ಡಾರ್ಲಿಂಗ್ ಪ್ರಭಾಸ್ ನ ಸಂಭಾವನೆ ಎಷ್ಟು ಗೊತ್ತಾ!

•   Tue, Aug 06 2019 05:29:20 PM



• ಹೈದರಾಬಾದ್,ಆ.06 (Daijiworld News/RD): ಡಾರ್ಲಿಂಗ್ ಪ್ರಭಾಸ್ ನಟಿಸಿರುವ ಸಾಹೋ ಇದೀಗ ಬಿಡುಗಡೆ ಸಜ್ಜಾಗಿದ್ದು, ಈ ಚಿತ್ರವು ಟ್ರೇಲರ್ ಜೊತೆಗೆ ಹಾಡುಗಳ ಮೂಲಕ ಎಲ್ಲೆಡೆ ಸದ್ದು ಮಾಡುತ್ತಿದೆ. ಇದೀಗ ಪ್ರಭಾಸ್ 60 ಕೋಟಿ ಸಂಭಾವನೆ ಪಡೆಯುವ ಮೂಲಕ ಬಹು ಬೇಡಿಕೆಯ ನಟನಾಗಿದ್ದಾರೆ.

  

  ಇಂಡಿಯನ್ ಫಿಲ್ಮ ಇಂಡಸ್ಟ್ರಿಯಲ್ಲಿ ಬಲು ಬೇಡಿಕೆಯ ನಟನಾಗಿರುವ ಪ್ರಭಾಸ್, ರಾಜಮೌಳಿ ನಿರ್ದೇಶನದ ಬಾಹುಬಲಿ ಚಿತ್ರ ದೊಡ್ಡ ಮಟ್ಟದಲ್ಲಿ ಯಶಸ್ಸು ನೀಡಿತ್ತು.  ತನ್ನ ಆಕ್ಷನ್, ಸ್ಟೆಲ್, ಪಂಚಿಂಗ್ ಡೈಲಾಗ್ ಮೂಲಕ ಸಿನಿರಸಿಕರಿಗೆ ರಸದೌತಣ ನೀಡುವ ಪ್ರಭಾಸ್ ಇದೀಗ ಸಂಭಾವನೆಯಲ್ಲಿ ಸ್ಟಾರ್ ನಟರನ್ನು ಹಿಂದಿಕ್ಕಿದ್ದಾರೆ.

  ಸಾಹೋ ಚಿತ್ರಕ್ಕಾಗಿ ಶ್ರದ್ಧಾಗೆ 7 ಕೋಟಿ ಸಂಭಾವನೆ ನೀಡಲಾಗಿದೆ ಅನ್ನೋ ಸುದ್ದಿ ಹರಿದಾಡುತ್ತಿದ್ದು, ಇದೀಗ ಮತ್ತೊಂದು ಕಡೆ ಪ್ರಭಾಸ್ ಬಾಲಿವುಡ್ ಸ್ಟಾರ್ ನಟರಿಗಿಂತ ಹೆಚ್ಚು ಸಂಭಾವನೆ ಪಡೆದಿರೋ ಸುದ್ದಿಯಾಗಿದೆ. ಸುಜಿತ್ ನಿರ್ದೇಶನದ ಸಾಹೋ ಕೂಡ ಭರ್ಜರಿ ಎರಡು ವರ್ಷ ಬಾಹುಬಲಿಯಂತೇ ಮೇಕಿಂಗ್‌ ಆಗಿದ್ದು, ಆಗಸ್ಟ್ 30 ಕ್ಕೆ ಬಿಡುಗಡೆಯಾಗುತ್ತಿದೆ.

  300 ಕೋಟಿ ಬಜೆಟ್‌ನಲ್ಲಿ ಸಾಹೋ ಸಿತ್ರ ನಿರ್ಮಾಣವಾಗುತ್ತಿದ್ದು, ಬಾಹುಬಲಿ ಪ್ರಭಾಸ್ 60 ಕೋಟಿ ಸಂಭಾವನೆ ಪಡೆಯುವ ಮೂಲಕ ರಜಿನಿಕಾಂತ್, ಅಕ್ಷಯ್ ಕುಮಾರ್, ಸಲ್ಮಾನ್ ಖಾನ್‌ರನ್ನೂ  ಹಿಂದಿಕ್ಕಿದ್ದಾರೆ  ಅನ್ನೋ ಸುದ್ದಿ ಎಲ್ಲೆಡೆ ಕೇಳುಬರುತ್ತಿದೆ.