ಕೆಜಿಎಫ್ ಚಾಪ್ಟರ್ 2 ಅಧೀರ-ಬಾಲಿವುಡ್ ನಟ ಸಂಜಯ್ ದತ್

•   Mon, Jul 29 2019 12:00:53 PM



• ಬೆಂಗಳೂರು, ಜು 29 (Daijiworld News/RD): ಕಳೆದ ದಿನಗಳ ’ಕೆಜಿಎಫ್ ಚಾಪ್ಟರ್2 ’ ನ ಅಧೀರ ಪಾತ್ರದ ಪೋಸ್ಟರ್ ರಿಲೀಸ್ ಆಗಿದ್ದು, ಅಭಿಮಾನಿಗಳಲ್ಲಿ ಈ ಪಾತ್ರಧಾರಿ ಯಾರೆಂಬ ಕುತೂಹಲವನ್ನು ಮೂಡಿಸಿತ್ತು. ಆದರೆ ಇದೀಗ ಅಧೀರನ ಪಾತ್ರದಲ್ಲಿಖ್ಯಾತ ಬಾಲಿವುಡ್ ನಟ ಸಂಜಯ್ ದತ್ ಅವರು ನಟಿಸುತ್ತಿದ್ದು, ಈ ಮೂಲಕ ಸಿನಿರಸಿಕರಿಗೆ ಸಂತಸ ನೀಡಿದ್ದಾರೆ.

  

  ಕೆಜಿಎಫ್ 2 ಚಿತ್ರತಂಡವು ಈಗಾಗಲೇ ಕಳೆದ ಶುಕ್ರವಾರ ಅಧೀರನ ಪೋಸ್ಟರ್ ರಿಲೀಸ್ ಮಾಡಿದ್ದು, ಆ ಬಳಿಕ ಸೋಮವಾರ ಬೆಳಗ್ಗೆ 10 ಗಂಟೆಗೆ ಅಧೀರ ಪಾತ್ರಧಾರಿ ಯಾರೆಂಬುದು ತಿಳಿಸುವುದಾಗಿ ಟ್ವೀಟ್ ಮಾಡಿತ್ತು. ಪ್ರಶಾಂತ್ ನೀಲ್ ನಿರ್ದೇಶನದಲ್ಲಿ ಮೂಡಿ ಬಂದಿರುವ ಈ ಚಿತ್ರ, ಚಿತ್ರತಂಡದಿಂದ ಅಧೀರ ಪಾತ್ರದ ಫಸ್ಟ್ ಲುಕ್ ಬಿಡುಗಡೆ ಮಾಡಿದೆ. ವಿಶೇಷ ಎಂದರೆ ಅಧೀರ ಪಾತ್ರದಲ್ಲಿ ಬಾಲಿವುಡ್ ನಟ ಸಂಜಯ್ ದತ್ ನಟಿಸುತ್ತಿದ್ದಾರೆ.

  ಈಗಾಗಲೇ ಕೆಜಿಎಫ್ ಚಾಪ್ಟರ್ 1 ನಲ್ಲಿ ಅಸ್ಪಷ್ಟವಾಗಿ ’ಅಧೀರ’ನ ಪಾತ್ರವನ್ನು ಸೃಷ್ಟಿಸಲಾಗಿತ್ತು. ಹೆಸರನ್ನು ಬಿಟ್ಟರೇ ಅಧೀರನ ಗುರುತಿಸುವಿಕೆಗಾಗಿ ಬಲಗೈನ ಬೆರಳಿನಲ್ಲಿ ಸಿಂಹ ಮುಖದ ಉಂಗುರವನ್ನು ತೋರಿಸಲಾಗುತ್ತಿತ್ತು, ಇದರಿಂದಲೇ ಚಿತ್ರದ ನಿರೀಕ್ಷೆಯು ಜನರಲ್ಲಿ ದುಪ್ಪಟ್ಟಾಗಿದ್ದು, ಇದೀಗ ಅಧೀರನ ಫಸ್ಟ ಲುಕ್ ರಿವೀಲ್ ಮಾಡುವ ಮೂಲಕ ಚಿತ್ರವು ಇನ್ನಷ್ಟು ಕುತೂಹಲ ಕೆರಳಿಸಿದೆ.

  ನಟ ಸಂಜಯ್ ದತ್ ಅವರ ಇಂದು ಹುಟ್ಟುಹಬ್ಬವಿದ್ದು, ಈ ಹಿನ್ನೆಲೆಯಲ್ಲಿ ’ಕೆಜಿಎಫ್ ಚಾಪ್ಟರ್ 2’ ಚಿತ್ರತಂಡವು ಅವರ ಪೋಸ್ಟರ್ ಅನ್ನು ರಿಲೀಸ್ ಮಾಡುವ ಮೂಲಕ ವಿಶೇಷವಾಗಿ ಹುಟ್ಟು ಹಬ್ಬದ ಶುಭಾಷಯವನ್ನು ತಂಡ ನೀಡಿದೆ.

   

  Presenting #MotherOfAllCollisions @duttsanjay
  as #Adheera. Wishing you a very Happy Birthday Sir.#SanjayDuttAsAdheera in #KGFChapter2 pic.twitter.com/N9iCTF30zC

  — #KGF (@KGFTheFilm) July 29, 2019