ಮತ್ತೆ ಬೆಳ್ಳಿತೆರೆ ಮೇಲೆ ಮಿಂಚಲಿದ್ದಾರೆ ರಾಧಿಕಾ ಪಂಡಿತ್

•   Fri, Jun 14 2019 06:53:26 PM



• ಬೆಂಗಳೂರು,ಜೂ14(Daijiworldnews/AZM):ಮದುವೆಯಾದ ಬಳಿಕ ರಾಕ್ ಸ್ಟಾರ್ ಯಶ್ ಪತ್ನಿ ಸ್ಯಾಂಡಲ್ ವುಡ್ ನಟಿ ರಾಧಿಕಾ ಪಂಡಿತ್ ಅವರ ಮೊದಲ ಚಿತ್ರ ಬಿಡುಗಡೆಗೆ ತಯಾರಾಗಿ ನಿಂತಿದೆ.

  

  2016 ಅಕ್ಟೋಬರ್ 28ರಲ್ಲಿ ಸಂತು ಸ್ಟ್ರೈಟ್ ಫಾರ್ವಾಡ್ ಚಿತ್ರವೇ ರಾಧಿಕಾ ಅವರು ಅಭಿನಯಿಸಿರುವ ಕೊನೆಯ ಚಿತ್ರವಾಗಿದ್ದು, ಇದೀಗ ಎರಡೂವರೆ ವರ್ಷದ ಬಳಿಕ ಅವರ ಆದಿಲಕ್ಷ್ಮಿ ಪುರಾಣ ಚಿತ್ರ ಬಿಡುಗಡೆಗೆ ರೆಡಿಯಾಗಿ ನಿಂತಿದೆ.

  ಜುಲೈ 19 ರಂದು ರಾಧಿಕಾ ಪಂಡಿತ್ ಮತ್ತೆ ಬೆಳ್ಳಿತೆರೆ ಮೇಲೆ ಮಿಂಚಲಿದ್ದಾರೆ. ಸುಮಾರು ವರ್ಷದ ನಂತರ ಕಂಬ್ಯಾಕ್ ಕೊಡ್ತಿರುವ ನಟಿಗೆ ಅಭಿಮಾನಿಗಳು ರೆಡ್ ಕಾರ್ಪೆಟ್ ಹಾಕಿ ಸ್ವಾಗತಿಸಲು ಸಜ್ಜಾಗಿದ್ದಾರೆ. ಹೀಗಿರವಾಗಲೇ ಯಶ್ ಪತ್ನಿಗೆ ಚಿರು ಸರ್ಜಾ ಎದುರಾಳಿಯಾಗಿ ನಿಂತಿದ್ದಾರೆ.

  ರಾಧಿಕಾ ಪಂಡಿತ್ ಅವರ ಆದಿಲಕ್ಷ್ಮಿ ಪುರಾಣ ಸಿನಿಮಾ ತೆರೆಕಾಣಲಿರುವ ದಿನದಂದೇ ಚಿರಂಜೀವಿ ಸರ್ಜಾ ಅಭಿನಯದ ಸಿಂಗ ಸಿನಿಮಾ ರಿಲೀಸ್ ಆಗುತ್ತಿದೆ. ಈ ಮೂಲಕ ಯಶ್ ಪತ್ನಿಯ ಕಂಬ್ಯಾಕ್ ಚಿತ್ರಕ್ಕೆ ಚಿರು ಸರ್ಜಾ ಸಿನಿಮಾ ಎದುರಾಳಿಯಾಗಲಿದೆ.

  ಆದಿಲಕ್ಷ್ಮಿ ಪುರಾಣ ಚಿತ್ರದಲ್ಲಿ ನಿರೂಪ್ ಭಂಡಾರಿ ನಾಯಕನಾಗಿದ್ದು, ರಾಧಿಕಾ ಪಂಡಿತ್ ನಾಯಕಿ. ಸಿಂಗ ಚಿತ್ರದಲ್ಲಿ ಚಿರು ಸರ್ಜಾ ನಾಯಕನಾಗಿದ್ದು, ಅಧಿತಿ ಪ್ರಭುದೇವ ನಾಯಕಿಯಾಗಿ ನಟಿಸಿದ್ದಾರೆ. ಆದಿಲಕ್ಷ್ಮಿ ಪುರಾಣ ಚಿತ್ರವನ್ನ ರಾಕ್ ಲೈನ್ ವೆಂಕಟೇಶ್ ನಿರ್ಮಾಣ ಮಾಡಿರುವುದು ವಿಶೇಷ.