ಭಾವಿ ಪತಿಯ ಜೊತೆ ಇರುವ ಫೋಟೋ ಶೇರ್ ಮಾಡಿದ ನಟಿ ನುಸ್ರತ್ ಜಹಾನ್

•   Sat, Jun 01 2019 04:01:26 PM



• ಪಶ್ಚಿಮ ಬಂಗಾಲ,ಜೂ. 01(DaijiworldNews/AZM):ಪಶ್ಚಿಮ ಬಂಗಾಳದ ಬಸರತ್ ಲೋಕಸಭೆ ಕ್ಷೇತ್ರದಿಂದ ಟಿಎಂಸಿ ಪಕ್ಷದ ಸಂಸದೆಯಾಗಿ ಆಯ್ಕೆಯಾಗಿರುವ ನುಸ್ರತ್, ನಿಖಿಲ್ ಜೈನ್ ಎಂಬುವರ ನಡುವಿನ ಗಾಳಿ ಸುದ್ದಿಗೆ ಇದೀಗ ನಿಜವಾಗಿದ್ದು, ಈ ಕುರಿತ ಮಾಹಿತಿಯನ್ನು ನಟಿ ಖುದ್ದೂ ಸಾಮಾಜಿಕ ಜಾಲತಾಣಗಳಲ್ಲಿ ಶೇರ್ ಮಾಡಿದ್ದಾರೆ.

  

  ಭಾವಿ ಪತಿ ಕೈ ಹಿಡಿದಿರುವ ಫೋಟೋವೊಂದು ಶೇರ್ ಮಾಡಿರುವ ನಟಿ, ನಿನ್ನ ಕನಸಿಗಿಂತ ನೈಜತೆ ತುಂಬಾ ಚೆನ್ನಾಗಿದೆ. Best Thing to Hold on to in Life.. is Each Other' ಎಂದು ಪೋಸ್ಟ್ ಮಾಡಿ ನಿಖಿಲ್ ಜೈನ್ ಅವರನ್ನ ಟ್ಯಾಗ್ ಮಾಡಿ, ಮದುವೆ ಆಗುತ್ತಿರುವ ಬಗ್ಗೆ ಖಚಿತ ಪಡಿಸಿದ್ದಾರೆ. ಅಷ್ಟೇ ಅಲ್ಲದೇ ನುಸ್ರತ್ ಕೈಬೆರಳಿನಲ್ಲಿ ಎಂಗೇಜ್ ಮೆಂಟ್ ಉಂಗುರ ಕೂಡ ಗಮನ ಸೆಳೆದಿದೆ.

  2011ರಲ್ಲಿ ಬೆಂಗಾಳಿ ಸಿನಿಮಾ 'ಶೋತ್ರು' ಮೂಲಕ ಸಿನಿ ಜರ್ನಿ ಆರಂಭಿಸಿದ ನುಸ್ರತ್ ಅನೇಕ ಚಿತ್ರಗಳಲ್ಲಿ ನಟಿಸಿದ್ದಾರೆ. ಖೋಖಾ 420, ಖಿಲಾಡಿ, ಆಕ್ಷನ್, ಪವರ್, ಲವ್ ಎಕ್ಸ್ ಪ್ರೆಸ್, ಉಮಾ, ನಕಾಬ್ ಸೇರಿದಂತೆ ಹಲವು ಸಿನಿಮಾ ಮಾಡಿದ್ದಾರೆ. ಇತ್ತೀಚಿಗಷ್ಟೆ ನಡೆದ ಲೋಕಸಭೆ ಚುನಾವಣೆಯಲ್ಲಿ ಮಮತಾ ಬ್ಯಾನರ್ಜಿ ಅವರ ಟಿಎಂಸಿ ಪಕ್ಷದಿಂದ ಸ್ಪರ್ಧಿಸಿದ್ದರು. ಮೊದಲ ಸಲವೇ ಗೆದ್ದು ಲೋಕಸಭೆ ಪ್ರವೇಶಿಸಿದ್ದಾರೆ.

  ನುಸ್ರತ್ ಜಹಾನ್ ಜೊತೆಯಲ್ಲಿ ಪಶ್ಚಿಮ ಬಂಗಾಳದ ಮತ್ತೊರ್ವ ನಟಿ ಸಂಸದೆಯಾಗಿ ಆಯ್ಕೆಯಾಗಿದ್ದಾರೆ. ಜಾಧವ್ ಪುರ್ ಕ್ಷೇತ್ರದಿಂದ ಸ್ಪರ್ಧಿಸಿದ್ದ ಮಿಮಿ ಚಕ್ರಬೋರ್ತಿ ಕೂಡ ಮೊದಲ ಚುನಾವಣೆಯಲ್ಲಿ ಲೋಕಸಭೆ ಪ್ರವೇಶಿಸಿದ್ದಾರೆ. ಮಿಮಿ ಹಾಗೂ ನುಸ್ರತ್ ಸ್ನೇಹಿತರಾಗಿದ್ದು ಲೋಕಸಭೆಯಲ್ಲಿ ಇವರಿಬ್ಬರು ಜೋಡಿ ಎಲ್ಲರ ಕಣ್ಣು ಕುಕ್ಕಲಿದೆ.