ಪ್ರಧಾನಿ ಜನ್ಮದಿನದಂದು ಬಾಲಿವುಡ್ ನಿರ್ಮಾಪಕನ ಮಹಾ ನಿರ್ಧಾರ

•   Tue, Sep 17 2024 01:35:00 PM



• ಮುಂಬೈ, ಸೆ.17 (DaijiworldNews/TA):ಪ್ರಧಾನಿ ನರೇಂದ್ರ ಮೋದಿ ಅವರಿಗೆ ಇಂದು ಜನ್ಮದಿನ. ಈ ದಿನದಂದು ಬಾಲಿವುಡ್ ನಿರ್ಮಾಪಕ ಮಹಾವೀರ್ ಜೈನ್ ಒಂದು ಪ್ರಮುಖ ನಿರ್ಧಾರ ಮಾಡಿದ್ದಾರೆ. ಅವರು ಶೇ. 90 ಉಳಿತಾಯವನ್ನು ದಾನ ಮಾಡೋದಾಗಿ ಹೇಳಿಕೆ ನೀಡಿದ್ದಾರೆ. ಕಷ್ಟದಲ್ಲಿ ಇರುವವರಿಗೆ ತಮ್ಮ ಹಣ ನೀಡಲು ನಿರ್ಧರಿಸಿದ್ದೇನೆ ಎಂದು ತಿಳಿಸಿದ್ದಾರೆ.

  

  ನೀಡಿದ ಒಂದು ಸಂದರ್ಶನದಲ್ಲಿ ಮಹಾವೀರ್ ಅವರು ಮಾತನಾಡಿದ್ದಾರೆ. ‘ಸ್ವಾಮಿ ವಿವೇಕಾನಂದರ ಒಂದು ತತ್ವಶಾಸ್ತ್ರವನ್ನು ಪ್ರಧಾನಿ ಅಳವಡಿಸಿಕೊಂಡಿದ್ದಾರೆ. ಯಾರು ಬೇರೆಯವರಿಗಾಗಿ ಬದುಕುತ್ತಾರೋ ಅವರು ಮಾತ್ರ ಬದುಕಲು ಸಾಧ್ಯ ಎಂಬ ಮಾತನ್ನು ಶಾಲಾ ವಿದ್ಯಾರ್ಥಿ ಇದ್ದಾಗಲೇ ಮೋದಿ ಅವರು ಪಾಲಿಸುತ್ತಾ ಬಂದಿದ್ದಾರೆ’ ಎಂದು ಹೇಳಿದ್ದಾರೆ.

  ‘ನಮ್ಮ ದೇಶಕ್ಕೆ ಮೋದಿ ಅವರಂಥ ನಾಯಕರು ಸಿಕ್ಕಿರುವುದಕ್ಕೆ ನನಗೆ ಪ್ರತಿ ದಿನ ಪ್ರತಿ ಕ್ಷಣ ಹೆಮ್ಮೆ ಆಗುತ್ತದೆ. ಇಡೀ ವಿಶ್ವ ಭಾರತವನ್ನು ಹೆಚ್ಚು ಗೌರವದಿಂದ ನೋಡುತ್ತಿದೆ. ಭಾರತೀಯನಾಗಿ ನನಗೆ ಹೆಮ್ಮೆ ಇದೆ’ ಎಂದು ಹೇಳಿದ್ದಾರೆ ಮಹಾವೀರ್.