ಮೋದಿ ಗೆದ್ದ ಖುಷಿಯಲ್ಲಿ ಖುದ್ದು ಪಕೋಡಾ ಮಾಡಿದ ಕಂಗನಾ

•   Fri, May 24 2019 05:40:18 PM



• ನವದೆಹಲಿ,ಮೇ 24(Daijiworld News/MSP): ಲೋಕಸಭೆ ಚುನಾವಣೆಯಲ್ಲಿ ಮೋದಿ ಗೆದ್ದ ಖುಷಿಯನ್ನು ಅವರ ಅಭಿಮಾನಿಗಳು ಭಿನ್ನ ವಿಭಿನ್ನವಾಗಿ ಆಚರಿಸುತ್ತಿದ್ದಾರೆ. ಇನ್ನು ಇದಕ್ಕೆ ಬಾಲಿವುಡ್ ನಟಿ ಕಂಗನಾ ರಾಣಾವತ್ ಕೂಡಾ ಹೊರತಲ್ಲ. ಯಾಕೆಂದರೆ ಗುರುವಾರದಂದು ಮೋದಿಯ ಅಭೂತಪೂರ್ವ ಗೆಲುವಿನ ಫಲಿತಾಂಶ ಹೊರಬೀಳುತ್ತಿದ್ದಂತೆಯೇ ಖುಷಿಯಾದ ಕಂಗನಾ ಅಡುಗೆ ಮನೆಯಲ್ಲಿ ಪಕೋಡಾ ಮಾಡಿ ವಿಜಯವನ್ನು ಸೆಲಬ್ರೇಟ್ ಮಾಡಿದ್ದಾರೆ. 

  
  
  

  32 ವರ್ಷದ ನಟಿ ಕಂಗನಾ ಅವರು ಇಂದು ಸ್ವತಃ ತಾವೇ ತಮ್ಮ ಕುಟುಂಬದವರಿಗೆ ಚಾಯ್ ಮತ್ತು ಪಕೋಡಾ ಮಾಡುವ ಮೂಲಕ ಮೋದಿ ಹಾಗೂ ಬಿಜೆಪಿಯ ವಿಜಯೋತ್ಸವವನ್ನು ಆಚರಿಸಿದ್ದು, ಅದರ ಫೋಟೋಗಳನ್ನು ಟ್ವೀಟ್ ಮಾಡಿದ್ದಾರೆ.

  ಕಂಗಾನಾ ಟೀಂ ಅವರ ಫೋಟೋಗಳನ್ನು ಶೇರ್ ಮಾಡಿ, ಮೋದಿ ಜಿಯವರು ಸ್ಟ್ರಾಂಗ್ ಐಡಿಯಾಗಳು, ಮುನ್ನೋಟ, ಜನರ ಆಶೋತ್ತರಗಳನ್ನು ಈಡೇರಿಸಲು ಬದ್ಧರಾಗಿರಲಿ. ನಾವೆಲ್ಲಾ ಮೋದಿಯವರೊಂದಿಗೆ ಇದ್ದೇವೆ. ಫಲಿತಾಂಶದಿಂದ ನಾನು ಖುಷಿಯಾಗಿದ್ದೇನೆ ಎಂದು ಬರೆದುಕೊಂಡಿದ್ದಾರೆ.

  ಕಂಗನಾ ಅವರ ಫೋಟೋಗಳನ್ನು ಷೇರ್ ಮಾಡಿರುವ ಅವರ ಸಹೋದರಿ ರಂಗೋಲಿ ಅವರು, ಕಂಗನಾ ಅಡಿಗೆ ಮಾಡುವುದೇ ಅಪರೂಪ. ಇಂದು ನರೇಂದ್ರ ಮೋದಿ ಅವರಿಗಾಗಿ ಜಾಯ್ ಮತ್ತು ಪಕೋಡಾ ಮಾಡಿದ್ದಾರೆ ಎಂದು ಟ್ವೀಟ್ ಮಾಡಿದ್ದಾರೆ.