ಡಾಲಿಗೆ ನಾಯಕಿಯಾಗಿ ಕೊಡಗಿನ ಬೆಡಗಿ ರೀಷ್ಮಾ ನಾಣಯ್ಯ ಆಯ್ಕೆ

•   Mon, Oct 14 2024 06:12:36 PM



• ಬೆಂಗಳೂರು, ಅ.14(DaijiworldNews/AA): ಕೊಡಗಿನ ಬೆಡಗಿ ನಟಿ ರೀಷ್ಮಾ ನಾಣಯ್ಯ ಅವರು ಡಾಲಿ ಧನಂಜಯ್ ಅವರ ಹೊಸ ಚಿತ್ರದಲ್ಲಿ ನಾಯಕಿಯಾಗಿ ಕಾಣಿಸಿಕೊಳ್ಳಲಿದ್ದಾರೆ.

  ನಟಿ ರೀಷ್ಮಾ ಅವರಿಗೆ ಸ್ಟಾರ್ ನಟರ ಸಿನಿಮಾಗಳಿಗೆ ನಾಯಕಿಯಾಗಿ ನಟಿಸಲು ಕರೆ ಬರುತ್ತಿದೆ. ಅದರಂತೆ ಇದೀಗ ಡಾಲಿ ಧನಂಜಯ್ ನಟನೆಯ 'ಅಣ್ಣ ಫ್ರಂ ಮೆಕ್ಸಿಕೋ' ಸಿನಿಮಾಗೆ ನಾಯಕಿಯಾಗಿ ಆಯ್ಕೆಯಾಗಿದ್ದಾರೆ.

  ಈ ಸಿನಿಮಾದಲ್ಲಿ ನಟಿ ರೀಷ್ಮಾ ಅವರ ಪಾತ್ರಕ್ಕೂ ಪ್ರಾಮುಖ್ಯತೆ ಇದೆ. ಜೊತೆಗೆ ನಟಿ ಈವರೆಗೆ ನಟಿಸಿರದ ವಿಭಿನ್ನ ಪಾತ್ರದಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ. ಇನ್ನು ಈ ಚಿತ್ರವನ್ನು 'ಬಡವ ರಾಸ್ಕಲ್' ನಿರ್ದೇಶಕ ಶಂಕರ್ ಗುರು ನಿರ್ದೇಶನ ಮಾಡುತ್ತಿದ್ದಾರೆ. ಹಾಗೂ ಸತ್ಯ ರಾಯಲ ಚಿತ್ರವನ್ನು ನಿರ್ಮಾಣ ಮಾಡುತ್ತಿದ್ದಾರೆ.