ಕೆಜಿಎಫ್-2ನ ಯುವ 'ರಾಕಿ ಬಾಯ್' ಆಗಿ ತಮಿಳು ನಟ ಸರಣ್‌ ಶಕ್ತಿ

•   Mon, Aug 12 2019 05:28:54 PM



• ಬೆಂಗಳೂರು, ಆ.12(Daijiworld News/RD):  ಸ್ಯಾಂಡಲ್ ವುಡ್ ಮಾತ್ರವಲ್ಲದೆ ಇಡೀ ರಾಷ್ಟ್ರದಲ್ಲಿ ಭರ್ಜರಿ ಸೌಂಡ್ ಮಾಡಿ, ರಾಷ್ಟ್ರೀಯ ಚಲನಚಿತ್ರ ಪ್ರಶಸ್ತಿ ಪಡೆದುಕೊಂಡ ರಾಕಿಂಗ್ ಸ್ಟಾರ್‍ ಯಶ್ ಅಭಿನಯದ ಕೆಜಿಎಫ್‌, ಇದೀಗ ಮುಂದುವರಿದ ಭಾಗ ಕೆಜಿಎಫ್‌-2 ಚಿತ್ರೀಕರಣದಲ್ಲಿದೆ. ಇದೀಗ ಪ್ರಶಾಂತ್ ನೀಲ್ ನಿರ್ದೇಶನದ ಈ ಚಿತ್ರ ಒಂದೊಂದೇ ಪಾತ್ರ ರಿವೀಲ್ ಮಾಡುವ ಮೂಲಕ ಚಿತ್ರದ ಬಗ್ಗೆ ಇನ್ನಷ್ಟು ಕುತೂಹಲ ಮೂಡಿಸಿದ್ದಾರೆ. ಇದೀಗ ಕೆಜಿಎಫ್‌-2 ಚಿತ್ರದಲ್ಲಿ ಖ್ಯಾತ ತಮಿಳು ನಟ ಸರಣ್‌ ಶಕ್ತಿ ಯುವ ರಾಕಿ ಬಾಯ್ ಆಗಿ ಅಭಿನಯಿಸಲಿದ್ದಾರೆ.

  

  ಯುವ ರಾಕಿ ಬಾಯ್ ಆಗಿ ಎಂಟ್ರಿಯಾಗಲಿರುವ ತಮಿಳು ನಟ ಸರಣ್‌ ಶಕ್ತಿ ಈ ಬಗ್ಗೆ ತನ್ನ ಟ್ವೀಟ್ ಮಾಡಿದ್ದು, "ಎಲ್ಲಾ ರಾಕಿ ಬಾಯ್‌ ಅಭಿಮಾನಿಗಳಿಗೆ ಸಲಾಂ. ಕೆಜಿಎಫ್ ಸೂಪರ್‌ ಅಮೇಜಿಂಗ್‌ ಟೀಮ್‌. ಡೈರೆಕ್ಟರ್‌ ಪ್ರಶಾಂತ್‌ ನೀಲ್‌ ಕೂಡ ಸೂಪರ್‌ ಕೂಲ್‌ ಫ್ರೆಂಡ್ಲಿ ಡೈರೆಕ್ಟರ್‌ ಸರ್‍. ಕೆಜಿಎಫ್‌ 2 ಚಿತ್ರದಲ್ಲಿನಟಿಸುತ್ತಿರುವುದಕ್ಕೆ ತುಂಬಾ ಖುಷಿಯಾಗುತ್ತಿದೆ. ನನ್ನನ್ನು ಸೆಲೆಕ್ಟ್ ಮಾಡಿದಕ್ಕೆ ಚಿತ್ರ ತಂಡಕ್ಕೆ ತುಂಬಾ ತುಂಬಾ ಥ್ಯಾಂಕ್ಸ್‌ ಹೇಳಲು ಇಚ್ಛಿಸುತ್ತೇನೆ' ಎಂದು ಟ್ವೀಟ್‌ ಮಾಡಿದ್ದಾರೆ.

  ಪ್ರಶಾಂತ್‌ ನೀಲ್‌ ನಿರ್ದೇಶನದ ಕೆಜಿಎಫ್‌ 1 ಚಿತ್ರವೇ ಹಲವು ಕೂತೂಹಲ ಹಾಗೂ ನಿರೀಕ್ಷೆಗಳಿಂದ ಜನರ ಮೆಚ್ಚುಗೆಗೆ ಪಾತ್ರವಾಗಿದ್ದು, ಇದೀಗ ಕೆಜಿಎಫ್‌ 2 ಚಿತ್ರದ ಶೂಟಿಂಗ್‌ ಭರದಿಂದ ಸಾಗುತ್ತಿದ್ದು, ಸಿನಿಪ್ರಿಯರು ಬಹಳ ನಿರೀಕ್ಷೆಯನ್ನು ಇಟ್ಟಿದ್ದಾರೆ. ಈಗಾಗಲೇ ಬಾಲಿವುಡ್‌ ನಟ ಸಂಜಯ್‌ ದತ್‌ ಫಸ್ಟ್‌ ಲುಕ್‌ ರಿವೀಲ್‌ ಮೂಡುವ ಮೂಲಕ ಭರ್ಜರಿ ಲೈಕ್ಸ್, ಕಮೆಂಟ್ ಗಳ ಮೂಲಕ ಮೆಚ್ಚುಗೆ ವ್ಯಕ್ತಪಡಿಸಿದ್ದು, ಇದರ ಬೆನ್ನಲ್ಲೇ ತಮಿಳಿನ ಜನಪ್ರಿಯ ನಟ ಸರಣ್‌ ಕೆಜಿಎಫ್‌ 2 ಚಿತ್ರದಲ್ಲಿನಟಿಸಲಿರುವ ಸುದ್ದಿ ಬಂದಿದೆ. ರಾಕಿ ಬಾಯ್‌ ಹದಿಹರೆಯದ ಕತೆಯೂ ಚಿತ್ರದಲ್ಲಿಇರಲಿದ್ದು, ಈ ಪಾತ್ರದಲ್ಲಿ ವಡಾ ಚೆನ್ನೈ ಮತ್ತು ಸಗಾ ಚಿತ್ರಗಳಲ್ಲಿ ಅಭಿನಯಿಸಿದ ಸರಣ್‌  ಶಕ್ತಿ ನಟಿಸಲಿದ್ದಾರೆ.