ಕೊನೆಯ ಚಿತ್ರಕ್ಕೆ 275 ಕೋಟಿ ರೂ. ಸಂಭಾವನೆ ಪಡೆದ ದಳಪತಿ ವಿಜಯ್

•   Sat, Sep 14 2024 05:34:41 PM



• ಚೆನ್ನೈ, ಸೆ.14(DaijiworldNews/AA): ತಮಿಳಿನ ನಟ ದಳಪತಿ ವಿಜಯ್ ತಮ್ಮ ಕೊನೆಯ ಚಿತ್ರ ಎನ್ನಲಾದ 'ದಳಪತಿ 69' ಗೆ 275 ಕೋಟಿ ರೂ. ಸಂಭಾವನೆ ಪಡೆಯುತ್ತಿದ್ದಾರೆ. ಚಿತ್ರದ ಬಜೆಟ್‌ನ ಅರ್ಧ ಭಾಗದಷ್ಟು ವಿಜಯ್ ಸಂಭಾವನೆ ಇರುತ್ತದೆ ಎನ್ನಲಾಗಿದೆ.

  ಹಿಂದಿನ 'ದಿ ಗೋಟ್' ಚಿತ್ರಕ್ಕೆ ವಿಜಯ್ ಬರೋಬ್ಬರಿ 200 ಕೋಟಿ ಸಂಭಾವನೆ ಪಡೆದಿದ್ದರು ಎಂಬ ಸುದ್ದಿ ಇದೆ. ಇದೀಗ ಇದರ ಬೆನ್ನಲ್ಲೇ 'ದಳಪತಿ 69' ಚಿತ್ರಕ್ಕೆ ವಿಜಯ್ 275 ಕೋಟಿ ಸಂಭಾವನೆ ಪಡೆಯುತ್ತಿದ್ದಾರೆ ಎಂಬುದೇ ಆಶ್ಚರ್ಯಕರ ಸಂಗತಿ.

  'ದಳಪತಿ 69' ಚಿತ್ರವನ್ನು ಹೆಚ್ ವಿನೋದ್ ನಿರ್ದೇಶಿಸುತ್ತಿದ್ದು, ಕನ್ನಡದ 'ಕೆವಿಎನ್ ಸಂಸ್ಥೆ' ನಿರ್ಮಿಸಲಿದೆ. ಈ ಚಿತ್ರದ ಮೇಲೆ ಬಹಳ ನಿರೀಕ್ಷೆ ಇರುವುದರಿಂದ 500 ಕೋಟಿ ರೂ. ವೆಚ್ಚದಲ್ಲಿ ನಿರ್ಮಾಣವಾಗುತ್ತಿದೆ.