ಹಾಡಿನ ಮೂಲಕ ಮೋಡಿ ಮಾಡಲು ಬರುತ್ತಿದೆ ರಡ್ಡು ಎಕ್ರೆ

•   Thu, Aug 08 2019 05:28:27 PM



• ಮಂಗಳೂರು,ಆ. 08 (Daijiworld News/RD): ತನ್ನ ನಟನ ಶೈಲಿ ಹಾಗೂ ಹಾಸ್ಯದ ಕರಾವಳಿಯ ಎಲ್ಲೆಡೆ ಮೋಡಿ ಮಾಡಿದ್ದ ವಿಸ್ಮಯ ವಿನಾಯಕ್, ಇದೀಗ ಅವರ ನಿರ್ದೇಶನದಲ್ಲಿ ’ರಡ್ಡು ಎಕ್ರೆ’ ಎಂಬ ಚಿತ್ರ ಮೂಡಿ ಬರುತ್ತಿದೆ. ಕೋಸ್ಟಲ್‌ವುಡ್‌ನ ಕುಸಲ್ದ ರಸೆ ನವೀನ್ ಡಿ ಪಡೀಲ್ ಮತ್ತು ವಿಸ್ಮಯ ವಿನಯಕ್ ಅಣ್ಣ ತಮ್ಮಂದಿರಾಗಿ ನಟಿಸಿರುವ ಈ ಚಿತ್ರ ಮನೋರಂಜನೆ ನೀಡಲು ತಯಾರಾಗಿದೆ. ಚಿತ್ರವು ಬಿಡುಗಡೆಗೆ ಸಜ್ಜಾಗಿದ್ದು ಟೈಟಲ್‌ನಲ್ಲಿ ಸದ್ದು ಮಾಡುತ್ತಿದೆ.

  

  ಸಿನಿಮಾದ ಶೂಟಿಂಗ್ ಮುಗಿದಿದ್ದು, ಚಿತ್ರ ತಂಡ ಇದೀಗ ಚಿತ್ರದ ಪ್ರಚಾರದಲ್ಲಿ ತೊಡಗಿದೆ. ಚಿತ್ರದ ಆಡಿಯೋ ಆ. 12 ಕ್ಕೆ ಮಂಗಳೂರು ಪುರಭವನದಲ್ಲಿ ಸಂಜೆ 6.30ಕ್ಕೆ ನಡೆಯಲಿದೆ.
  ಚಿತ್ರಕ್ಕೆ ವಿಸ್ಮಯ ವಿನಾಯಕ್ ರಡ್ಡ್ ಎಕ್ರೆ ಟೈಟಲ್ ಸಾಂಗ್ ಬರೆದಿದ್ದು, ಶಶಿರಾಜ್ ರಾವ್ ಕಾವೂರು ಬರೆದಿರುವ ’ಪಗೆಲ್ ಕರೀಂಡ್ ಮುಗಲ್ ಕಬೀಂಡ್..’ ಹಾಗೂ ’ಇನಿ ದಾನೆ ಕುಸ್ಕೊಂದುಂಡು’ ಹಾಡುಗಳ ರಿಲೀಸ್ ಕೂಡ ಇದೇ ವೇಳೆ ನಡೆಯಲಿದೆ.

  ಜೊತೆಗೆ ಚಿತ್ರದಲ್ಲಿ ಇದೇ ಮೊದಲ ಬಾರಿಗೆ ಪೃಥ್ವಿ ಅಂಬರ್  ಹಾಡಿದ್ದಾರೆ. ದೀಪಕ್ ಕೋಡಿಕಲ್ ಕೂಡ ಸ್ವರ ನೀಡಿದ್ದಾರೆ. ಕಿಶೋರ್ ಕುಮರ್ ಶೆಟ್ಟಿ ಸಂಗೀತ ಒದಗಿಸಿದ್ದಾರೆ. ಅರವಿಂದ್ ಬೋಳಾರ್, ಉಮೇಶ್ ಮಿಜಾರ್, ದೀಪಕ್ ರೈ ಪಾಣಾಜೆ, ಮಂಜು ರೈ ಮೂಳೂರು, ಸೇರಿದಂತೆ ಹಲವು ಖ್ಯಾತರು ಸಿನಿಮಾದಲ್ಲಿ ನಟಿಸಿದ್ದಾರೆ. ತುಳುನಾಡಿನ ಕಲಾವಿದರನ್ನು ಇಟ್ಟುಕೊಂಡು ಮಾಡಿರುವ ಈ ಸಿನಿಮಾ ಕೆಲವೇ ದಿನಗಳಲ್ಲಿ ರಿಲೀಸ್ ಆಗಲಿದೆ.