15(Daijiworld News/SS): ಮಿಸೆಸ್ ಇಂಡಿಯಾ ಟಾಪ್ ಮಾಡೆಲ್ ಸೌಂದರ್ಯ ಸ್ಪರ್ಧೆಯಲ್ಲಿ ಮಂಗಳೂರಿನ ಸುಧೀಕ್ಷಾ ಕಿರಣ್ ಅವರು "ಮಿಸೆಸ್ ಇಂಡಿಯಾ ಟಾಪ್ ಮಾಡೆಲ್ - 2019" ಪ್ರಶಸ್ತಿಯನ್ನು ಮುಡಿಗೇರಿಸಿಕೊಂಡಿದ್ದಾರೆ.

  

  

  ಹೈದರಾಬಾದ್‌‌ನಲ್ಲಿ ಜರಗಿದ ಮಿಸೆಸ್ ಇಂಡಿಯಾ ಟಾಪ್ ಮಾಡೆಲ್ - 2019  (ವಿವಾಹಿತ ಮಹಿಳೆಯರಿಗಾಗಿ) ಸೌಂದರ್ಯ ಸ್ಪರ್ಧೆಯಲ್ಲಿ ಸುಧೀಕ್ಷಾ ಕಿರಣ್ ವಿಜೇತರಾಗಿದ್ದಾರೆ. ವೃತ್ತಿಯಲ್ಲಿ ಉಪನ್ಯಾಸಕಿಯಾಗಿರುವ ಸುಧೀಕ್ಷಾ ಕಿರಣ್ ಮಂಗಳೂರಿನ ಉದ್ಯಮಿ ಕಿರಣ್ ಕುಮಾರ್ ಅವರನ್ನು ಕಳೆದ 5 ವರುಷಗಳ ಹಿಂದೆ ವಿವಾಹವಾಗಿದ್ದರು.

  ಈ ಕುರಿತು ಮಾತನಾಡಿರುವ ಸುಧೀಕ್ಷಾ ಕಿರಣ್, ರಾಷ್ಟ್ರಮಟ್ಟದ ಸ್ಪರ್ಧೆಯಲ್ಲಿ ಮಂಗಳೂರನ್ನು ಪ್ರತಿನಿಧಿಸುವುದು ನನ್ನ ಕನಸಾಗಿತ್ತು. ಮಂಗಳೂರು ಯಾವಾಗಲೂ ನನ್ನನ್ನು ಅಪಾರವಾಗಿ ಬೆಂಬಲಿಸಿದೆ. ನಮ್ಮ ನಗರಕ್ಕೆ ಕಿರೀಟವನ್ನು ಗೆದ್ದ ಹೆಮ್ಮೆಯ ಕ್ಷಣವಾಗಿದೆ. ಕುಟುಂಬ ಮತ್ತು ಸ್ನೇಹಿತರ ನಿರಂತರ ಬೆಂಬಲ ಮತ್ತು ಪ್ರೇರಣೆ ಇದಕ್ಕೆ ಕಾರಣ ಎಂದು ಹೇಳಿದ್ದಾರೆ.