ಹೆಣ್ಣು ಮಗುವಿಗೆ ಜನ್ಮ ನೀಡಿದ ಲೂಸಿಯಾ ಬೆಡಗಿ

•   Sun, Aug 11 2019 03:52:55 PM



• ಬೆಂಗಳೂರು,ಆ.11(Daijiworld News/RD): ಲೂಸಿಯಾ ಖ್ಯಾತಿಯ ಶ್ರುತಿ ಹರಿಹರನ್ ಕೇರಳದ ಖಾಸಗಿ ಆಸ್ಪತ್ರೆಯಲ್ಲಿ ಹೆಣ್ಣು ಮಗುವಿಗೆ ಜನ್ಮ ನೀಡಿದ್ದಾರೆ. ತಾಯಿ-ಮಗು ಇಬ್ಬರು ಆರೋಗ್ಯವಾಗಿದ್ದು, ಈ ಹಿಂದೆಯಷ್ಟೆ ಶ್ರುತಿ ಹರಿಹರನ್ ತಮ್ಮ ತಾಯ್ತಾನದ ಫೋಟೋವನ್ನು ಸಾಮಾಜಿಕ ಜಾಲಾತಾಣಗಳಲ್ಲಿ ಪೋಸ್ಟ್ ಮಾಡಿದ್ದರು.

  

  ಕೇರಳದ ಡ್ಯಾನ್ಸ್ ಮಾಸ್ಟರ್, ಕಲರಿ ಪಟ್ಟು ಕಲಾವಿದ ರಾಮ್ ಕುಮಾರ್ ಅವರನ್ನು ಮದುವೆಯಾಗಿರುವ ಶ್ರುತಿ ಹರಿಹರನ್, ಈಗಾಗಲೇ ಅವರು ಅಭಿನಯಿಸಿರುವ ನಾತಿಚರಾಮಿ ಚಿತ್ರವು ರಾಷ್ಟ್ರೀಯ ಚಲನ ಚಿತ್ರ ಪ್ರಶಸ್ತಿಗೆ ಪಾತ್ರವಾಗಿದೆ. ಹೀಗಾಗಿ ತಾನು ತಾಯಿಯಾದ ಖುಷಿ ಒಂದೆಡೆಯಾದರೆ, ತಾನು ಅಭಿನಯಿಸಿದ ಚಿತ್ರ ರಾಷ್ಟ್ರ ಪ್ರಶಸ್ತಿಗೆ ಪಾತ್ರವಾಗಿದೆ ಎಂದು ಹರ್ಷ ವ್ಯಕ್ತಪಡಿಸಿದರು.

  ಶ್ರುತಿ ಹರಿಹರನ್ ಅಭಿನಯದ ‘ನಾತಿಚರಾಮಿ’ ಸಿನಿಮಾಗವು 5 ವಿಭಾಗದಲ್ಲಿ ರಾಷ್ಟ್ರಪ್ರಶಸ್ತಿ ಲಭಿಸಿದ್ದು. ಅತ್ಯುತ್ತಮ ಪ್ರಾದೇಶಿಕ ಚಲನಚಿತ್ರವಾಗಿ ಹೊರಹೊಮ್ಮಿದೆ, ಜೊತೆಗೆ ಅತ್ಯುತ್ತಮ ಹಿನ್ನೆಲೆ ಗಾಯಕಿ, ಅತ್ಯುತ್ತಮ ಸಾಹಿತ್ಯ, ಅತ್ಯುತ್ತಮ ಎಡಿಟಿಂಗ್ ಹಾಗೂ ಚಿತ್ರದಲ್ಲಿ ನಟಿ ಶೃತಿ ಹರಿಹರನ್ ಅವರ ಅಭಿನಯಕ್ಕೆ ವಿಶೇಷ ಅಭಿನಯದ ವಿಭಾಗದಲ್ಲಿ ಪ್ರಶಸ್ತಿ ದೊರಕಿದೆ.

  2017ರಲ್ಲಿ ಕೇರಳದ ಖ್ಯಾತ ಡ್ಯಾನ್ಸ್ ಮಾಸ್ಟರ್ ರಾಮ್ ಅವರನ್ನು ವರಿಸಿಕೊಂಡ ಶ್ರುತಿಹರಿಹರನ್. ಕೇರಳದ ಹೆಸರಾಂತ ಕಲೆ ಕಲರಿ ಪಟ್ಟನ್ನು ಕರಗತ ಮಾಡಿಕೊಂಡಿದ್ದು ರಾಮ್, ಅಂತರಾಷ್ಟ್ರೀಯ ಮಟ್ಟದಲ್ಲಿ ನೃತ್ಯ ನಿರ್ದೇಶಕರಾಗಿ ಮಿಂಚಿದ ಕಲಾವಿದ. ಶ್ರುತಿ ಹರಿಹರನ್ ಹಾಗೂ ರಾಮ್ ಕುಮಾರ್ ಮೊದಲಬಾರಿಗೆ ಪ್ರೇಮ ಎಂಬ ವಿಡಿಯೋ ಹಾಡಿನಲ್ಲಿ ಒಟ್ಟಾಗಿ ಅಭಿನಯಿಸಿದ್ದಾರೆ. ಈ ಮೊದಲು ತನ್ನ ಮದುವೆಯ ವಿಚಾರವನ್ನು ಎಲ್ಲೂ ಪ್ರಸ್ತಾಪ ಮಾಡದ ನಟಿ ಶ್ರುತಿಹರಿಹರನ್ ಮೀಟೂ ಅಭಿಯಾನದ ಮೂಲಕ ನಟ ಅರ್ಜುನ್ ಸರ್ಜಾ ವಿರುದ್ದ ಆರೋಪ ಕೇಳಿ ಬಂದ ಸಂದರ್ಭದಲ್ಲಿ ಪೊಲೀಸ್ ಠಾಣೆಯಲ್ಲಿ ದೂರು ನೀಡುವಾಗ ತನ್ನ ಮದುವೆಯಾದ ವಿಚಾರವನ್ನು ಬಹಿರಂಗ ಪಡಿಸಿದ್ದರು.