ಡಿಫ್ರೆಂಟ್ ಪಾತ್ರದಲ್ಲಿ ಬಾಲಿವುಡ್ ಬಿಗ್ ಬಿ ಅಮಿತಾಬ್ ಬಚ್ಚನ್ - ಫೋಟೋ ವೈರಲ್

•   Sat, Jun 22 2019 11:23:57 AM



• ಮುಂಬೈ, ಜೂ22(Daijiworld News/SS): ಬಾಲಿವುಡ್ ಚಿತ್ರರಂಗದಲ್ಲಿ ಒಂದಲ್ಲ ಒಂದು ರೀತಿಯಲ್ಲಿ ಡಿಫ್ರೆಂಟ್ ಪಾತ್ರದಲ್ಲಿ ಕಾಣಿಸಿಕೊಳ್ಳುವ ಅಮಿತಾಬ್ 'ಗುಲಾಬೋ ಸಿತಾಬೋ' ಚಿತ್ರದಲ್ಲಿ ಮತ್ತೊಂದು ಅವತಾರದ ಮೂಲಕ ಅಭಿಮಾನಿಗಳ ಮುಂದೆ ಬಂದಿದ್ದಾರೆ.

  

  ಬಾಲಿವುಡ್ ಬಿಗ್ ಬಿ ಅಮಿತಾಭ್ ಬಚ್ಚನ್ ಈಗ ಮತ್ತೊಮ್ಮೆ ವಿಭಿನ್ನ ಗೆಟಪ್'ನಲ್ಲಿ ಕಾಣಿಸಿಕೊಳ್ಳುವ ಮೂಲಕ ಎಲ್ಲರ ಗಮನ ಸೆಳೆಯುತ್ತಿದ್ದಾರೆ. ಉದ್ದ ದಾಡಿ ಬಿಟ್ಟಿರುವ ಹಣ್ಣು ಹಣ್ಣು ಮುದುಕನಾಗಿ ಅಮಿತಾಬ್ ಮಿಂಚಿದ್ದಾರೆ.

  ಇಳಿವಯಸ್ಸಿನ ವ್ಯಕ್ತಿಯೊಬ್ಬ ಭವಿಷ್ಯದೆಡೆಗೆ ನಿರಾಸೆ ಹಾಗೂ ಬೇಸರದಿಂದ ನೋಡುವಂತಿರುವ ಅಮಿತಾಬ್ ಅವರ ಈ ಫೋಟೋ ಇದೀಗ ವೈರಲ್ ಆಗಿದೆ. ಫಸ್ಟ್ ಲುಕ್'ನಲ್ಲಿ ಕಣ್ಣಿಗೆ ಕನ್ನಡಕ, ತಲೆಗೆ ರುಮಾಲು, ಬಿಳಿಯಾದ ಗಡ್ಡ, ಲೂಸ್ ಲೂಸ್ ಆಗಿರುವ ಬಟ್ಟೆ ಧರಿಸಿರುವ ಅಮಿತಾಬ್ ಅವರದ್ದು ಗುರುತೇ ಸಿಗದಂತಾಗಿದೆ.

  ಪಿಕು, ಶಮಿತಾಭ್, ವಜೀರ್ ಮುಂತಾದ ಚಿತ್ರಗಳಲ್ಲಿ ವಿಭಿನ್ನವಾಗಿ ಕಾಣಿಸಿಕೊಳ್ಳುವ ಜೊತೆಗೆ ಭಾವತಾನ್ಮಕ ಪಾತ್ರಗಳ ಮೂಲಕ ಅಭಿಮಾನಿಗಳನ್ನು ರಂಜಿಸುತ್ತ ಬಂದಿರುವ ಬಿಗ್ ಬಿ ಈಗ ಮತ್ತೊಮ್ಮೆ ಹೊಸ ಅವತಾರದಲ್ಲಿ ದರ್ಶನ ನೀಡಿರುವುದರಿಂದ ಅಭಿಮಾನಿಗಳು ಸಖತ್ ಥ್ರಿಲ್ ಆಗಿದ್ದಾರೆ.

  ಈ ಚಿತ್ರದಲ್ಲಿ ಅಮಿತಾಬ್'ಗೆ ವಿಶೇಷವಾದ ಮೇಕಪ್ ಮಾಡಿಸಲಾಗಿದೆ. ದಪ್ಪನೆಯ ಮೂಗು ಮತ್ತು ವಿಭಿನ್ನ ಕಾಸ್ಟ್ಯೂಮ್ ಧರಿಸಿರುವ ಅಮಿತಾಬ್ ಫೋಟೋ ಸಾಮಾಜಿಕ ಜಾಲತಾಣದಲ್ಲಿ ಸಿಕ್ಕಾಪಟ್ಟೆ ವೈರಲ್ ಆಗಿದೆ.

  ಚಿತ್ರ ಮುಂದಿನ ವರ್ಷ ಏಪ್ರಿಲ್ 24ರಂದು ತೆರೆಕಾಣಲಿದೆ. ಸುಜಿತ್ ಸಿರ್ಕರ್ ನಿರ್ದೇಶನದಲ್ಲಿ ಮೂಡಿಬಂದಿರುವ ಈ ಚಿತ್ರ ಹಾಸ್ಯ ಪ್ರಧಾನ ಚಿತ್ರವಾಗಿದ್ದು ಜೂಹಿ ಚತುರ್ವೇದಿ ಚಿತ್ರಕಥೆ ಬರೆದಿದ್ದಾರೆ. ಈ ಮೊದಲು ಸುರ್ಜಿತ್ ಸಿರ್ಕರ್ ಅವರ ವಿಕ್ಕಿ ಡೋನರ್ ಚಿತ್ರದಲ್ಲಿ ಆಯುಷ್ಮಾನ್ ಹಾಗೂ ಪಿಕೂ ಚಿತ್ರದಲ್ಲಿ ಅಮಿತಾಬ್ ಅಭಿನಯಿಸಿದ್ದರು.