ತೆಲುಗು ನಟ ರಾಣಾ ಜೊತೆ ಪೋಸ್ ಕೊಟ್ಟ ರಿಷಬ್ ಶೆಟ್ಟಿ - ಫೋಟೋದ ಗುಟ್ಟೇನು?

•   Sun, Nov 10 2024 05:35:35 PM



• ಬೆಂಗಳುರು, ನ.10(DaijiworldNews/TA): ‘ಕಾಂತಾರ: ಚಾಪ್ಟರ್ 1’ ಸಿನಿಮಾದ ಶೂಟಿಂಗ್ ನ ಬ್ಯುಸಿ ಶೆಡ್ಯೂಲ್‌ನಲ್ಲೇ ಇದೀಗ ರಿಷಭ್ ಶೆಟ್ಟಿ ಮತ್ತು ತೆಲುಗು ಸಿನಿಮಾದ ಘಟಾನುಘಟಿ ನಟನ ಜೊತೆಗಿನ ಫೋಟೋ ಒಂದು ಸಾಮಾಜಿಕ ಜಾಲತಾಣದಲ್ಲಿ ಸದ್ದು ಮಾಡುತ್ತಿದೆ. ರಿಷಬ್ ಶೆಟ್ಟಿ, ರಾಣಾ ದಗ್ಗುಬಾಟಿ ಮತ್ತು ಪ್ರಶಾಂತ್ ಅವರು ಸಿನಿಮಾಟಿಕ್ ಯೂನಿವರ್ಸ್‌ನ ಇನ್‌ಸ್ಟಾ ಹ್ಯಾಂಡಲ್‌ಗಳನ್ನು ಟ್ಯಾಗ್ ಮಾಡಿದ್ದಾರೆ. ಸದ್ಯ ಈ ಫೋಟೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.

  

  ಇವರ ಜೊತೆ ತೇಜ್ ಸಜ್ಜಾ ಕೂಡ ಇದ್ದಾರೆ. ಹೀಗಾಗಿ, ಇದು ‘ಕಾಂತಾರ: ಚಾಪ್ಟರ್ 1’ ಸಿನಿಮಾಗೆ ಒಟ್ಟಾಗಿರುವುದು ಅಲ್ಲ ಎಂದು ಹೇಳಲಾಗಿದೆ. ರಿಷಬ್ ಅವರು ‘ಜೈ ಹನುಮಾನ್’ ಹೆಸರಿನ ತೆಲುಗು ಸಿನಿಮಾದಲ್ಲಿ ನಟಿಸುತ್ತಿದ್ದಾರೆ. ಈ ಕಾರಣದಿಂದ ಶೂಟಿಂಗ್‌ಗಾಗಿ ಆಂಧ್ರ ಪ್ರದೇಶಕ್ಕೆ ಹೋದಾಗ ಅವರು ರಾನಾ ದಗ್ಗುಬಾಟಿಯನ್ನು ಭೇಟಿ ಮಾಡಿದ್ದಾರೆ. ಈ ಭೇಟಿ ವೇಳೆ ರಿಷಬ್ ಹಾಗೂ ರಾನಾ ಭೇಟಿ ಆಗಿದ್ದು ಒಟ್ಟಾಗಿ ಪೋಸ್ ಕೊಟ್ಟಿದ್ದಾರೆ ಎಂದು ಹೇಳಲಾಗಿದೆ.

  ಈಗಾಗಲೇ ರಿಷಬ್ ಶೆಟ್ಟಿ ಆಗಮನದಿಂದ ಜೈ ಹನುಮಾನ್ ಚಿತ್ರದ ಲೆವೆಲ್ ಮತ್ತೊಂದು ರೇಂಜ್ ಗೆ ಹೋಗಿದ್ದು, ಇದೀಗ ರಾಣಾ ಕೂಡ ಇದ್ದಾರೆ ಎಂಬ ಸುಳಿವು ನೀಡಿರುವುದು ಎಲ್ಲರನ್ನೂ ಸೆಳೆಯಲಿದೆ. ಆದರೆ ಇದರಲ್ಲಿ ರಾಣಾ ಪಾತ್ರ ಏನೆಂಬುದು ಸಸ್ಪೆನ್ಸ್ ಆಗಿಬಿಟ್ಟಿದೆ. ಸದ್ಯ ಕಾಂತಾರ: ಚಾಪ್ಟರ್ 1 ನಲ್ಲಿ ರಿಷಬ್ ಮಾತ್ರ ನಟಿಸುತ್ತಿರುವುದು ಅಧಿಕೃತ ಆಗಿದೆ. ಸಿನಿಮಾದಲ್ಲಿ ಯಾರೆಲ್ಲ ನಟಿಸುತ್ತಾರೆ ಎನ್ನುವ ಬಗ್ಗೆ ಯಾವುದೇ ಅಧಿಕೃತ ಮಾಹಿತಿ ಹೊರ ಬಿದ್ದಿಲ್ಲ.